RUMI 1:16 - PIPÏLIA

¹⁶ Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

RUMI 1:16 ပူးပေါင်းရင်းမြစ်များ

TUMWÖY 110:2

Ighöy ECHOTYON paytaghtangu kunenara Sayon.* Ipöytonenyi ntepayta ompö chini le punköku lapay!

TUMWÖY 119:46

Omwotïteghonan kirwokutköku tawu pöytoghï amosïkanye arasï.

ISAYA 53:1

Ngo nyo keghan ngalechï kakïmwowecha? Akï ngo nyo muköy kunkïtu lö, ECHOTYON nyo kegh ngalechete?

YEREMIA 23:29

Lenye ngölyontenyan ma akïkarkegh nko kunyïk nyo pösyököy ghat kïpasyaka.

MARKO 8:38

Chi anka tïkwïl nyo lolïyonöy ompö ani nko ngalechan ompö tawu pïchï pö osiswechï le kalomok akïmwokïyis, kïlolïyonchini tïkwïl Wero Chi chane ato ngwïn nko ororyeto Kwanta kïmi nko malaykeni Tororöt cho tïlilöch.”

LUKA 9:26

Ompöwölo anka tïkwïl nyo lolïyonöy ompö ani nko ngalechan ompö tawu pich, kïlolïyonchini tïkwïl Wero Chi, nyinte ato ngwïn ompö ororyenyi nko ororyeto Kwanta nko malayken cho tïlilöch.

YOANA 7:35

Kïtep pipö Yaudi lö, “Wetöy kor ne nyo mökitechanye nya? Wetöy so wölay möngöy pipö Yaudi cho mi kanastina pipö Krik atökunet chane?

IGHISYEWUT 3:26

Kïlenyona kïkïl Tororöt akïyonï mötworintenyi Yeso kïnya kungwïnchokwa, atökusoyönokwa, kwighakwa omïlisyeghenö ortïnekwo cho ghach.”

RUMI 10:17

Kïlenyona nyu nyoru pich kighanat atolïm ngölyon, akï nyoni kï ngölyonto Kristo.

RUMI 15:19

nko ompö owesyo kiporut nko töngönchintin nko ompö owesyo Mïkulögh nyo Tïlil. Kïlenyona ompö westoghtanyan kïngeta Yerusalem ntökwit Iluriko. Kyamtan Lökoyechoni Karamach pö Kristo.

RUMI 15:29

Onkïtön lö, opkokwa kisoyönöto Kristo nyo wow otini katwan korenkwa.

RUMI 2:9

Nyoru pich löwïr cho ighöy ghöyityö nyarïl nko ngwonïn, akutoro pipö Yaudi kïrïpöy pipö punton tïkwïl.

RUMI 4:11

Kikïmut nyinte ato le löt, akïlïkwï mutatenyi machey nyo poru lö kikïtach Tororöt nyinte akuyityï man ompö kighanatenyi nyo kitïng kïtomö kïwö tum. Kïlenyona kilïkwï nyu Apraam papoto pich löwïr cho ghönöy Tororöt, kïrkegh möpetöy tum.

1 KORINTO 15:2

akesörunenokwa choni ato ananakwa lasiny ngalechanye kyomwokwa, ato melö kwïle kighanatenkwa.

1 KORINTO 2:2

Ompöwölo kimamakanye onkïtï kïgh anka tïkwïl atanye kyomitan nko akwa, kïpoto Yeso Kristo* nyinte nyo kikïwudochï kimurtöwon.

1 KORINTO 2:4

Amelö kipö ngalechan nko amtaghtanyan chïreryo ngal cho pö ngöghomnyo pich, wölo kikikïniniö akeporï ompö owesyo Mïkulöwu Tororöt.

1 KORINTO 9:12

Ato tïng pikö walaka man nyo nyorunonekwa tïkuchoni, ketïngetecha nyu man kïtïl chane. Wölo tomönye kepöghisyeghenöcha mantanoni. Nyo kitökïpöghisyeghonecha kemïkukönöcha ompö kïgh anka tïkwïl atömökitö Lökoy cho Karamach cho pö Kristo tömölöwon nyonikïny.

1 KORINTO 9:18

Kïghokwanïn ne nyu nya? Nyoni kï kechömwanïn amta Lökoy cho Karamach kwïle amelö oghokan tïkwïn cho köle mantanyan ompö amtaghnoni.

2 KORINTO 2:12

Kyamtan Lökoy cho Karamach cho pö Kristo otini kyatan Troa. Kyonyorchan atoni kukat nyo yatate ompö ighisyo Echotyon.

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

2 KORINTO 9:13

Akwompöwölo rumunote kikïniniot nyo pö ighisyenkwa, kïchongitu nyu pich cho sölöy Tororöt ompö kighanatenkwa nyo otïngetekwa ompö Lökoyo Kristo cho Karamach nko tïkwïl ompö tïkwïn cho otöninekwa chane nko pikö walaka.

KALATIA 1:7

Wölo mömicha “Lökoy cho Karamach walaka.” Kamwaghan nyoman lenyoni, ompöwölo mi pikö walaka cho susokwa pich cho mököy kïwöghököy Lökoyechoni Karamach pö Kristo.

1 TESALONIKE 2:13

Mi kïgh ngat nyo ighecha keyokyinö Tororöt sörö kïnomnyö. Atanye kikïpkanacha kyomwokwa ngölyonto Tororöt atakakwa, aghan, amelö le ngölyonto ptangengmöt, wölo le ngölyonto Tororöt akï ngölyonto Tororöt nyoman. Ompöwölo mi Tororöt kïpöghisïyi nko akwa chona oghönöy.

1 TIMOTEO 1:11

kïle wölo mwoghöy Lökoy cho Karamach cho pö Tororöt nyo töror akusoyönote. Akï lökoyechoni cho kikonanïn nyinte amwatïta.

2 TIMOTEO 1:12

nka nyoni omitan owonguno ngalechoni. Wölo mosïwïyanye arasï ompöwölo onkïtön chichini kaghanan, ankïtön nyoman lö, muköy kïkomönöy lasiny kïyoni kökonanïn ntökwit asispa mïlaghtanyi.

2 TIMOTEO 1:16

Nya kusyonchï Echotyon ka Onesiporo, ompöwölo kingarakanïn kïnyïl cho chang amölalïyannye ompöwölo kyomitan chela,

2 TIMOTEO 1:8

Kïlenyona melalïyan isöwintönchï Echotyontenyo, amelalïyan ompö ani nyo kikïtorchon chela ompö parakunyi. Wölo chengchinö kegh kareran nyo pö kiwongunöt ompö amtagh pö Lökoy cho Karamach, kïle wölini koninyi Tororöt owesyö.

EPRANIA 4:12

Satate ngölyonto Tororöt akïchongchong, ngatip kïsir chok anka tïkwïl nyo lïtate wölini nko wölini. Akïmutöy kurelït ato ryomo söpon nko mïkulögh akurelchï wölo ryomechini ngichayayi por nko mwagh. Sïku ngölyontononi möchut nko kinonut pö mïkulis pö pich.

1 PETRO 4:16

Melalïyan ato iwongunyi ompöwölo ichinyi chi pö Kristo, wölo iyokyï Tororöt sörö ompöwölo kïkurteghoninyi kaynata Kristo.