RUMI 14:14 - PIPÏLIA

¹⁴ Ompöwölo kyolinyan nko Echotyon Yeso otïngetan man lö, möminye omisyö nyonikïny nyo lïku sïmnyon onkït. Wölo ato nonchï chi kegh lö sïmnyon omisyö anka, kïlïku omisyononi sïmnyon ompö nyinte.

RUMI 14:14 ပူးပေါင်းရင်းမြစ်များ

MARKO 7:2

Kïsïwa kinetanpa Yeso walaka kwomisïyi nko morïn cho le sïmnyon, cho tomönye kewun.

IGHISYEWUT 10:28

Kïlenchï pïchay, “Onkïtökwa akwane lö, kïkïröy ompö kirurut kïghömö chi pö Yaudi nko chi pö punton anta rutochï kegh tïkwïl. Wölo keporwanïn Tororöt lö, mömïchininye okuran chi anka tïkwïl lö melö tïlil anta sïmnyon.

RUMI 14:2

Sisinchö pich, chömchini kighanata chitö anka kwomöy kïgh anka tïkwïl, wölo kwam onkïy chi anka nyo nyarkalal kighanatenyi.

RUMI 14:20

Menyar nyu ighisyo Tororöt ompö ngala omisyö. Kyomöy omisyewut löwïr, wölo mömïchïninye kyam omisyö nyo ighöy chitö anka kupïtyï ngokï.

RUMI 14:23

Wölo ato tïng chi tomtomönöt ompö omisyö nyo omöy, kurwokyini Tororöt nyinte ato am, ompöwölo melö kam omisyononi kïrïp kegh nko kighanatenyi. Akï kïgh anka tïkwïl nyo mörïpönye kegh nko kighanat, kï ngokï.

1 KORINTO 10:25

Ama kïgh anka tïkwïl nyo kyoltegho donyo pany amateptep kïgh akwompö sïkunötenkwa,

1 KORINTO 8:10

Ompöwölo ato sïwinyi, nyo itïngetö kinkïtöt, chitö anka nyo nyarkalal kighanatenyi, iomisyeghonyi kö nyo kïsogho körkeyïntin, metöninye so nyoni nyinte sirmoy nyo omo omisyewut cho kakeropchï körkeyïntin?

1 KORINTO 8:7

Wölo mötïngcha pich tïkwïl kinkïtötononi. Ompöwölo mi pikö walaka cho kikïnaghta körkeyïntin nko nyete le ye nyo otini omöy chane omisyewut, kunonöy lö kikeropchï omisyononi körkeyïntin. Akwompöwölo nyarkalal kighanatengwa, kïlïmchini kegh lö kesïmnyon omisyononi chane.

1 TIMOTEO 4:4

Karam kïgh anka tïkwïl nyo kigh Tororöt, möminye kïgh nyonikïny nyo kïtöghöy. Kïlenyona mïchini ketach kïgh anka tïkwïl akesagh keyokyï Tororöt sörö,

TITO 1:15

Tïlil kïgh anka tïkwïl ompö pich cho tïlilöch, wölo möminye kïgh nyonikïny nyo tïlil ompö pich cho le sïmnyon cho puryö kighanat, ompöwölo kikesïmnyon kinonutkökwa nko pköchintöngwa.