PILIPI 4:8 - PIPÏLIA

⁸ Nyo pö löt tupchenichu omwoghan lö, anyïghita kinonutkökwo tïkwïn lapay cho pö man nko cho pö konyït nko cho puryö lïs nko cho tïlilöch nko cho pö töroryö nko pïchighyö.

PILIPI 4:8 ပူးပေါင်းရင်းမြစ်များ

TOWUNÖT 18:19

Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”

2 SAMWEL 1:23

“Ki karam Saulö nko Yonatan akichömöy pich chane! Melö kipesyö chane meghat anta söpon. Kipïrtït chane kïtïl sich aki owesöch kïtïl ngötuny.

2 SAMWEL 23:3

Kangalan Tororöt pö Israel, kölenchanïn ghatya Israel, “Ato payta pöytoghintö pich ompö man, akïkonyïtöy Tororöt,

TUMWÖY 82:2

“Orwokekwa ompö lïs nko oyï? Ochomnyeghokwa mwokïyis nko oyï?

NGÖTÏNYÖ 11:1

Lilöy kïgh ECHOTYON kipimöw cho melö pö man, wölo ngörökyini nyinte kipimöw cho mïchinote.

NGÖTÏNYÖ 12:4

Korka nyo karam otöp kuwulo kegh pontenyi, wölo korka nyo ipu arasï kïlata sömew ompö koyechi.

NGÖTÏNYÖ 16:11

Mököy ECHOTYON ratilin cho pö man akï koghi cho kipimtoy löwïr cho mi mïlot kï ighisyenyi.

NGÖTÏNYÖ 20:7

Chi pö man nyo kïltït arenyi, kusoyönote monechi.

NGÖTÏNYÖ 31:10

Ngo nyo muköy kïnyoru korka nyo mïchini? Pïchigh nyinte tya kïtïl koghïn cho pö olyot nyo wow.

NGÖTÏNYÖ 31:29

akïlö, “Kegh korï cho chang nyo karam tya, wölo ketïlanyi chane löwïr.”

NGÖTÏNYÖ 31:31

Tönö nyinte akweko morichi, aikany kïsal nyinte ighisyewutkachi ompö ortïna kanasyan.

TUM PÖ TUMWÖY 5:16

Wechï onyïnech ngala cho pkono kutinyi achöman nyinte kïngeta kel ntökwit möt! Anyï nyu wölo lata chamanenyan akï kongenyan, akwa tipichï pö Yerusalem.

ISAYA 26:7

Ilïtitenyi ara pipö man, we Echotyon, rïpöy chane or nyo ghïteghote.

MATAYO 22:16

Kïlenyona, kïyonta kinetankakwa nko pich cho rïpanpa Erode kïpa kïtep nyinte lö, “Konetin, kinkïtöcha lö ingölonenyi ngala man ainetenyi kunkïtï chi lö ne nyo möko Tororöt nyinte. Amewöghenyinye chi, ompöwölo meyongenyinye wowïn pö pich.

MARKO 6:20

Kiwöghöy Erode Yoana ompöwölo kinkït lö chi pö man nyinte aki chi nyo tïlil, kïlenyona kïrip nyinte lasiny tömökïrïm. Kichömöy kïteröy ngalechi ompö ngörekyö kïrkegh kisusöy söpontanyi ngalechoni kilïmo Yoana kïtenö osis.

LUKA 16:15

Kïlenchï Yeso chane, “Akwa chay oghekwa kegh lö, kïchï karamach ompö tawu pich, wölo nkït Tororöt lö ochikwa pich ne. Ompöwölo tïkwïn cho kusöy pich, kï samï ompö tawu Tororöt.

LUKA 2:25

Kimito osiswechoni chi nyo kimönyöy Yerusalem nyo kikïkuro Simion. Kitenate nyinte akuwöghöy Tororöt, kiköngöy chichoni sörunöto Israel. Kimito Mïkulögh nyo Tïlil nko nyinte

LUKA 23:50

Kimito chi nyo kikïkuro Yosep nyo kingwïno Arimatea kanasyanta pipö Yaudi. Ki akonga nyinte ompö Kokwo* pipö Yaudi, chi nyo karam akïrïpöy man.

YOANA 7:18

Chi nyo mwoghöy ngalechi kegh, kïyöröy kïkwolöy kegh, wölo chi nyo yöröy kwolöteto nyinte nyo kiyonï nyinte, kï pö nyinte man akï möminye putintön orinyi.

