RUMI 12:12 - PIPÏLIA

¹² Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 12:12 ပူးပေါင်းရင်းမြစ်များ

TUMWÖY 109:4

Reyanïn, kïrkegh ochöman chane, asoghchini ompö.

TUMWÖY 37:7

Sisa nyu ompö tawu ECHOTYON aikön nyinte. Mesus kegh ompö pich cho mökosöch anta tötoy wököt.

TUMWÖY 40:1

Kyakanyan ECHOTYON ompö mïkukönöt, kïwaghaka akïter riratenyan.

TUMWÖY 62:8

Okönö Tororöt kïtenö osis, we pïchï! Omwochinö nyinte kömpölelutkökwo löwïr, nyinte nyo le ghïpöwontencha.

NGÖTÏNYÖ 10:28

Lïku kikönöto chi pö man ngörekyö wölo lïku kwïle kikönöto mwokïyis.

NGÖTÏNYÖ 14:32

Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

LUKA 10:20

Wölo mongörekyö, pat lö köterwech oy, wölo ongörökyenö ompöwölo kikekir kaynötutkökwa ompö yïm.”

LUKA 21:19

Achïchïm nyu lasiny tonyorunö söpon.

LUKA 8:15

Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.

IGHISYEWUT 1:14

Kïghömö nyu chane löwïr kïlïkwï kïgh akonga kïmi korï nko Marya yoto Yeso nko werko ompö Yeso, kïsagh.

IGHISYEWUT 12:5

Kïlenyona kekörchï nyu Petro chela, wölo kïsagh pipö kanisa Tororöt nyoman kungarak nyinte.

IGHISYEWUT 2:42

Atolapay kïpechï kukil kegh kïter kinetut pö kiyoktoghï nko nyoryogh nko mïnchïranata makatyan nko sowut.

IGHISYEWUT 6:4

Wölo kanya kesïngenacha saghat nko amtagh pö Lökoy cho Karamach.”

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 8:25

Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

1 KORINTO 13:13

Mito ngala sömökï cho ngötu: kighanat, kikönöt nko chomnyogh, wölo nyo wow tya ompö choni kï chomnyogh.

2 KORINTO 12:8

Kyasaghan Echotyon kïnyïl sömök ompö ngölyontononi lö töchengenanïn,

PILIPI 3:1

Nyo pö lötï nyu werköcho, ongörekyenö ompöwölo kotuyekwa nko Echotyon. Melö oghöchan amwagh ngat ngalechanye kyakiran ato le tagh, ompöwölo konokwa tösunöt ngalechoni.

PILIPI 4:4

Ongörökyenö ompö Echotyon osis tïkwïl otösan ngat omwoghöy lö, ongörökyenö!

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 4:12

Ketakwesakwa tïkwïl Epapra nyay ngwïno korenkwa akï mötworinto Yeso Kristo. Soghwokwa nyinte nyoman kïnomnyö atamukakwa oghyongö le pich cho kikïkil lasiny ompö ngal cho mököy Tororöt.

KOLOSAY 4:2

Okilö kegh ompö saghat kïnomnyö. Akwotini omitö osoghöy, otïpï kïpsach, ayokyï Tororöt sörö.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

1 TESALONIKE 5:8

Wölo kichicha pipö pöghet akïmïchinecha keripö kegh. Mïchinecha kelacha kighanat nko chomnyogh le longa nyo körtonecha takat nko kikönötencha nyo pö sörunöt le kopiyo karïn.

2 TESALONIKE 1:4

Nka nyoni kïgh nyo keghecha kekwolenö kegh akwa ompö kaniseni Tororöt. Kïkwolecha kegh ompö or nyo omitekwa orïpöy ompö kighanatenkwa nyo melö wöghöko, kïrkegh nyörilwok nko kiwongunöt cho konyorukwa.

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*

1 TIMOTEO 6:11

Wölo nyi, chi pö Tororöt malena kegh ngalechoni löwïr airïp ara man aikonyït Tororöt. Nama kighanat nko chomnyogh nko mïkukönöt nko tölosyö.

2 TIMOTEO 3:10

Wölo nyi Timoteo, olentan kinkïtunyi kinetutköchan nko otöptönyan nko kerötenyan ompö möngot nko kighanatenyan nko mïkukönötenyan nko chomnyenyan nko kamaghatenyan.

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

TITO 3:7

atökemuka kelinyenö nko Tororöt ompö pöropchenyi tökesïkö söpon pö kokay nyo kïmitö kekönöy.

EPRANIA 10:32

Anane otöptönkwa nyo kipö tagh. Kyowongunekwa tïkwïn cho chang osiswechoni kïtenö osïkökwa löpoyïn pö Tororöt, amöminye kïgh nyo kipölokwa.

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

EPRANIA 5:7

Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.

EPRANIA 6:12

Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.

EPRANIA 6:15

Kïmïkukön Apraam ato mi söröm kïnyorï kïyoni kiyomisyï Tororöt.

YAKOPO 5:7

Omïkukönö nyu, tupchenichu ntökïtenö kwitï Echotyon. Arose ya wölo mïkuköntoy ngorin, otini mi kïköngöy paghechi cho kingor ntökuyinï pagh cho pö olyot nyo wow. Kïköngisïyi nyinte lenyoni ompö mïkukönöt ntökïtenö kïropan ila sarngatat nko nyo pö kitokot.

1 PETRO 4:13

Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

2 PETRO 1:6

atasa ngöghomnyengwo ripöto kegh, atasa ripöto kegh mïkukönöt atasa mïkukönötengwo kiwaghata Tororöt,

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.