PILIPI 4:5 - PIPÏLIA

⁵ Kanya kunkïtï pich lapay tölosyenkwa, kilekïtït ato mïlo Echotyon.

PILIPI 4:5 ပူးပေါင်းရင်းမြစ်များ

MATAYO 6:25

“Kïlenyona omwowokwa lö, mosus kegh ompö tïkwïn cho kyomöy anta cho kïgheghöy anta cho kïloköy. Mötïlönye so söpon omisyö anta tïl por sïro?

MATAYO 6:34

Kïlenyona, mosusö kegh ngala asïyech, ompöwölo suso kegh asïyech ngalechi.

LUKA 21:34

“Orip kegh nyu akwane, tömekaperak pïghyöny nko tamasa nko sïngut pö ngwïnyinï, tömemirok asispa kingwïnata Wero Chi le ngöghöp.

1 KORINTO 16:22

Akanya kïchïpö chi anka tïkwïl nyo möchömönye Echotyon! Maranata, nyoni kï, Nyonö Echotyontyenyo!

1 KORINTO 6:7

Nyo pö nyoman ato orwokyinekwa kegh akwane, kuporu nyoni lö kikerïntakwa nyoman! Mö kökaram so ato kigheghchokwa? Mö kökaram so ato kïmasenakwa tïkukwo?

1 KORINTO 8:13

Kïlenyona nyu, ato töp omisyö tökwigh werïncha kupïtyï ngokï, kïmelö toman peny kokay, tömötöp taghan werïnyo kupïtyï ngokï.

1 KORINTO 9:25

Kilöy kegh chi anka tïkwïl nyo omöy kanyanyighos akïmul kegh tïkwïn cho mököy portanyi. Ighöy lenyoni atökïnyorï tenta nyo wïröy, wölo kighecha atökenyorunö tenta nyo töpo kokay.

2 KORINTO 10:1

Osomokwa nyu ante Paulö, ompö kisyonöto Kristo* nko chomnyenyi nyo nonöy pich lö chi nyo talase ato omitan nko akwa, wölo chi nyo körom ato ochan low nko akwa.

2 TESALONIKE 2:2

lö, makany kïwöngisyö kinonutkökwo lawel anta kususok pich cho mwoghöy lö, kikwitï asispa Echotyon. Töptoy nonöy pikö walaka lö acha cho kikïmwagh lenyoni ompö amtaghtancha anta mwa lö acha choni kikir ngalechoni palalyan.

TITO 3:2

Imwochï chane tömöngalana chi anka tïkwïl nyo gha, wölo kilïkwï pipö kalya, cho tölose, cho porchini pich lapay otöp nyo karam.

EPRANIA 10:25

Amökepïstö otöptönyo nyo pö nyoryogh kïle wölo kipïstö pikö walaka. Nyo kötölïku nyona, kekil kegh lasiny, ompöwölo karich kwitï asispa Echotyon.

EPRANIA 10:37

Ompöwölo mwoghöy Kikirut lö, “Tomönye kite, kwitï nyinte nyo ngwïnöy ameropunye.

1 PETRO 1:11

Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

NGONGUT 22:20

Mwoghöy nyinte nyete söwintönchini ngalechï lö, “Owöy! Ongwïnan lawel!” Amen. Nyonö Echotyon Yeso!

NGONGUT 22:7

Kïlenchanïn Yeso, “Tere, ongwïnan lawel! Soyönote chane cho rïpöy ngala werkoynön cho mi kitapunï!”