IGHISYEWUT 10:22

Kuyokyï chane lö, “Köyonwecha Kornelio nyay wowö askarin akï chi nyo karam nyo soghöy Tororöt akworor nyinte ompö koro Yaudi löwïr. Keporchï nyinte malaykayanta Echotyon nyo tïlil kïyonï pich kïpka kïkurinyi atewïyö katanyi tökïlïmeninyi lökoy.”

IGHISYEWUT 22:12

“Kimito chi nyo kikuro Anania kanasyantanoni pö Damaska, nyo kighönöy Tororöt akïrïpöy kirurut, akitïng konyït ompö pipö Yaudi kïmïkul cho kimöngöy kanasyantanoni.

IGHISYEWUT 6:3

Kïlenyona tupchenichu, akïla ompö kwenunkwa pich mut nko odeny cho kinkït lö ghönote, akï nyïghitote Mïkulögh nyo Tïlil nko ngöghomnyö atöketönö chane kughyongchï pöghisyonï.

RUMI 13:13

Kemöngisyenö ompö or nyo tenate, le pich cho pestegho löpoyïn pö pöghet. Melö ompö aketagh kïsamta nko tamasa anta sïmnyontön nko cheporesnan anta syala nko sastagh.

RUMI 13:3

Ompöwölo melö wöghöy pich cho ighöy nyo karam kintöghoghï kïpoto pich cho ighöy cho ghach. Imökenyi lö tömawagh chi nyo tïng wowïn nya? Igha nyu nyo karam atökïsalïn nyinte,

RUMI 14:18

Akï chi nyo pöghisyechini Kristo lenyoni kïngörokyini Tororöt akï tïng nyinte tokoch nyo karam ompö pich.

RUMI 2:29

Wölo chi pö Yaudi nyo pö man, kï nyo le chi pö Yaudi ompö orinyi, akikïnyorï mutata man nyo pö mïkulöwunyi ompö owesyo Mïkulöwu Tororöt, amelö ompö kirurut cho kirote. Mönyorunonye chi nyo lata nyoni kikusat ompö wölo mi pich, wölo nyoruno Tororöt.

1 KORINTO 4:5

Kïlenyona, morwokyï chi anka tïkwïl kïtomö kwitïta asistanyi, opïstenö tökïtenö kungwïn Echotyon, nyinte nyo pköngöy tïkwïn cho kikïwïnchï wölo tuw akuporï möchut pö mïkulis pö pich, atökïnyorunö nyu Tororöt chi anka tïkwïl salat nyo mïchini.

2 KORINTO 13:7

Kïsoghecha Tororöt kïripenokwa ghöyityö anka tïkwïl amelö ompöwölo kïmökecha keporune lö kikelïkucha pich cho kakerïntech.

2 KORINTO 6:8

Kïmitecha kïpsach kekonyïtech anta kïkonech arasï. Kïsalecha akechïpecha. Kïlatecha lïsï akwanyï kïngölonecha ngala man.

2 KORINTO 8:18

Kakïyonucha nyinte kungwïn nko werïnyo anka nyo rumunote salatenyi ompö kanisen löwïr nyo pö amtaghpa Lökoy cho Karamach.

2 KORINTO 8:21

Kïmöchecha keghe man, amelö ompö tawu Echotyon onkït, wölo ompö tawu pich tïkwïl.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

EPESO 4:25

Opïstenö nyu putintön! Nya kïmwochï chi anka tïkwïl pöröryenyi ngala man, ompöwölo kichicha löwïr ngichayayi por pö Kristo.

EPESO 5:9

ompöwölo löpoyïnoni nyo ighöy pich kwïgh anka tïkwïl nyo karam, nyo tenate akï pö man

EPESO 6:14

Kïlenyona otïpinö kïpsach, akichena kegh man le angwa mu, alak tïliyö le alakam,

KINONO KIRURUT 16:20

Irïp ngala man kïpoto, atesöpö aicheng kor nyo koninyi ECHOTYON Tororötïngu.

PILIPI 3:1

Nyo pö lötï nyu werköcho, ongörekyenö ompöwölo kotuyekwa nko Echotyon. Melö oghöchan amwagh ngat ngalechanye kyakiran ato le tagh, ompöwölo konokwa tösunöt ngalechoni.

KOLOSAY 4:5

Alïkuna pich cho ngöghomöch ompö tawu pich cho tomöcha kughan Echotyon, apöghisyeghö nyo karam pöroyïn anka tïkwïl nyo otïngetö.

1 TESALONIKE 4:12

Atamuka ompö aranoni osïkenö konyït pich cho tomöcha kughan Echotyon atömörörchok kïgh nyo omököy.

