RUMI 14:18 - PIPÏLIA

¹⁸ Akï chi nyo pöghisyechini Kristo lenyoni kïngörokyini Tororöt akï tïng nyinte tokoch nyo karam ompö pich.

RUMI 14:18 ပူးပေါင်းရင်းမြစ်များ

TOWUNÖT 4:7

Ntökeghanyi nyo karam, kötö kïtokinyi. Wölo ato ighenyi nyo gha, kïmito ngokï kukat kusyepinyi. Pïrchini kïpöytoninyi, wölo mïchini rïntenanyi.”

OMTOGHIN 9:7

Kikïchömunyi Tororöt kïgh nyo keghanyi, kïlenyona wïyö ama omisyengu aiturön ighegh dipayköku* ompö ngörekyö.

MARKO 13:34

Karkegh nko chi nyo köwö kïrutö. Nyo yomisöy mötworichi. Töni anka tïkwïl woyenyi, akïmwochï mötworinte nyo ripöy or kïripsyö lasiny.

YOANA 12:26

Akwanka tïkwïl nyo pöghisyewanïn, kïmötïnye kïrïpanïn, atökumï mötworintenyan kïmi nko ani ompö wop anka tïkwïl wölo omitan. Ato pöghisyewanïn chi kutöni Paponyan nyinte konyït.

IGHISYEWUT 10:35

Wölo chi anka tïkwïl nyo pö punton nyo konyïtöy nyinte akwighöy man kïtoköy nyinte.

RUMI 12:11

Malïkwï soson otinö opöghisïyi. Opöghisyechinö Echotyon ompö mïkulögh nyo pö kitötogh.

RUMI 14:4

Ichinyi ngo nya terwokyine mötworinto chitö anka? Ato kegh cho rokono anta ewo, kï paraku echotyontenyi kegh kïmwa. Wölo ato igh cho tenate, kwompöwölo Echotyon nyo kengarak nyinte.

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

RUMI 6:22

Wölo kikutyakenakwa ye Tororöt sekeynöno ngokï alïkukwa sekeyi chi kegh. Tösunöt nyo onyorunekwa kï söpon nyo pöghisyechini nyinte kïmïchï, nyo ipu ato le söröm söpon pö kokay.

1 KORINTO 7:22

Ompöwölo tyoko chi ompö Echotyon nyo kökur Echotyon kï sekeyon. Kïlenyoni tïkwïl, nyinte nyo kakïkur kutyakate kïlïku sekeyonto Kristo.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

2 KORINTO 5:11

Kinkïtöcha nyu wölo kïtechtoy Echotyon anka nyoni kikilecha kegh akekïnkïnöy pich, nkïtecha Tororöt lasiny, akönan lö onkïtanïkwa tïkwïl ompö mïkuliskökwo.

2 KORINTO 5:9

Wölo kïgh nyo wow kïsïr, kï keghacha tïkwïn cho mököy nyinte ato kö ompö ngwïnyinete anta kö woptö anka.

2 KORINTO 6:4

Nyinö kötö kighecha lenyoni, keporucha kegh lasiny lö kïchicha mötwori Tororöt ompö kïgh anka tïkwïl nyo kighecha ompö mïkukönöt nyo wow ompö osiswo kichopat nko kömpölelyö nko nyarïl.

2 KORINTO 8:21

Kïmöchecha keghe man, amelö ompö tawu Echotyon onkït, wölo ompö tawu pich tïkwïl.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

PILIPI 4:8

Nyo pö löt tupchenichu omwoghan lö, anyïghita kinonutkökwo tïkwïn lapay cho pö man nko cho pö konyït nko cho puryö lïs nko cho tïlilöch nko cho pö töroryö nko pïchighyö.

KOLOSAY 3:24

ompöwölo onkïtökwa lö konokwa Echotyon ropöwon nyo omïlekwa, nyo kirorchï nyinte pikachi. Ompöwölo nyinte nyo opöghisyechinekwa kï Echotyon Kristo.

1 TIMOTEO 2:3

Karam ato aghakwa lenyoni akï chömunote ompö tawu Tororöt Ghetintenyo,

1 TIMOTEO 5:4

Wölo ato mi mïsïk nyo tïng monechi anta kokötinechi, kïmïchini nyo pö tagh kuporï monechoni kighanatengwa ompö ripöto kutak wölanya kikïnam chane. Chömunote ngölyontononi ompö tawu Tororöt.

1 PETRO 2:12

Mïchinokwa apartena otöp nyo karam nyoman ompö kwenu pich cho tomönye kughan, nyo kïrkegh kö mököy kïmïrchokwa put lö oghekwa tïkwïn cho ghach, kumuköy kïsïwa ighisyewutkökwa cho karamach akïsal Tororöt Asisto kingwïnatenyi.

1 PETRO 2:20

Ompöwölo nyoru chi salat ne nyo mïkukönöy ato kïmi kemunyöy ompö lelutkachi? Wölo ato omïkukönökwa ompö nyörïlwok, kïrkegh omitenökwa oghöy nyo karam, soyönokwa Tororöt ngölyontononi.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 3:16

Wölo omwochï lenyoni ompö tölosyö nko konyït. Orip lasiny totöpinö ompö choghïn nyo karam, nyo ato mwagha pich, kïlolïyonchö choni ngölono nyo gha otöptönkwa nyo karam le pipö Kristo.