RUMI 13:13 - PIPÏLIA

¹³ Kemöngisyenö ompö or nyo tenate, le pich cho pestegho löpoyïn pö pöghet. Melö ompö aketagh kïsamta nko tamasa anta sïmnyontön nko cheporesnan anta syala nko sastagh.

RUMI 13:13 ပူးပေါင်းရင်းမြစ်များ

NGÖTÏNYÖ 23:20

Metöpö nko gheghinto dipaytin* anta kwenu pipö mutïn cho omöy pany.

LUKA 1:6

Kitïpïyot chane kwodeny otöp pö tïlilïn ompö tawu Tororöt, kiteröy akïrïpöy Kirurut pö Echotyon löwïr.

LUKA 16:19

“Kimi kitas tagh Yeso kïlenchï pïchay, chi nyo kile sïkön nyo kiloköy sïro cho pö olyot nyo wow tya, akïtöpo atöp nyo pö mökosyö kïtenö osis.

LUKA 21:34

“Orip kegh nyu akwane, tömekaperak pïghyöny nko tamasa nko sïngut pö ngwïnyinï, tömemirok asispa kingwïnata Wero Chi le ngöghöp.

IGHISYEWUT 2:15

Mötömesyöcha pïchï, le wölo onontonekwa, ompöwölo satïn sömök cho pö tökwoghö.

1 KORINTO 3:3

Ompöwölo tomitenökwa le pipö ngwïny, ompöwölo ato man lö tökïmi kwenunkwa sastagh nko syala, kïmeporunye nyoni lö tochikwa pipö ngwïnyï? Poru ngalechoni nyo nyoman lö tochikwa pich cho rïpöy ara por amitekwa orïpöy otöptino pich cho pö ngwïnyinï.

KALATIA 5:19

Melö wïngote nyu ighisyewut pö por kïsïwïyegho: alomi, sïmnyontön, möchut cho ghach,

KALATIA 5:21

Kepö kegh sikong, tamasa, chepomutnön nko ngale walaka cho karkegh nko choni. Orirwokwa ye le atanye kökyarirwakwa tagh lö, mömïlöcha Pöyunöto Tororöt pich cho ighöy tïkwïn cho lata choni.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 4:17

Orirwokwa nyu ompö kaynata Echotyon lö, motïpinö ngat le pich cho menkïtcha Tororöt, cho kiwöghökisyö kinonutkökwa kïlïkwï sölwontön,

EPESO 5:15

Orip kegh nyu lasiny wölo otöptoy, motïpï le sölwöy, wölo otïpinö le pich cho ngöghomöch.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

PILIPI 2:3

Magh kïgh anka tïkwïl ompö ma nyo gha anta ompö menöt, wölo ompö rïngata kegh oyitö pikö walaka lö pö tösunöt kïtïlokwa.

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

KOLOSAY 3:5

Kïlenyona, otïghö otöptino ngwïnyinï cho ghach cho mi orinkwa cho lata: cheporesnan nko sïmnyontön kinonut cho ghach nko pïrchin nyo gha nyo karkegh nko saghata körkeyïntin.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

1 TESALONIKE 4:12

Atamuka ompö aranoni osïkenö konyït pich cho tomöcha kughan Echotyon atömörörchok kïgh nyo omököy.

1 TESALONIKE 5:17

asagh Tororöt kïtenö osis,

YAKOPO 4:5

Molenchï kegh mwoghöy Kikirut ngala kwïle atay lentöy, “Pïrchinecha akwomöy nyonyintön mïkulögh nyo ketö Tororöt orincha.”

1 YOANA 2:6

anka tïkwïl nyo mwoghöy lö kyolinyö nko Tororöt, kïmïchini kïtöpö le wölo kitöptoy Yeso Kristo.

2 YOANA 1:4

Kyangarakan kïtya otini kyonyorwan moneku walaka kïrïpöy ara man, le wölo kimwowecha Papo!

YUDA 1:23

osörunenö lawel pikö walaka mapa kirwok. Mi pikö walaka cho mïchini oripenö kegh tömenamtak sïmnyontönengwa nyo pö ngokikwa otini omikwa osyonchini chane. Atagha ntatagh ompö chini le sïrokökwa cho kikïnam sïmnyonto pïrchintinekwa cho ghach.