RUMI 1:1 - PIPÏLIA

¹ Kakiran palalyantanï Paulö ante mötworinto Kristo* Yeso, nyo kikekurön alïkwï kiyoktoghin* akelöwon kwamta Lökoy cho Karamach cho pö Tororöt.

RUMI 1:1 ပူးပေါင်းရင်းမြစ်များ

1 OTÖPTINO OSIS 23:13

Kitïng Amram wor odeny: Musa nko Aron, kikïkïl Aron nko monechi kïrip karïn cho tïlilöch kokay akïpel tïkwïn cho ngutoy cho onyïn ato kïsoghöy ECHOTYON akïpöghisyechï nyinte, akusoyön pich ompö kaynenyi.

ISAYA 49:1

Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

YEREMIA 1:5

“Kyonkïtunyi tagh kïtomö aghinyi ompö muyeto yongu akïlchinyi kegh kïtomö keyiyinyi aghinyi lïkuna werkoyon ompö pipö punton.”

MARKO 1:14

Otini kikïrat Yoana, kïwö Yeso kutang Kalilaya kwomtotoy Lökoy cho Karamach cho pö Tororöt,

YOANA 12:26

Akwanka tïkwïl nyo pöghisyewanïn, kïmötïnye kïrïpanïn, atökumï mötworintenyan kïmi nko ani ompö wop anka tïkwïl wölo omitan. Ato pöghisyewanïn chi kutöni Paponyan nyinte konyït.

YOANA 15:15

Melö tokuronokwa ngat mötwor, ompöwölo menkïtnye mötworintö kini ighöy echotyontenyi. Wölo kokurenokwa kongotichu, ompöwölo koyotwokwa tïkwïn lapay cho kyalïman Paponyu.

YOANA 15:20

Anana ngölyontonay kyomwowokwa lö, ‘Möminye mötworintö nyo wow kïsir echotyontenyi.’ Ato kichopanïn chane kong, kuchopokwa kong tïkwïl, ntökiter chane ngölyontenyan, kötöteröy nyinkwa tïkwïl.

IGHISYEWUT 13:9

Atolapay kuchirchï kong Saulö, nyo kikuro Paulö nyo kinyïghï Mïkulögh nyo Tïlil, ponintonay

IGHISYEWUT 20:24

Wölo moyitanye lö kïgh söpenyan atamuk awany pöghisyö nyo kökonanïn Echotyon Yeso agh, nyoni kï kemwatïta Lökoy cho Karamach cho pö pöropcho Tororöt.

IGHISYEWUT 21:40

Kutö yetïntönay Paulö pöroyïn kïngalan, kïlenyona kughyongö Paulö ato kïlontegho akïngölonchinö egh pïchay kïsïsyö. Kïkany kïsisyö, kïngölonchï Paulö chane ompö ngala Eprania lö,

IGHISYEWUT 22:21

Kïlenchanïn Echotyon, ‘Wïyö, ompöwölo oyontoninyi wete koro punton wölo low.’ ”

IGHISYEWUT 22:7

Opïtyan ngwïny alïman kut nyo kingölonwanïn lö, ‘Saulö, Saulö, ompö ne techopaninyi kong?’

IGHISYEWUT 26:1

Kïlenchï Akripa Paulö, “Imukenyi ye nyu ngölone.” Kughïtö Paulö ewunyi akïghet kegh lö,

IGHISYEWUT 26:14

Kepïtyicha ngwïny lapay, alïman kut nyo kilenchanïn ompö ngala Eprania, ‘Saulö, Saulö! Ompö ne techopaninyi kong? Nyinte kegh nyo ichiröy ato ilentenyi otyorsïyi.’

IGHISYEWUT 27:23

Ompöwölo kengwïnchanïn amïna malaykayanta Echotyon, nyo pöywanïn akï nyinte nyini osoghan,

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

RUMI 1:16

Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

RUMI 1:5

Kikonanïn Tororöt pöropchö ompö Werïnyi alïkwï kiyoktoghin atamukan ontöghoghchï pipö Punton löwïr kughan akïterchï nyinte ompö.

RUMI 1:9

Söwintenyan Tororöt lö nyo opöghisyechinan ompö mïkulöwunyan kïmïkul, otini omtonan Lökoy cho Karamach cho pö Werïnyi, lö ononokwa kïnomnyö ompö sowutköchan.

RUMI 11:13

Ongölonwokwa ye nyu pipö punton lö, okwolonan kegh ighisyenyu otini kïnye ochan kiyoktoghinto* Kristo* ompö pipö punton.

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

RUMI 15:29

Onkïtön lö, opkokwa kisoyönöto Kristo nyo wow otini katwan korenkwa.

