PILIPI 4:18 - PIPÏLIA

¹⁸ Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

PILIPI 4:18 ပူးပေါင်းရင်းမြစ်များ

WUWÖT 29:18

aipel makalu kïmïkul ompö ato kïpelo amöros pö ECHOTYON. Nguchinanïn nyu nyo karam.

KIYITUT 15:3

Otötenekwa egh anta kech anta aran le ropöwon nyo kïpelöy anta le amöros nyo kiwalwal chi lö otötoy anta nyo kacham chi ompö mïkulöwunyi nyinte anta nyo pö ichontin cho tïlilöch, le kïgh nyo ngutoy nyo karam ompö ECHOTYON.

IGHISYEWUT 10:4

Kuwagh malaykayantanay kïtöngönchï akuyokyï lö, “Ne kitö nya Echotyon?” Kuyokwï malaykayantanay lö, “Kakïtach Tororöt sowutköku nko ighisyewutköku cho pö pöropchö, akakunaninyi.

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

2 KORINTO 11:8

Kipaghanïn kanisen walaka atanye kyopöghisyewokwa lata nyoni ato kyasaran kanisenichoni tïkukwa atömanyïn angarakakwa.

2 KORINTO 9:12

Ompöwölo, melö ngöroköy ighisyenkwa nyoni karam pich cho kakughan Tororöt opïn, wölo ighöy pich cho chang tïkwïl kïsal Tororöt.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

PILIPI 4:12

Onkïtön rörchin lö kïgh ne, ankïtön tïkwïl chongïn pö tïkwïn. Kyanetan kegh wïngat kïmïchanïn tïkwïn ompö pöroyïn anka tïkwïl, kö ompö pïghyöng anta kömöy, ompö chongïn anta rörchin.

2 TESALONIKE 1:3

Mïchinecha, tupchenicho keyokyine Tororöt sörö kïtenö osis ompö akwa rokonecha kegha lenyoni, ompöwölo mi kighanatenkwa kïyetu nyoman akïmi chomnyenkwa kïtöso ompö pikö walaka.

EPRANIA 13:16

Mowutyeghö oghchï pich nyo karam angarak kegh akwane, ompöwölo amörostin cho lata choni cho chömöy Tororöt.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*