RUMI 10:15 - PIPÏLIA

¹⁵ Akumuköy pich kwomtoy lö, ne ato mökiyoktö? Kïle wölo mwoytoy Kikirut lö, “Pïchighöch kïtya kelyo pich cho omtoy Lökoy cho Karamach!”

RUMI 10:15 ပူးပေါင်းရင်းမြစ်များ

ISAYA 40:9

Ngeta we Yerusalem, aipus kutïng nyo kogh atemwatïtena lökoy cho karamach! Kurö ompö kut nyo pö kiteghat, we Sayon,* aimwatïta lökoyechï karamach! Ngalana nyi pat amewöghisyö. Mwochinö kanastina Yuda lö ngwïnöy Tororötïngwa!

ISAYA 52:7

Wechï mïlöy pich kesïwa chi nyo rökuno kutïngkot, akwipu lökoy cho karamach cho pö kalya! Chi nyo mwowu ngala sörunöt, akï mwochini Sayon lö, “Pöytoghin Tororötïngu!”

ISAYA 57:19

Otöninan pich löwïr kalya, cho lekïtöch nko cho möngöy wölo low! Osopan pikachu.

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

YEREMIA 23:32

Osïwïyekwa! Kataghan ante ECHOTYON werkoychoni pkonöy kïmwowokwa kirwotïtoghtinekwa cho pö putintön akwigh piköchan kupotyö. Melö kyoyokwan, amomwochanye chane kïgh. Kïlenyona, melö pö chane tösunöt ompö pich nyonikïny.” Mwoghöy ECHOTYON.

NAUM 1:15

Akwa pipö Yuda, arose! Ketï chi nyo köwolï kutïngkot, chi nyo ipu lökoy cho karamach. Ngwïnöy kïmwowu lö kikerïnta koro Asirya. Kïlenyona ye akwa pipö Yuda, ongörekyenö ompö ichontinekwo. Otönö Tororöt tïkwïn cho kyawalwalakwa lö kitöni. Ompöwölo melö tökupokyini ngat korenkwa pich cho ghach. Kikenyar pïchoni kuwonyö lömïs.

MATAYO 9:38

Kïlenyona nyu, asagha Echotyonto ilö kïyonta pich kïpa kwilisyö.”

LUKA 10:1

Atolapay kïkïl Echotyon pikö walaka cho le 72. Kïyonta chane kïpeghategha odeny odeny kïnya kipa wölo mi kestonï nko kanastin löwïr cho kimököy nyinte kïwetöy.

LUKA 2:10

wölo kïlenchï malaykayantanay, “Mowöghisyö! Ompöwölo opkokwa Lökoy cho Karamach cho ipchini pich lapay ngörekyö nyo wow.

LUKA 2:14

“Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

LUKA 8:1

Kiwer osiswö cho te, kïrutö Yeso kuwerata kanastin nko keston, kwomchinotoy pich Lökoy cho Karamach cho pö Pöyunöto Tororöt, kipa tïkwïl kinetanchay le taman nko odeny,

YOANA 20:21

Atolapay kïlenchï Yeso chane ngat, “Nya kïtöpö kalya nko akwa. Kïle wölini kiyonwanïn Paponyan, oyontonokwa lenyoni.”

IGHISYEWUT 10:36

Onkïtökwa ngölyontonay kimwochï pipö Israel, otini kyomtoy Lökoy cho Karamach cho pö kalya ompö Yeso Kristo* nyo le Echotyonto pich lapay.

IGHISYEWUT 13:26

“Kïlenyona, werköcho, cho ochï monïngo Apraam nko pichi walaka tïkwïl cho mi kwenunkwa cho konyïtöy Tororöt kakwitwech ngölyontonï pö sörunöt.

IGHISYEWUT 22:21

Kïlenchanïn Echotyon, ‘Wïyö, ompöwölo oyontoninyi wete koro punton wölo low.’ ”

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

RUMI 1:15

Nka nyï opïrchinan angwïn omwokwa tïkwïl Lökoy cho Karamach Rumi.

RUMI 15:20

Machatenyan kïtenö osis kï omchï pich Lökoy cho Karamach ompö wop anka tïkwïl wölo tomönye kelïma kaynata Kristo, atömalïkwan chi nyo teköy paraku kitoröto chitö anka.

EPESO 2:17

Kingwïn Kristo akwomwokwa Lökoy cho Karamach cho pö kalya, akwa chona ochï pipö punton cho kyochï lowöch ompöwölo mi Tororöt akwomchï pipö Yaudi cho kilekïtö Tororöt.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

EPESO 6:15

akany kïchöngchöngitu kelyekwo ompö napata kegh nyo pö amtaghata Lökoy cho Karamach.

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.