PILIPI 4:9 - PIPÏLIA

⁹ Agha tïkwïn cho kyanetakwa kegh atakakwa alïmakwa asïwekwa ompö ani. Atökïtöpö Tororöt pö kalya nko akwa.

PILIPI 4:9 ပူးပေါင်းရင်းမြစ်များ

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 8:10

Atata tötutkökwo! Wölo mötïngcha kinyiwut. Angalana ntökumuchö, wölo lïku choni lapay kwïle, ompöwölo mi Tororöt nko acha.

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

MATAYO 7:21

“Molenchï kegh lïtöy Pöyunöto Yïm chi anka tïkwïl nyo mwoghöy lö, ‘Echotyon, Echotyon,’ kïpoto chi cho ighöy machata Paponyan nyo mi yïm.

LUKA 6:46

“Ompö ne tokuranïkwa lö, ‘Echotyon, Echotyon,’ amelö oghekwa le nyo komwowokwa?

LUKA 8:21

Wölo kïlenchï Yeso pïchay, “Yonyan nko werköcha kï chane teröy ngölyonto Tororöt akïrïp.”

YOANA 13:17

Kwato konkïtukwa ngalechoni, ochikwa soyönote ato arïpakwa!

YOANA 15:14

Ochikwa kongotichan ato aghakwa tïkuchoni kochikwokwa.

YOANA 2:5

Kïlenchï kameto Yeso mötworichay, “Aghakwa kïgh anka tïkwïl nyo mwowokwa nyinte.”

IGHISYEWUT 9:6

Wölo ngeta wïyö tanga kanasyan, atökemwowun kïgh nyo mïchini ighe.”

RUMI 15:33

Nya kïtöpö Tororöt nyo konecha kalya nko akwa lapay. Amen.*

RUMI 16:20

Nyoknyoköy atolekït Tororöt, nyo le towunöteto kalya, Onyöt akutö ngwïnyi kelyekwa. Nya kïtöpö pöropcho Echotyontenyo Yeso nko akwa.

1 KORINTO 10:31

Kïlenyona nyu ato koghöy kïgh anka tïkwïl, ato komisïyi anta kogheghsïyi agh choni löwïr ompö ororyo Tororöt.

1 KORINTO 14:33

ompöwölo Tororöt kïmelö Tororöt pö kiwulyot, wölo pö nyinte kalya. Kïle wölo lata kaniseni Tororöt kïmïkul,

1 KORINTO 4:16

Kïlenyona, osomokwa lö arïpa otöptönyan.

2 KORINTO 13:11

Wow ye nyu sörö, werköcho. Alïkwï pich cho melö tïng lelut. Mopïstö kirurutköchan, alïkwï pich cho tïng machat akonga, ampur ompö kalya. Töpo nyu Tororöt pö chomnyogh nko kalya nko akwa.

KINONO KIRURUT 5:1

Kïkur Musa pipö Israel löwïr akïlenchï, “Akwa pipö Israel, atera lasiny kirurutchï löwïr omwowokwa asete. Aneta kegh lasiny arïp.

PILIPI 3:17

Tupchenyu, arïpa wölo otöptonan, ompöwölo kikeporwokwa körkeyïn nyo karam, arïpa nyu pïchoni rïpöy körkeyïnoni kikeporucha.

PILIPI 4:7

Komönöy nyu kalya Tororöt, nyo tïlöy pköchin anka tïkwïl nyo pö ptangengmöt, mïkuliskökwa nko kinonutkökwa ompö Kristo* Yeso.

1 TESALONIKE 1:6

Kyarïpakwa otöptöncha nko nyo pö Echotyon akï kïrkegh kyowongukwa nyoman, wölo kyatachakwa ngölyontononi ompö ngörekyö nyo kikonokwa Mïkulögh nyo Tïlil.

1 TESALONIKE 2:14

Tupchenicho, könyorwokwa ngalechoni ghach kinyorï kaniseni Tororöt cho mi Yudea cho kinyorï piko wöloni cho kikilïkwï pipö Kristo Yeso. Kichopokwa kong pikökwo le wölo kichopta chane kong pipö Yaudi,

1 TESALONIKE 5:23

Nya kutïlilokwa Tororöt lasiny nyo konecha kalya ompö or anka tïkwïl akïrip mïkulöwekwa nko söponwekwa nko porwoyikwa atalïkuna pich cho melö tïng lelut ato mïla Echotyontenyo Yeso Kristo.

2 TESALONIKE 3:4

Akï nyinte Echotyon nyo kökonecha kikönöt ompö akwa aketïngetecha man ompö Echotyon lö, omitekwa oghöy aletöy tagh orïpöy ngalechay kikïmwowokwa.

2 TIMOTEO 4:22

Nya kïtöpö Echotyon nko mïkulöwungu. Nya kïtöpö pöropchenyi nko akwa lapay.

YAKOPO 1:22

Malïs kegh akwane lö ompöwölo kalïmakwa pat ngölyontenyi, wölo alïkuna pich cho ighöy lenyini mwoghöy ngölyonte.

2 PETRO 1:10

Kïlenyona nyu tupchenichu, onoghyenö okilö kegh lasiny atachïchima kuröto Tororöt nko löwönötenyi ompö akwa kwaghïghit, ompöwölo ato aghakwa lenyoni, kïmopïtyinekwanye ngokï nyonikïny.

1 YOANA 3:22

Kïsïkonecha wölo mi nyinte kïgh anka tïkwïl nyo kïsomecha, ompöwölo kïrïpecha kirurutkachi akeghecha tïkwïn cho chömöy nyinte.