1 TIMOTEO 2:2

osoghchï pöytoghï nko pikö walaka cho echön, tökemöngisyenö ompö payasat nko kalya nko tekata Tororöt nko otöp nyo karam ompö or anka tïkwïl.

1 TIMOTEO 3:11

Mïchini tïkwïl kingöroki cho le kor kïkonï kegh lasiny akïlïkwï cho ghönote akïtïng otöp nyo karam amelö kiswomï.

1 TIMOTEO 3:4

Mïchini tïkwïl kïlïkwï chi nyo muköy kïpayta katanyi akunet monechi terchini nko konyït ompö ngal lapay.

1 TIMOTEO 4:12

Mekany kïsasïn chi ompöwölo techinyi chumwak, wölo ilïkwï körkeyïn nyo karam ompö pich cho kikughan ompö ngalanatengu nko otöptöngu nko chomnyogh nko kighanat nko möngot nyo pö tïlilyö.

1 TIMOTEO 5:10

akï nyo kikïlïmchini pöghisyewut cho karamach akï nyo kinam monechi nyo karam akïtach to ompö konyi akuwun kelyo pipö Tororöt akungarak cho kitïng kömpölelyö akukil kegh ompö pöghisyö nyo karam.

1 TIMOTEO 5:2

aighchï kokon le yotïneku aighchï kor cho tökïmïnkech le tipikwa, ompö otöp nyo pö tïlilyö.

TITO 1:8

Wölo mïchini kïlïkwï chi nyo toköy to, akïchömöy kïgh anka tïkwïl nyo karam, mïchini kïlïkwï chi nyo pöytoy kinonutkachi, nyo pö man, nyo tïlil akï nyo pïröy kegh.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

TITO 2:2

Inet poy cho kayetu kïrïp kegh, kïlïkwï cho tïng konyït akï cho chïreröch. Mïchini kïsïch kighanat nyo roko nko chomnyogh, akïmïkukonchö.

TITO 2:7

akwompö kïgh anka tïkwïl lïkune körkeyïn nyo karam ompö chane. Iparta otöp nyo puryö lïsat ompö kinetatengu.

TITO 3:14

Mïchini kunet kegh piköcho löwïr kwigh pöghisyewut cho karamach, tökïpöghisyeghö kungaraka pich cho tïng möchut ompö lawel. Merokonye kïtïpï chane otöp nyo puryö kinyiwut.

EPRANIA 11:2

Ompöwölo kicham Tororöt pipö könyisyok ompö kighanatengwa nyo kitïng.

EPRANIA 13:18

Osoghwecha kïtïngetecha sïkunöt nyo karam ompö kïgh anka tïkwïl akepïrchinecha kegha nyo karam kïnomnyö.

YAKOPO 1:27

Kïröto ngala Tororöt nyo karam akï nyo kïltït kï kengarak pönon nko mïsïktin ompö kömpölelyengwa nko kïrip chi kegh mesïmnyon ngala ngwïnyinï.

YAKOPO 3:17

Wölo nyo pö tagh, ngöghomnyö nyo ngwïno yïm kï tïlil, tïng kalya. Talase, teröy ngal akïyongöy pich. Tïngeto kisyonöt nyo wow akuyinu akwa cho pö ighisyewut cho karamach. Mötïngnye kïltagh anta lïs.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 PETRO 2:12

Mïchinokwa apartena otöp nyo karam nyoman ompö kwenu pich cho tomönye kughan, nyo kïrkegh kö mököy kïmïrchokwa put lö oghekwa tïkwïn cho ghach, kumuköy kïsïwa ighisyewutkökwa cho karamach akïsal Tororöt Asisto kingwïnatenyi.

1 PETRO 4:8

Wölo nyo wow tya mïchini achama kegh akwane lasiny, ompöwölo körtoy chomnyogh ngokï cho chang.

2 PETRO 3:1

Kongotichu, palalyantenyan nyete nyo pö odeny nyo kakirwakwa. Akwompö palaltinechete kwodeny, komukyan angetnget kinonut cho tïlilöch ompö orinkwa otini ononwokwa ngalechï.

1 YOANA 3:18

Monechu, merokonye keporunöcha chomnyenyo ompö ngal nko ngalanat pat. Mïchini kïlïkwï nyincha chomnyogh nyo pö man nyo kïsïwïyegho ighisyewut.

1 YOANA 3:3

Akï chi anka tïkwïl nyo tïng kikönötononi ompö Kristo, kutïlilöy kegh le wölo tïlil nyinte.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

RUS 3:11

Ye nyu, cheptanyu, mewagh oghunyi chini lapay kemwaghanyi, ompöwölo nkït kongotichan cho mi kanasyan kïmïkul lö karam otöptöngu.