RUMI 11:20 - PIPÏLIA

²⁰ Lata nyoni nyoman. Kikïtörtö chane ompöwölo kimeghancha, wölo ighyongonenyi atoni ompö kighanatengu, wölo mekwolö kegh nyoni, wölo ripö kegh nyoman.

RUMI 11:20 ပူးပေါင်းရင်းမြစ်များ

2 OTÖPTINO OSIS 20:20

Kïnget atole asïyech tökwoghö akïpa kutang koro nyo le sïrken nyo mi Tekoa. Akwotini kimi kïpetöy, kughyö Yeosyapat akïlö, “Atere ngalechï, pïchï pö Yuda nko cho omöngöy Yerusalem, aghana lasiny ECHOTYON Tororötïngwo atachïchïma, aghan werkoykachi atökïkonok rïntagh.”

TUMWÖY 138:6

Kïrkegh kemitenyi parak irosenyi cho tölose, wölo itopönchinenyi menot wölo low.

NGÖTÏNYÖ 28:14

Soyönote chi nyo wöghöy ECHOTYON kïtenö osis, wölo chïnchini nyarïl nyinte nyo oghïghitöy mïkulöwunyi.

NGÖTÏNYÖ 28:26

Sölwö chi nyo könöy kinonutkachi kegh, wölo kïsoru anka tïkwïl nyo westegho ngöghomnyö.

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 2:17

Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

ISAYA 7:9

Melö körom Israel kïsir Samaria, kanasyantenyi nyini wow, amelö körom Samaria kïsir pöytoghin Peka. “Kïkany ato maghanakwanye, kïmelö ochïchïmekwa nyonikïny.”

APAKUK 2:4

Akwanyï ngölyontononi, melö ngötu mwokïyis, wölo söpchot pich cho ghönöy Tororöt ompö kighanatengwa.

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

IGHISYEWUT 18:6

Wölo otini kipech kumöl nyinte akumwa kïparta terïtyon ompö sïrokachi akïlenchï ompö ngal cho nïkisöch, “Ato opotyekwa ompöwölo mi Tororöt, kï akwane kegh cho onyoru kighechin! Megheghchinanïnye chi. Kïngeta ye kikowan omchinotö pipö punton.”

RUMI 11:18

Mesas nyu pïchoni kakïtör le mori ket. Akwolekwa kegh lö ne nya? Ochikwa mori ket amelö akwa cho otighöy ighinko ket, wölo ighinchoni cho tighokwa.

RUMI 11:21

Ompöwölo ato kimesyonchïnye Tororöt pipö Yaudi cho karkegh nko morichoni pö ket, ilentenyi syonchininyi kïtya?

RUMI 12:16

Ayanga pich lapay ompö or nyo körökegh. Mop kegh yïm, wölo achama agha ighisyewut cho sösöy pich. Moyit kegh lö kïchï ngöghomöch.

RUMI 12:3

Akwompöwölo kicham Tororöt kïkonanïn pöropchenyi, omwowokwa lapay lö, mop kegh yïm tya kïtïl wölo kalatekwa. Wölo akanya kurwokyï kegh chi anka tïkwïl kïrïp kegh nko kighanat nyo ketö Tororöt nyinte.

RUMI 3:3

Wölo ekïlïku ne nyu ato meghancha walaka ompö kwenungwa? Ekumukoy ye kemwa lö, melö ghanate Tororöt?

1 KORINTO 10:12

Mïchini kïrip kegh chi tömepït nyo nonöy lö ochï chïchïmate.

1 KORINTO 15:1

Ochöman ye werköcho, ononwokwa, Lökoy cho Karamach cho kyomwokwa, atakakwa akï choni ye cho ghyongo kighanatenkwa

1 KORINTO 16:13

Oripsyenö, achïchïm lasiny ompö kighanat, alïkwï nyökon cho tïng owesyö.

2 KORINTO 1:24

Melö kïmökecha kepöghisyeghone charut ompö kighanatenkwa, kinkïtöcha lö, ochikwa chïchïmote ompö kighanatengwo, wölo kïmöchecha keghe ighisyö nko akwa ato ngörekyenökwa.

2 KORINTO 10:5

Kiwurecha kimölöto kegh nko kïgh anka tïkwïl nyo nisönöy akupapech pich kïlowöchitunö kinkïtöto Tororöt. Kighecha kinonut anka tïkwïl kïlïkwï naman akechikyï kïterchï Kristo,

PILIPI 2:12

Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,

KOLOSAY 2:7

Mïchinokwa osïkö sikin ompö nyinte achïchïm ompö kighanatengwo kïle wölo kikinetïtakwa. Alïkwï pich cho oyokyini Tororöt söro nyoman.

2 TESALONIKE 2:4

Mölöy kïgh anka tïkwïl akïsyol kegh kïtïl kïgh nyo soghöy pich, anta nyo kïkïtïngchini kesoghöy. Lïtöy ompö Kö pö Tororöt* akïtöpö ori akwigh kegh lö ochï Tororöt.

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.

EPRANIA 3:12

Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.

EPRANIA 3:19

Ay, kïsïwïyecha nyu lö kimemïcha chane kïlïtöy wölini ompöwölo kimötïngcha kighanat.

EPRANIA 4:11

Kekilö nyu kegh kelïtö kimungötononi atömötöp ntökïchïnta chi nyonikïny ompö akwa nyo pïstoy kimungötononi le wölo kitagh pïchoni ompöwölo kimötïngcha kighanat.

EPRANIA 4:6

Ompö atoni kïtökïni pöroyïn kïlït pikö walaka. Pïchinö kinya kïlïm Lökoy cho Karamach kyomtoy kï kimachamcha kïlït ompö tighintön.

YAKOPO 2:19

Olentan ighönenyi lö akonga Tororöt nya? Owöy, man, lenye nyoni! Wölo ghönöy oy tïkwïl lenyoni akïpotonchö ompö kiwaghat.

YAKOPO 4:6

Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”

1 PETRO 1:17

Otini osoghekwa Tororöt okurokwa nyinte Papo. Kïlenyona mïchini onkïtunökwa lö, rwokyini nyinte chi anka tïkwïl kïrïp kegh nko ighisyewutkachi amökïlönye pich. Opöghisyeghenö nyu osiswekwo cho totïngetenö ompö ngwïnyinï omikwa le to ompö kiwaghata Tororöt.

1 PETRO 5:12

Kingarakanïn werïnyo Silpano nyo onkïtön, aghönan, akir palalyantanete tangogh. Kakirwakwa atosïkö mïkulögh, asöwintönchï lö, nyete kï pöropcho Tororöt nyo pö man. Oghyongö nyu, achïchïm ompö pöropchononi.

1 PETRO 5:9

Achïchïma ompö kighanatengwo atayodena nyinte, ankïtï lö kiwongunöt nyo onyorukwa kï karkegh nko nyo nyoru tupchenikwa cho mi ngwïnyinï kïmïkul.

NGONGUT 18:7

Kïle wölini kikwol kegh lö ochï wow, akïpagha kegh tïkwïn cho chang, otö nyinte kichopat nko nyarïl nyo wow kïtenö nyoni. Mi nyinte kïmwogho mïkulöwunyi lö, ‘Ochan pöytoghin nyo otöpo ngachar, mochanye mïsïk amönyorwanïnye nyarïl.’

NGONGUT 3:17

Ilentenyi, “Ochan sïkön, achï makos atïngetan tïkwïn löwïr cho komököy.” Wölo menkïtönyinye lö ichinyi nyarïlin aichï nyo mïchini kesyonchï! Ichinyi meywon, aichï karote, aichï chïrut