RUMI 12:17 - PIPÏLIA

¹⁷ Ato ighunyi chi nyo gha meghchï nyinte nyo gha. Aimukyï igh tïkwïn cho sïwïyi pich lapay lö karamach.

RUMI 12:17 ပူးပေါင်းရင်းမြစ်များ

TOWUNÖT 42:25

Kuyomis Yosep pich kunyïghit pagh mïlotwekwa, akuyokyï chi anka tïkwïl ropïyenichi ompö mïlenyi akutö chane omisyö nyo muko arawet. Keghchï chane lenyoni.

NGÖTÏNYÖ 20:22

Memwagh lö, “Otököy ghöyityö,” kanya ECHOTYON tökungarakïn.

NGÖTÏNYÖ 24:29

Melö, “Oghchinan nyinte lenyini keghwanïn, otökyinan nyinte kini keghwanïn.”

MATAYO 5:24

ipïsyï konutyengu atoni kïpelo amörostin aiwö lawel ichomnyö nko werïngwo. Atolapay imïla itötö konutyengu.

MATAYO 5:39

Wölo omwowokwa ye nyu lö, metak ato iwun chi nyo gha. Ato rapakïn chi lalapka okumpö tagh, iwöghökyï okumpö löt.

RUMI 12:19

Chamankachu, matak ghöyïn nyo kighwokwa, wölo opïsinö Tororöt, ompöwölo mwoghöy Kikirut lö, “Ani nyo otökisïyi, ompö ghöyïn nyo kakighwakwa mwoghöy Echotyon.”

RUMI 14:16

Kïlenyona mekany kengalana nyo gha köromnyengu.

KOLOSAY 4:5

Alïkuna pich cho ngöghomöch ompö tawu pich cho tomöcha kughan Echotyon, apöghisyeghö nyo karam pöroyïn anka tïkwïl nyo otïngetö.

1 TESALONIKE 4:12

Atamuka ompö aranoni osïkenö konyït pich cho tomöcha kughan Echotyon atömörörchok kïgh nyo omököy.

1 TESALONIKE 5:15

Asïwa kegh tömeker chi ompö akwa kukerchï chitö anka ghöyityö ompö ghöyityö, wölo akanya kïlïkwï machatengwo nyo oghchini kegh nyo karam kïtenö osis aghchï pich lapay nyo karam.

1 TESALONIKE 5:22

akïrö kegh kïgh anka tïkwïl nyo gha.

1 TIMOTEO 5:14

Nyo osïwïyan lö ngwangwa kep mïsïktin cho tökïmïnkech atökïsïch monekwa akï rip kestonikwa. Ato igh lenyoni kïmosïkönye pungköcho pöroyïn nyo ngölono nyo gha parakunyo.

1 PETRO 2:12

Mïchinokwa apartena otöp nyo karam nyoman ompö kwenu pich cho tomönye kughan, nyo kïrkegh kö mököy kïmïrchokwa put lö oghekwa tïkwïn cho ghach, kumuköy kïsïwa ighisyewutkökwa cho karamach akïsal Tororöt Asisto kingwïnatenyi.

1 PETRO 3:16

Wölo omwochï lenyoni ompö tölosyö nko konyït. Orip lasiny totöpinö ompö choghïn nyo karam, nyo ato mwagha pich, kïlolïyonchö choni ngölono nyo gha otöptönkwa nyo karam le pipö Kristo.

1 PETRO 3:9

Matak ghöyityö ompö ghöyityö anka anta chïpö ompö chïpö anka, nyinö kötoghöy lenyoni, asagh Tororöt kusoyön chichona chïpokwa, ompöwölo kisoyönöt nyoni kiyomiswokwa Tororöt otini kikurokwa.

RUS 3:14

Kïrï nyu otini le kelyechi ntökïyech, wölo kïnget nyaye le kiwasan, ompöwölo kimwochï Poas lö, “Mekany ntökunkïtï chi lö kengwïnanyi yi.”

1 SAMWEL 26:11

Melö chömöy ECHOTYON aparan chi nyo le kïlanenyi, wölo chenga ngatït nyo lekïto mötïnyi nko söteto pögh akepa.”