RUMI 12:9 - PIPÏLIA

⁹ Ochomnyö ompö chomnyogh nyo puryö lïs. Atagha kïgh anka tïkwïl nyo gha achama kegh kiyon karam.

RUMI 12:9 ပူးပေါင်းရင်းမြစ်များ

TUMWÖY 101:3

Amelö omïkukönchinan ghöyityö. Ghöchinanïn ighisyewut cho kichumpön. Melö tuyot ngalechoni nko chichan.

TUMWÖY 119:104

Onyorunan ngöghomnyö onyorchini kinetutköku, kïlenyona otöghan otöp anka löwïr nyo pö putintön.

TUMWÖY 119:163

Oreyan atöghan putintön nyoman, wölo ochöman kirurutköku.

TUMWÖY 34:14

Lowitunö ompö ghöyityö aigh nyo karam, yara kalya aipïrpïr ompö mïkulöwungu kïmïkul.

TUMWÖY 36:4

Nonöy ghöyityö otini rïwöy, möminye kïgh nyo karam nyo ighöy, amötöghonye kïgh nyo gha.

TUMWÖY 45:7

Ichömenyi man aitöghenyi ghöyityö. Kïlenyona kakïlïnyi Tororöt, Tororötïngu akïsyolinyi kïtïl pöytoghï walaka löwïr akïmïlchinyi ngörekyö le mwagh.

TUMWÖY 55:21

Onyïne le kumat ngalechi, wölo möro kong mïkulöwunyi poryot! Karamach ngalechi le mwagh, wölo mutöy le chok nyo ngatip.

TUMWÖY 97:10

Chömöy ECHOTYON pich cho reyöy ngokï, ripöy nyinte söponwo pikachi akïsörunö chane ewuno pich cho ghach.

NGÖTÏNYÖ 26:25

Ato ngölonöy ngal cho onyïn, meghan nyinte, ompöwölo tuw mu.

NGÖTÏNYÖ 8:13

Kewagh ECHOTYON kï ketagh ngokï. Otöghan kwolöto kegh nko menetön, atöghan otöp nyo gha nko ngal cho ghach.

ESEKEL 33:31

Akïpkonöy wölo imitenyi le ato pkonöy pung, akïtïpï tawungu le piköchan akïter ngal cho imwoghenyi, wölo melö ighöy ompöwölo poru ompö kutïwekwa lö chomöy, wölo sis wölo mi mïkulöwekwa.

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

MATAYO 26:49

Otini kit Yudas wölo mi Yeso kïlenchï, “Sïpay konetin.” Kutakwes ompö kikonköyöt.

YOANA 12:6

Kimwa lenyoni amelö ompöwölo kiyongöy nyinte mey, wölo ompöwölo ki chorin, akwompöwölo ki komöninto mïloto ropïyen, akimi kïchoro mïlotononi kïnomnyö.

IGHISYEWUT 11:23

Nyini kitïta akïsïwa wölo kisoyöntö Tororöt piko wöloni, kïngarak akukil chane lapay kïrïp Echotyon ompö mïkulöwekwa kïmïkul.

2 KORINTO 6:6

Kakiporucha kegh lö kïchicha mötworï Tororöt ompö tïlilyo mïkulögh nko kinkïtöt nko kamaghat nko tölosyö ompö Mïkulögh nyo Tïlil ompö chomnyencha nyo möminye lïsata,

2 KORINTO 8:8

Melö ochikyinokwa, wölo omökan oporu wölo kikiltö kegh pikö walaka kungörokisyö, atamukan nyu onkïtï lö ekïpö man kïtya chomnyenkwa.

1 TESALONIKE 2:3

Atanye kikïmitecha kemwowokwa Lökoyechoni Karamach, kïmelö kikïpöghisyeghecha putintön anta sïmnyontön amelö kikimukyicha kelïs chi nyonikïny.

1 TESALONIKE 5:15

Asïwa kegh tömeker chi ompö akwa kukerchï chitö anka ghöyityö ompö ghöyityö, wölo akanya kïlïkwï machatengwo nyo oghchini kegh nyo karam kïtenö osis aghchï pich lapay nyo karam.

1 TESALONIKE 5:21

Atyama tïkwïn lapay, akaman lasiny cho karamach

1 TIMOTEO 1:5

Keröte tamwaghan ngalechete, kï tökumuka angetnget ompö orinkwa chomnyogh nyo ngwïno mïkulögh nyo puryö lelut nko choghïn nyo karam nko kighanat nyo pö man.

EPRANIA 1:9

Ichömenyi man, ireyenyi ghöyityö, nka nyoni kakïlïnyi Tororöt, tororötïngu akuyileninyi mwaghpa ngörekyö kïsir kongotïneku.”

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

YAKOPO 3:17

Wölo nyo pö tagh, ngöghomnyö nyo ngwïno yïm kï tïlil, tïng kalya. Talase, teröy ngal akïyongöy pich. Tïngeto kisyonöt nyo wow akuyinu akwa cho pö ighisyewut cho karamach. Mötïngnye kïltagh anta lïs.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 PETRO 4:8

Wölo nyo wow tya mïchini achama kegh akwane lasiny, ompöwölo körtoy chomnyogh ngokï cho chang.