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

RUMI 16:25

Nya kesala ye nyu Tororöt. Muköy nyinte kuchïchim kighanatenkwa ompö Lökoy cho Karamach ngölono Yeso Kristo. Lökoy cho omtonan kïrïp kegh nko ngongut nyo pö man nyo kiwïngate ompö könyis cho chang cho kikuwer,

1 KORINTO 1:1

Ani Paulö nyo kikïkïlan ompö machata Tororöt alïkwï kiyoktoghinto* Kristo* Yeso, nyete kakirwakwa palalyantanï nko werïnyo Sostene.

1 KORINTO 9:1

Mochanye so chi nyo tyakate? Amochanye so kiyoktoghinto Yeso? Kimasïwanye so Echotyontenyo Yeso? Mochikwanye so pich cho konkïtï Echotyon ompö sïngenyan?

2 KORINTO 1:1

Kakirwan palalyantanï ante Paulö kiyoktoghinto* Kristo* Yeso ompö machata Tororöt nko tupchenyo Timoteo. Kikirchinecha palalyantanete akwa cho ochï kanisa Tororöt nyo mi Korinto nko pipö Tororöt cho mi Akaya kïmïkul.

2 KORINTO 11:5

Molenchï kegh ochan mïnïng tya kïtïl pïchoni lentöy kïchï, “Kiyoktoghï cho echön.”

2 KORINTO 11:7

Melö kyaghachan kïgh atanye kyomwokwa Lökoyo Tororöt cho Karamach, kyopön kegh ngwïny atamukan osyolokwa parak. Kyalelan so?

2 KORINTO 12:11

Kalïkwan so sölwö? Wölo akwa choni kochikwanïn, kötömïchinokwa ompö asalanïn. Ompöwölo, kïrkegh kömelö ochan kïgh, wölo melö ochan apteghate tya kïtïl choni okuronekwa, “kiyoktoghï cho echön.”

2 KORINTO 2:12

Kyamtan Lökoy cho Karamach cho pö Kristo otini kyatan Troa. Kyonyorchan atoni kukat nyo yatate ompö ighisyo Echotyon.

2 KORINTO 4:5

Melö kyomtocha kegh achane, wölo kyomtocha Yeso Kristo nyo le Echotyon, kïchicha achane mötworikwa ompö Yeso.

KALATIA 1:1

Kakirwakwa ante Paulö nyo le kiyoktoghin,* akiran nko werköcho löwïr cho omitan tïkwïl wölete. Kikirchinecha palalyantanï pö kitakwesat kanisen cho mi Kalatia. Kighanïn Yeso Kristo* alïkwï kiyoktoghin, amelö ompö machata chi anta ompö owesyo ptangengmöt, wölo ompö owesyenyi nko nyo pö Tororöt Papo nyo kitutunö nyinte ngwen.

EPESO 1:1

Ani Paulö nyo le kiyoktoghinto* Kristo* Yeso ompö machata Tororöt nyete, kakirwokwa pipö Tororöt cho omitö Epeso ochï cho ghönote ompö Kristo Yeso.

EPESO 1:13

Kighakwa Tororöt alïkuna pikachi akwa chona kyalïm ngölyonto man, nyoni kï Lökoy cho Karamach cho kipkokwa sörunötengwo akyaghanakwa Kristo, akïpelchokwa Tororöt machey nyoni. Kï Mïkulögh nyo Tïlil nyo kikikuyomisï pikachi.

EPESO 4:11

Akï nyinte nyo kitö pich ropöw. Kigh nyinte pikö walaka kïlïkwï kiyoktoghï, kwigh walaka kïlïkwï werkoy, kwigh walaka kïlïkwï omtoghï, kwigh walaka kïlïkwï mösöw nko konetï.

KINONO KIRURUT 10:8

Kïkïl ECHOTYON osiswechoni pipö ara Lawi kwip Santukunay pö Muma* atökïpöghisyechï ECHOTYON, atökusoyön chane pich ompö kaynenyi nko nyete le ye.

PILIPI 1:1

Kakirwan palalyantanï ante Paulö nko Timoteo cho kïchï mötwori Kristo* Yeso. Kikirchinecha pipö Tororöt löwïr cho mi Pilipi, cho kiketuyö nko Kristo Yeso nko pich cho ntöghoghchini kanisa nko cho ngörokisïyi.

PILIPI 2:11

atökïmwagha anka tïkwïl kutinyi lö, Yeso Kristo kï Echotyon, ompö ororyo Tororöt Papo.

