PILIPI 4:19 - PIPÏLIA

¹⁹ Konokwa löwïr tororötïnyan möchutkökwo kïngetunö mökosyenyi nyo wow nyo mi Kristo Yeso.

PILIPI 4:19 ပူးပေါင်းရင်းမြစ်များ

TOWUNÖT 48:15

Kusoyön Yosep kïlenchï, “Nya kusoyön Tororöt werchï, Tororöt nyo kipöghisyechï papotïnechan Apraam nko Isak, nyinte nyo kintöghoghwanïn kïngeta otini kyapitan nko ye!

2 SAMWEL 22:7

Okurön ECHOTYON ompö nyarïltanyan, okuran okurön Tororötïnyan. Kïlïm nyinte kutinyan ompö Konyi, kit lokechan yitichi.

2 OTÖPTINO OSIS 18:13

Wölo kuyokyï Mikaya lö, “Kïle otini söpöy ECHOTYON, omwoghan lenyini kamwa Tororötïnyan.”

2 OTÖPTINO OSIS 31:8

Otini kingwïn pöytoghintö Esekia nko kintöghoghï kuros tïkuchoni kikitïkum kïsal ECHOTYON nko pikachi Israel.

NEEMIA 5:19

Osoghinyi, we Tororötïnyu lö, inanante ompö pöghisyewut löwïr cho kyoghchan pïchï.

NEEMIA 9:15

“Kipaghenyi chane makatina yïm kuwany kömöyungwa aitönönyi pögh cho kipkana ghat kïnuk maralungwa. Atolapay imwochinyi chane kïpa kïnam kor nyo kiwolwolchinyi chane.

TUMWÖY 104:24

Kighanyi tïkwïn cho chang, we ECHOTYON! Pö töngönchin lö ne wölo kidenyi chane löwïr. Kinyïghï ngwïny tïkwïn cho kighanyi!

TUMWÖY 130:7

Ghana ECHOTYON, we Israel, ompöwölo pö chomnyenyi kokay tïng nyinte sörunöt nyo mïchinote.

TUMWÖY 36:8

Omo kongu ichontöngwa nyo mewonyot, itönenyi kïghegha pögh lalwengu nyo pö ngörekyö.

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

DANIEL 6:22

Keyokwï Tororötïnyan malaykayantenyi kungwïn kïkar kutuwa ngötuny. Möminye wölo kedanïn, ompöwölo möminye kïgh nyo gha nyo kyaghan ompö nyinte nko ompö nyi, we pöytoghin.”

MIKA 7:7

Wölo okönyan nyo le ani ECHOTYON onkït okönyan Tororöt pö sörunötenyan, terwanïn akï sörwanïn Tororötïnyan.

MALAKI 3:10

Opunö töpotenyan ropöwo kareranpa taman löwïr tökïmi Konyan omisyö atyamanïn nyu. Mwoghöy ECHOTYON Kimuktoghin. “Ato aghakwa lenyoni, oyotwokwa tïrisyeni yïm, akonokwa kisoyönut cho möngörï.

MATAYO 6:32

Ompöwölo yöröy pipö punton tïkuchoni löwïr akunkït Paponkwa nyo mi yïm lö otïngetekwa machat nyo pö tïkuchoni löwïr.

YOANA 20:17

Kïlenchï Yeso, “Menömanïn, ompöwölo tomönye owan wölo mi Paponyu.” Wölo wïyö wölo mi werköcha aimwochï chane lö, “Owetan yïm wölo mi Paponyu akï Paponkwa, Tororötïnyan akï Tororötïnkwa.”

YOANA 20:27

Atolapay kïlenchï Tomas, “Tönö morïku yi airos morichan aighïtö ewungu aitatap karasunyan. Pïstenö tomtomönöt, aighan!”

RUMI 1:8

Nyo pö tagh, oyokyinan sörö Tororötïnyan ompö Yeso Kristo akwompö akwa löwïr, ompöwölo kighomï ngwïny kïmïkul ngala kighanatenkwa.

RUMI 11:33

Wechï wow sïkönöto Tororöt! Wechï ngöghom akïchïrer nyinte! Ngo nyo muköy kunkïtï wölo mutïtoy ngalechi akï ngo chi nyo pköchini ortïnechi?

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

RUMI 8:18

Moyitanye lö, kïgh kiwongunötö nyo pö ye ato kikongityö nko ororyö nyo tökïsis kengongwecha.

RUMI 9:23

Akimököy tïkwïl kïngongu ororyenyi nyo wow nyo kikemïlwecha cho kiketötwech kisyonötenyi, acha cho kisatech nyinte otini le könyisyok kenyorunö ororyenyi.

2 KORINTO 12:21

Owöghan lö töptoy ato atwan rutoghtö nyo rïptoy, kwighanïn Tororötïnyu osïkan arasï tawunkwa. Orirchan nyu pich cho chang cho kökikwigh ngokï atole tagh, wölo kitomöcha kïkötö sïmnyontöno tïkwïn cho kigh chane amelö kikïrö kegh chane alomi nko ngoki cheporesnan cho kigh.

2 KORINTO 4:17

Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

EPESO 1:18

Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

EPESO 1:7

Ompöwölo kïtïngetecha sörunöt ompö megha Kristo, akikengongoghta ngokicho kïle wölo lata wowïnto pöropchenyi,

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

EPESO 3:16

kïkonok le wölo lata sïkönöteto ororyenyi, kïkonokwa owesyö nyo kilok ompö ara Mïkulöwunyi talïkuna pich cho chïchïmote ompö oringwo,

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

PILIPI 4:7

Komönöy nyu kalya Tororöt, nyo tïlöy pköchin anka tïkwïl nyo pö ptangengmöt, mïkuliskökwa nko kinonutkökwa ompö Kristo* Yeso.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 3:16

Akanya kïtöpö orinkwa ngölyonto Kristo kïmïchï. Aneta kegh, arur kegh ompö ngöghomnyö anka tïkwïl. Otumö sölut nko tumwöyi mïkulögh cho kïtumchini Tororöt, ayokyï nyinte sörö.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.

PILEMON 1:4

Werïnyo Pilemon oyokyinan Tororötïnyu söro osoghöy ononinyi kïnomnyö otini omitan.

1 PETRO 5:1

Omökan ye nyu osomöy kïgh poyi kanisen, ani nyo ochï poyon le chane achï söwinto kiwongunöto Kristo* akï nyo oporöy nko nyinte ororyenyi nyo tökengongu asïyech. Osomokwa lö,

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.