RUMI 13:11 - PIPÏLIA

¹¹ Akïmöchonicha opïn, onkïtökwa lö kïmitö osis cho nenach. Osiswechete cho kömïchï kengetena rïwon, ompöwölo kikïlekïtit ye tya sörunötenyo kïtïl atanya kikighanacha.

RUMI 13:11 ပူးပေါင်းရင်းမြစ်များ

OMTOGHIN 9:10

Ato nyorï ewungu kïgh anka tïkwïl nyo ighöy, igh ompö owesyengu kïmïkul, ompöwölo möminye ighisyö anta kinanat anta chïreryö anta ngöghomnyo ngwen wölini iwetenyi.

YONA 1:6

Kïlenyona kïwö wowïn pö meli kïlenchï, “Ayo, ne nyï ighenyi nya rïwintonï? Ngeta aisagh tororötïngu. Tömö ana kïkonecha nyinte kingörokut tömökiwonyö.”

MATAYO 16:3

Kïkany kuwas olekwa, ‘Ropönöy ompöwölo pïrir yïmö akï kïruntï.’ Ato onkïtökwa angoröy atöptino osis otini kotopönökwa yïm akwanyï momuchekwanye ntangor möchey pö otöptino osiswechï.

LUKA 21:28

Otini kasïwekwa nyu kwighisyö tïkuchoni, oghyong asyol mötöwekwo, ompöwölo kikïrikï sörunötenkwa.”

1 KORINTO 10:11

Kipkonchï nyu pïchoni löwïr ngalechoni atökïlïkwï kiporunöt ompö pikö walaka akekir atökïrirwecha cho kakwitwecha osiswo söröm.

1 KORINTO 15:34

Ochïkonchenö, alet tagh otïpï otöp nyo karam, amagha ngokï ngat. Kamwaghan ngalechoni ompöwölo mi kwenunkwa pich cho menkïtcha Tororöt. Onyorunonekwa ngalechoni arasï komwowokwa.

EPESO 5:14

ompöwölo ighöy löpöyïn kïgh anka tïkwïl kïrumï. Nka nyay mwoghöy Kikirut lö, “Chïkana, nyi nyo irïwöy, aitutunö ngwen, atökulïwchin Kristo!”

YAKOPO 5:8

Mïchinokwa tïkwïl omïkukönö, akil mïkuliskökwo ompöwölo kikïlekïtit ato mïlo Echotyon.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

2 PETRO 3:11

Kïkany ato kiwuröy tïkuchoni löwïr lenyoni, mïchinokwa nyu olïkune pich cho nenach nya? Mïchini otïpinökwa otöp nyo tïlil nyo teköy Tororöt,

2 PETRO 3:9

Melö nyïrtighöy kegh Echotyon ntömökwigh kïgh nyo kikakuyomisï lö oghöy, le wölo nontoy pikö walaka. Wölo mi nyinte kïmïkukönöy nko akwa, ompöwölo mömökönye kenyar chi anka tïkwïl, wölo mököy kïwöghökisyö pich akïkötö ngokikwa.

1 YOANA 2:18

Monechu, kikïrikwï osiswo söröm! Kikikemwowokwa lö itu Punyonto Kristo, akï nyete le ye kikwitï pung pö Kristo cho chang nyo kikenkïtucha ye lö kikïlekïtitu osiswo söröm.

NGONGUT 1:3

Soyönote chi nyo somönöy kitapunï akusoyönote pich cho lïmöy ngalechï pö werkoynön akïrïpöy lenyini kikikirchï orinyi, ompöwölo kikïlekïtit ato ighisyot ngalechï.

NGONGUT 22:10

Atolapay kïlenchanïn, “Mepïsï ngala werkoynöno kitapunï kïwïngisyö, ompöwölo karich ato ighisyot.

NGONGUT 22:12

Kïlenchanïn Yeso ngat, “Tere! Ongwïnan lawel! Apunan ropöwechu, atotö chi anka tïkwïl kïrïp kegh nko ighisyewutkachi.

NGONGUT 22:20

Mwoghöy nyinte nyete söwintönchini ngalechï lö, “Owöy! Ongwïnan lawel!” Amen. Nyonö Echotyon Yeso!