KOLOSAY 1:1

Kakiran palalyantani ante Paulö nyo ochï kiyoktoghinto* Kristo* Yeso ompö machata Tororöt nko werïnyo Timoteo.

KOLOSAY 1:25

Keghanïn Tororöt alïkwï mötworinteto kanisenyi kïrïp kegh nko tötutyenyi nyo kikonanïn ompö tösunötenkwa. Tötutyononi kï kyamta ngölyontenyi kelïmta,

1 TESALONIKE 2:2

Ankïtökwa wölanye kikichoptecha kong akemwaghecha ompö Pilipi. Wölo kikonecha tororötïnyo nyakanat nyo kyomwokwa Lökoy cho Karamach cho pkono wölo mi nyinte, kïrkegh kimi poryot nyo wow.

1 TESALONIKE 2:8

Kïlenyona, ki wow chomnyencha ompö akwa nka nyoni kikïmitecha kïpsach kepara nko akwa, amelö Lökoy cho Karamach pö Tororöt opïn, wölo tökekonokwa söponwecha tïkwïl. Nka nyoni wölo kikïchamtecha akwa lasiny!

1 TESALONIKE 2:9

Ononekwa tupchenichu, wölanye kikinoghyecha kïlïkwï, kikïpöghisyecha pöghet nko nangat atömökïkonokwa nïkisïn ompö omisyewut otini kikïmitecha kyomwokwa Lökoy cho Karamach cho pkono wölo mi Tororöt.

1 TIMOTEO 1:1

Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

1 TIMOTEO 2:7

Nka nyoni kigh Yeso kïkïlanïn alïkwan kiyoktoghin* nko omptoghin nyo pö pipö punton atomchï chane lökoyo kighanat nko man. Omwoghan ngala man, momïranye put.

2 TIMOTEO 1:11

Kikïlanïn Tororöt alïkwan kiyoktoghin alïkwï konetin nyo omtoy Lökoy cho Karamach,

TITO 1:1

Ani Paulö mötworinto Tororöt achï kiyoktoghinto* Yeso Kristo,* nyo kakirï palalyantanï. Kikïkïlanïn akeyoktanïn owö angarak kighanata pipö Tororöt cho le löwönkachi atanet chane ngala man pö ngölyonto Tororöt nko konyït nyo kïkonyïtöy Tororöt,

EPRANIA 5:4

Möminye chi nyo ighöy kegh nyinte kïlïkwï Tïsin nyo Wow,* kïpoto kuröto Tororöt nyo ighöy chi kïlïkwï Tïsin nyo Wow le Aron.

EPRANIA 7:26

Yeso nyu onkït nyo le Tïsin nyo Wow* nyo mïchinecha. Tïlil nyinte akïmötïngnye lelut anta ngokï ompö orinyi. Kikepesyö nyinte nko mwokïyis aketotegha kïwö yïm parak.

YAKOPO 1:1

Ani Yakopo mötworinto Tororöt nko Echotyon Yeso Kristo,* nyo kakirwakwa atakwesak cho ochï ortïn taman nko odeny cho kyayasta oghömï ngwïny kïmïkul.

1 PETRO 4:17

Kikwitïta asispa kirwok akï pipö Tororöt cho kïnyoghöy kerwokyini. Kwato nya kutorenecha kirwokononi ekïlïku ne nyu köny ompö pich cho meghönöcha Lökoy cho Karamach cho pkono wölo mi Tororöt?

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

YUDA 1:1

Ani Yuda palalyantanï, nyay le mötworinto Yeso Kristo* nyo ochï tupchö nko Yakopo nyo kakir palalyantanete. Kakirwokwa chona kikurok Tororöt, cho otïpïsot ompö chomnyo Tororöt Papo akï cho ripokwa Yeso Kristo.

NGONGUT 1:1

Achï ngal cho kingongï Yeso Kristo,* cho kitö Tororöt nyinte tökuporchï mötworichi ngal cho ighisyot ato lekït nyo mötïny. Kiyonï Kristo malaykayantenyi atökuporchï mötworintenyi Yoana ngalechoni,

NGONGUT 22:6

Atolapay akïlenchanïn malaykayantanay, “Muköy pich kughan ngalechï akï pö man. Köyonï Echotyon Tororöt nyo töni werkoy Mïkulöwunyi malaykayantenyi atökuporchï mötworichi ngal cho ighisyot mötïny lawel.”

NGONGUT 22:9

Wölo kïlenchanïn, “Ewo mesoghanïn! Ochan mötworin le nyi nko tupcheniku chay le werkoy nko chane tïkwïl cho rïpöy ngal cho mi kitapunï. Sagha Tororöt!”