RUMI 14:2 - PIPÏLIA

² Sisinchö pich, chömchini kighanata chitö anka kwomöy kïgh anka tïkwïl, wölo kwam onkïy chi anka nyo nyarkalal kighanatenyi.

RUMI 14:2 ပူးပေါင်းရင်းမြစ်များ

TOWUNÖT 1:29

Okonokwa pagh cho sisinchö nko akwa ket lapay cho mi wop anka tïkwïl tökïlïkwï omisyenkwa.

TOWUNÖT 9:3

Lïku omisyenkwa tyonkïn lapay cho sötote, kïle wölanye kyokonokwa onkïy, okonokwa choni tïkwïl kïlïkwï omisyenkwa.

NGÖTÏNYÖ 15:17

Ngwangwa kyam rachan ompö ato mi pöghisyö, kïtïl kyam tany nyo akwagh nko punyontön.

DANIEL 1:12

“Ghotecha mötworiku osis taman, kanya kekonecha onkïy kyama nko pögh keghegha.

DANIEL 1:16

Kïlenyona kïpïsyï nyu kighyongtoghinto omisyewut chane kwam onkïy mökutönye omisyewutchay le kïlan pö pöytoghin.

RUMI 14:1

Ataka chi nyo nyarkalal ompö kighanat ompö kwenunkwa, amomöl kegh nko nyinte paraku kinonutkachi.

RUMI 14:14

Ompöwölo kyolinyan nko Echotyon Yeso otïngetan man lö, möminye omisyö nyonikïny nyo lïku sïmnyon onkït. Wölo ato nonchï chi kegh lö sïmnyon omisyö anka, kïlïku omisyononi sïmnyon ompö nyinte.

RUMI 14:20

Menyar nyu ighisyo Tororöt ompö ngala omisyö. Kyomöy omisyewut löwïr, wölo mömïchïninye kyam omisyö nyo ighöy chitö anka kupïtyï ngokï.

RUMI 15:1

Mïchinecha cho kïchï chïchïmote ompö kighanat kengaraka pikö walaka cho nyörkölöl kumï kïrïnta kömpölelutkökwa, amökeyang kegh opïn.

1 KORINTO 10:25

Ama kïgh anka tïkwïl nyo kyoltegho donyo pany amateptep kïgh akwompö sïkunötenkwa,

1 KORINTO 8:9

Wölo orip kegh tömötöp otöptöngwo nyoni tyakate tökwigh pikö walaka cho nyörkölöl ompö kighanat kupïtyï ngokï.

1 KORINTO 9:22

Kalïkwan chi nyo nyarkalal ato omitan nko pich cho nyörkölöl, atamuk otyï chane. Kaghan kegh alïkwï kïgh anka tïkwïl ompö pich löwïr, atamuk osörï walaka ompö or anka tïkwïl.

KALATIA 2:12

Ompöwölo kitökwomisïyi Petro nko piko puntoni walaka otini kitomöcha kwitï pich cho kiyonï Yakopo. Wölo otini kitï pïchoni pö puntoni walaka kïtagh kwomisyö nko chane ompöwölo kiwagh pich cho kimököy lö töpa tum pipö punton tïkwïl.

1 TIMOTEO 4:4

Karam kïgh anka tïkwïl nyo kigh Tororöt, möminye kïgh nyonikïny nyo kïtöghöy. Kïlenyona mïchini ketach kïgh anka tïkwïl akesagh keyokyï Tororöt sörö,

TITO 1:15

Tïlil kïgh anka tïkwïl ompö pich cho tïlilöch, wölo möminye kïgh nyonikïny nyo tïlil ompö pich cho le sïmnyon cho puryö kighanat, ompöwölo kikesïmnyon kinonutkökwa nko pköchintöngwa.

EPRANIA 13:9

Makany kwighak kinetut cho le to opotyenö. Ompöwölo karam tya kïchïchïma mïkulöwekwa pöropcho Tororöt, melö ompö kirurut pö omisyö, ompöwölo kimengarakcha kirurutchoni pïchoni kimi kïrïpöy nyonikïny.

EPRANIA 9:10

Pörtoy ngalechoni löwïr kirurut pö omisyewut cho lata gheghsyö nko otöptino tïlilyö. Pö ngalechoni löwïr sany akitökïtïng kinyïwut ntökïtenö kwitï ato ighöy Tororöt tötutkö walaka cho relach.