RUMI 10:18 - PIPÏLIA

¹⁸ Wölo nya tepan lö, kitomöcha so kïlïm chane ngölyontononi? Kikïlïm lö chïs! Ompöwölo mwoghöy Kikirut lö, “Kighömï kutïwekwa koros lapay akwitïta ngalekwa söremwok pö ngwïny.”

RUMI 10:18 ပူးပေါင်းရင်းမြစ်များ

1 PÖYTOGHÏ 18:10

Omwowunyi nyo pö nyoman ompö ECHOTYON Tororötïngu nyo satate lö kiyarinyi pöytoghintö kïghömï punton löwïr. Akwotini kösïrpön puntoni walaka tïkwïl lö melö imitenyi korengwa, kwigh Aap pöytoghi puntonichoni kwam muma lö, melö imitenyi korononi.

TUMWÖY 19:4

akwanyï kïlïmo kutingwa ngwïny kïmïkul akelïmo ngale söremwok pö ngwïny. Kighchï Tororöt asis möngenyi mïröt.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 98:3

Kenan nyinte chomnyenyi nyo pö kokay ompö pipö Israel nko otöptanyi nyo ghanate. Kasïwa ngwïnya kïmïkul, rïntaghpa echotyon Tororötïncha.

ISAYA 24:16

Kïlïmecha tumwöyi sölut cho sölöy ECHOTYON Tororöt pö Israel, cho pkono söremwok pö ngwïny. Wölo melö otïngetan kikönöt! Kyanyasan ntowonyö! Mito pich cho wïchtoy pich kuletöy tagh, akïmitoni pich cho le lïsï kuletöy tagh nko lïsengwa.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

MATAYO 24:14

Wölo kyomchini Lökoy cho Karamach pö Pöyunöto Tororöt ngwïny kïmïkul tökïlïkwï söwintön ompö pipö Punton löwïr kwitï nyu sörömu ngwïny.

MATAYO 26:13

Omwowokwa nyoman lö wop anka tïkwïl wölo kyomtegho Lökoyechï Karamach ompö ngwïny kïmïkul, kengölono kïyï kegh nyinte kenono nyinte.”

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

MATAYO 4:8

Atolapay kumït Onyöto Yeso kïpus kutïng nyo kogh akuporchï pöyunötin cho pö ngwïny kïmïkul nko wölo teno ororyengwa.

MARKO 16:15

Kïlenchï, “Ape ngwïny kïmïkul amtatena Lökoy Karamach kwityï pich lapay.

MARKO 16:20

Kïpa wop lapay akwamtata kimi Echotyon kïpöghisïyi nko chane akuchichim ngölyotononi, pö amtaghtangwa kutö machey nyo kinomnyoto tïkwïl.]

IGHISYEWUT 1:8

Wölo onyorunekwa owesyö otini körökyokwa Mïkulögh nyo Tïlil alïkukwa nyu söwichan ompö Yerusalem nko koro Yudea kïmïkul nko Samaria, ntökwïtïta sörömu ngwïny.”

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

IGHISYEWUT 28:23

Kïkany kïchomnyechï asistangwa, kïpka pich cho chang wölini kimöngöy Paulö. Kïngalan nko chane ngala Pöyunöto Tororöt ompö tatat kïngeta otini kiyech ntökwimön. Akumukyï lasiny kupurchï chane lö tökïpköchï lö ki pö man ngalechoni kimwochini nyinte chane ompö paraku Yeso, otini kineto chane Kirurut pö Musa nko ngala werkoy.

RUMI 1:8

Nyo pö tagh, oyokyinan sörö Tororötïnyan ompö Yeso Kristo akwompö akwa löwïr, ompöwölo kighomï ngwïny kïmïkul ngala kighanatenkwa.

RUMI 15:19

nko ompö owesyo kiporut nko töngönchintin nko ompö owesyo Mïkulögh nyo Tïlil. Kïlenyona ompö westoghtanyan kïngeta Yerusalem ntökwit Iluriko. Kyamtan Lökoyechoni Karamach pö Kristo.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

KOLOSAY 1:6

Kitas tagh Lökoyechoni Karamach kuyinï akwa akulet tagh kïghömï ngwïny kïmïkul, le wölo kilïkwï ompö kwenunkwa kïngeta asisanya kyalïmakwa akïpköchokwa lö nen pöropcho Tororöt,

1 TESALONIKE 1:8

Ompöwölo kilïm pich tïkwïl ngaleko kighanatenkwa ompö Tororöt amelö ompö Makedonia nko Akaya kïpoto, wölo kighömï kighanatenkwa nyo otïngetekwa ompö Tororöt wop anka tïkwïl. Melö tökïmi ye nyu machata kemwaghacha kïgh anka ngat.