RUMI 12:1 - PIPÏLIA

¹ Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

RUMI 12:1 ပူးပေါင်းရင်းမြစ်များ

TUMWÖY 116:12

Ne nyo otöninan ECHOTYON, ompö köromnyenyi nyo kikwighwanïn?

TUMWÖY 19:14

Icham ngaleko kutinyan nko kinonutko mïkulöwunyan, we ECHOTYON nyo ichï köpönenyan aichï sörunintenyan. Ompö kintöghoghinto tumï. Tum pö Daudi.

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

YEREMIA 6:20

Pö ne kepkanïn tïkuchay ngutoy cho onyïn ompö koro Syepa, nko mankoy cho ngwïrngwïr cho opunokwa kor nyo low nya? Kataghan ropöwekwa, amömïlanïcha amörostinekwa.

OSEA 14:2

Oyokyinö kegh ECHOTYON, asagha nyinte lö “Lastena ngokicha löwïr aitakech ompö pöropchö atökesalacha nyi ompö mïkulisköcha.

LUKA 7:47

Nyo omwowunyi lö, poru chamatenyi nyoni wow lö, kikelöstoghchï nyinte ngokichi chini chang. Ompöwölo poru chi nyo kikïlöstoghchï cho ngörï chomnyogh nyo mïnïng pat.”

RUMI 12:2

Marïp otöptino pipö ngwïnyinï, wölo nya kïwaghach Tororöt kinonutkökwo. Pköchokwa nyu atoni lö ne machata Tororöt, ankïtukwa kïgh nyo karam nyo ngörokini nyinte akï kïltït.

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

RUMI 15:30

Kïlenyona nyu tupchenyu osomokwa nyoman ompö Echotyontenyo Yeso Kristo nko ompö chomnyogh nyo konu Mïkulögh lö, anama ku lasiny ompö saghat atosoghwante Tororöt.

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

RUMI 6:16

Ompöwölo monkïtökwanye so lö otini kyotötekwa kegh akwane alïkwï sekey cho oterchini chito anka, kïkalïkukwa sekeyiko chichoni? Nyo ato alïkukwa sekeyi ngokï, kwipkokwa meghat. Kïkany alïkukwa sekeyi terchin pö Tororöt, keyityinokwa nyu man ompö tawunyi.

RUMI 6:19

Kanya opöghisyeghan ngalechaye pöghisyegho pich su, atö kïpköchokwa ompöwölo ochikwa nyörkölöl. Kimi ato kyotötekwa kegh lasiny opöghisyechï sïmnyontön nko ghöyityö ompö möchut cho ghach. Kïlenyona ye nyu, otötenö kegh lasiny le sekeyi man ompö möchut cho tïlilöch.

RUMI 9:23

Akimököy tïkwïl kïngongu ororyenyi nyo wow nyo kikemïlwecha cho kiketötwech kisyonötenyi, acha cho kisatech nyinte otini le könyisyok kenyorunö ororyenyi.

1 KORINTO 1:10

Osomokwa werköcho, ompö kaynata Echotyontenyo Yeso Kristo lö, oterchinö kegh akwane ompö kïgh anka tïkwïl nyo omwoghöy atömörumunö pesyogh kwenunkwa. Osïkö kinonut akonga nko keröt akonga.

2 KORINTO 10:1

Osomokwa nyu ante Paulö, ompö kisyonöto Kristo* nko chomnyenyi nyo nonöy pich lö chi nyo talase ato omitan nko akwa, wölo chi nyo körom ato ochan low nko akwa.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

2 KORINTO 4:16

Kïlenyona nyu, melö meghsonecha mutïnö, akï kïrkegh könïnö porwöyicha, kighöy mïkulisköcha kïrelachitu kïtenö osis.

2 KORINTO 5:20

Kïchicha nyu kighyongtoghi Kristo ompö ngwïnyinï cho pöghisyegho Tororöt kïsoghsoghokwa kuwerwecha. Kïmitecha kesoghokwa nyoman ompö Kristo lö olinyenö nko Tororöt.

2 KORINTO 6:1

Kïle nyu otini kïchicha pich cho kïpöghisïyi nko Tororöt, kïsoghokwa nyoman lö makany kupot kwïle pöropcho Tororöt.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 5:10

amukyï onkïtï kïyinö chömöy Echotyon.

KINONO KIRURUT 14:2

Ochikwa pich cho tïlilöch ompö ECHOTYON Tororötïngwo cho kikïngotokwa nyinte akakïlakwa ECHOTYON alïkuna pikachi kegh ompö kwenu puntoni walaka löwïr ompö ngwïny.

PILIPI 1:20

Otïngetan machat nyo wow nko kikönöt lö, mosïkanye arasï ompö ighisyenyu, wölo ongölonan ompö nyakanat, osis otö Kristo konyït ompö portanyu kïmïkul ato kötosöpan anta kameghan.

PILIPI 2:17

Kïrkegh keparanïn, akepighchï kisönköchan parakuto kighanatenkwa nyo le amöros nyo kïropchini Tororöt, ongörökan nyoman oturönön nko akwa löwïr.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

1 TESALONIKE 4:1

Sörömuto choni nyu, tupchenicho, kyanetekwa kegh acha otöp nyo ngörökyini Tororöt. Akï nyoman komitekwa omöngisïyi lenyoni. Kïsomecha ye nyu akwa nyoman akesoghokwa ompö kaynata Echotyon Yeso lö, atasa tagh lenyoni.

1 TESALONIKE 4:10

Omitekwa oghöy ighisyononi pö chomnyogh ompö tupchenicho löwïr cho mi Makedonia kïmïkul. Nka nyoni kïsoghecha akwa tupchenicho lö, agha atas lenyoni kïtïl.

1 TESALONIKE 5:12

Kïsoghokwa lasiny, tupchenicho lö, okonyïtö pich cho mi kïpöghisyewokwa cho ntöghoghchinekwa akunetokwa otöp nyo mïchini pipö Kristo kïrïp.

1 TIMOTEO 2:3

Karam ato aghakwa lenyoni akï chömunote ompö tawu Tororöt Ghetintenyo,

1 TIMOTEO 5:4

Wölo ato mi mïsïk nyo tïng monechi anta kokötinechi, kïmïchini nyo pö tagh kuporï monechoni kighanatengwa ompö ripöto kutak wölanya kikïnam chane. Chömunote ngölyontononi ompö tawu Tororöt.

PILEMON 1:10

Kïlenyona, osominyi kingörokut ompö Onesimo nyo le werïnyan ompö Kristo, ompöwölo kyalïkwan kwanta ompö ara mïkulögh omitan chela.

PILEMON 1:9

Wölo ompö chomnyogh, kasïwan lö mïchini osominyi lö ighwante kïyoni. Kosomön lenyoni kïrkegh kochan ante Paulö, ngöloninto Kristo Yeso akï nyo omi ye chela akwompö parakunyi.

EPRANIA 13:22

Osomokwa ye nyu, tupchenichu lö atere lasiny ngalechï ipu kikilöto kegh, ompöwölo makiranye palalyan nyo kogh tya.

1 PETRO 2:20

Ompöwölo nyoru chi salat ne nyo mïkukönöy ato kïmi kemunyöy ompö lelutkachi? Wölo ato omïkukönökwa ompö nyörïlwok, kïrkegh omitenökwa oghöy nyo karam, soyönokwa Tororöt ngölyontononi.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*