RUMI 1:13 - PIPÏLIA

¹³ Omökan onkïtunekwa tupchenichu lö kikyatatan kïnyïl cho chang orutowokwa, wölo kïratanïn kïgh nko nyete le ye. Omökan otu wöloni atomchï pich kughan Kristo le wölo kighanta puntoni walaka.

RUMI 1:13 ပူးပေါင်းရင်းမြစ်များ

ISAYA 27:6

Owesöchitu pipö Israel ompö osis cho pkonöy, tortoy nyighin asïyech pipö ara Yakopo, akïtapïkan, kïkarkegh nko ket nyo pitöy. Ghömu ngwïny kïmïkul akwa cho yinu chane.

YOANA 12:24

Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang.

YOANA 15:16

Kimakïlanïkwanye, kyakïlakwa acherokwa ape atayina akwa cho chang, akwa cho pö kokay. Atökïkonokwa nyu Paponyan kïgh anka tïkwïl nyo osomekwa nyinte ompö kaynenyan.

YOANA 4:36

Nyoru ilinto pagh ropöwontenyi, akïghömïtöy pagh ompö söpon pö kokay atökïngörekyö chane kwodeny, ngorin nko ilin.

IGHISYEWUT 1:15

Kughyongö Petro osiswechoni tawu kighönï cho kingata 120 akïlö,

IGHISYEWUT 14:27

Nyini kitï chane Antiokia kunyoryö pipö kanisa akïmwochï chane ngal lapay cho kegh Tororöt nko chane nko wölo kiyatïta nyinte are atökughan puntonï tïkwïl.

IGHISYEWUT 15:12

Kïsisyö nyoryonay kïmïkul akïter Parnapa nko Paulö kïtötyini chane wölo kilata kiporut nko töngönchin cho kigh Tororöt chane kwigh ompö wölo mi pipö punton.

IGHISYEWUT 19:21

Kïkany kwighisyö ngalechoni, kunonchï Mïkulögh Paulö kïrutö kuwerata kwenu Makedonia nko Akaya atökïwö ntökwit Yerusalem. Ompöwölo kilö, “Ato atan wölini, kïmïchinanïn orutoghchinan Rumi tïkwïl.”

IGHISYEWUT 21:19

Kutakwes Paulö chane akïmwochï ngal lapay cho kigh Tororöt ompö kwenu pipö punton otini kipöghisïyi.

IGHISYEWUT 28:14

Kenyorucha pich cho le kighönï, kelïkucha toyekwa ompö wiki akonga. Nka nyoni nyu wölini kikïpkantecha ntöketï Rumi.

RUMI 1:12

Kikilecha kegh nyu achane, kilokwa kighanatenyan kukilanïn nyinkwa.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

RUMI 7:1

Tupchenichu, pköchinokwa lasiny, ngölyontonï omökan omwoghöy, ompöwölo ongölonchinan pich cho nkït kirurut. Pöytoy kirurut chi otini tökïsöpöy nyinte kïpoto.

1 KORINTO 1:10

Osomokwa werköcho, ompö kaynata Echotyontenyo Yeso Kristo lö, oterchinö kegh akwane ompö kïgh anka tïkwïl nyo omwoghöy atömörumunö pesyogh kwenunkwa. Osïkö kinonut akonga nko keröt akonga.

1 KORINTO 10:1

Omökan ononwokwa, werköcho, ngal cho kichumchï kukötinecho chanya kirïpöy Musa. Kikarta polta chane löwïr, akimechutcha pögh otini kyoghyot Nanam nyo Pïrir.

1 KORINTO 12:1

Omökan ye nyu, werköcho onkïtunekwa lasiny ngala konut cho pö ara mïkulögh:

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

1 KORINTO 14:26

Anyï kïyoni omwoghan, werköcho. Otini karyamakwa asagh, tumö chitö anka, kunetisyö anka, kïmwowï anka ngongut nyo ngwïno wölo mi Tororöt, kïmwowï anka ngölyon ompö kut nyo sis, kïwöghökwï anka ngalechoni. Mïchini kegh kïgh nyo kilöy kanisa.

1 KORINTO 9:2

Kïrkegh kömi pikö walaka cho kötöghöy lö mochanye chi nyo kiyoktö Yeso, wölo ochan chi nyo kiyoktö Yeso ompö akwa, amukekwa okïniniot ompö söponwekwo lö kiyoktanïn Yeso, ompöwölo kyolinyekwa akwane nko Echotyon.

2 KORINTO 1:8

Kïmökecha werköcho, kemwowokwa nyörilwok cho kikïnyorchicha wölnö le koro Esya. Kitungecha nyörilwokchoni lönyït, tökïmelö kitökekönecha söpon ngat.

2 KORINTO 2:14

Wölo keyokyinö Tororöt söro nyo ntöghoghwecha kïtenö osis kerïntena poryenyo ompö Kristo! Ighecha nyinte kyamtena man nyo pö Kristo nyo lata sikak kïghömï woptin löwïr.

KALATIA 3:15

Omökan werköcho, opöghisyeghone körkeyïn nyo kïpöghisyegho kïnomnyö, ato chomnyechï pich odeny ngalekwa akukïniniö ompö kikirut, kïmelö mi chitö anka nyo muköy kïpenyöy anta tas kïgh kikirutchoni.

KALATIA 6:18

Nya kïtöpö pöropcheto Echotyontenyo Yeso Kristo nko akwa lapay, tupchenichu. Amen.*

PILIPI 1:22

Wölo ato söpön kwighanïn agh ighisyö nyo pö kinyiwut, kïmonkïtönye nyu lö eakïl söpon nya anta meghat!

PILIPI 4:17

Amolenchï kegh ompöwölo omökan pat otoke konut pö pich, wölo omökan kïtösisyot akwekwa ompö kaplawachtankwa.

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

KOLOSAY 1:6

Kitas tagh Lökoyechoni Karamach kuyinï akwa akulet tagh kïghömï ngwïny kïmïkul, le wölo kilïkwï ompö kwenunkwa kïngeta asisanya kyalïmakwa akïpköchokwa lö nen pöropcho Tororöt,

1 TESALONIKE 2:18

Nka nyoni kikïmökecha kerutoghwokwa. Kyomökan ante Paulö orutoghchinokwa kïnomnyö, wölo kikartecha Onyötö.

1 TESALONIKE 4:13

Kïmökecha tupchenicho, onkïtunö ngala man cho pö pich cho kimeghö, mömïchininye owuronchenökwa ompö chane, le pich cho mötïngcha kikönöt.

2 TESALONIKE 2:7

Wölo mi wïnyatanoni pö Penyat kïpöghisïyi otï le ye, wölo mi akong nyo pöpeköy nyinte, amökïngongunye ntökïtenö kenategha nyinte nyoni pöpeköy.

2 TIMOTEO 4:17

Wölo kimi Echotyon nko ani akukilanïn, ntamukan amta Lökoy cho Karamach kïmïchï, atökïlïm pipö punton löwïr. Akisörunenanïn Echotyon kirwoko meghat lenye ato kïngwïsuna chi kuti ngötïny.