PILIPI 3:19 - PIPÏLIA

¹⁹ Sörömungwa kiwurata, ompöwölo tororötïngwa muyengwa nisonchegho chane arasingwa yonöy kinonutkökwa tïpö ngwïnyinï.

PILIPI 3:19 ပူးပေါင်းရင်းမြစ်များ

TUMWÖY 17:14

Sörwante we, ECHOTYON ompö pich cho le nyingwa ngwïnyinï Tönö chane sitoninö kirorchinyi chane. Nya kïnyorï chane cho mïchini monekwa akïnyorï nko moneko monekwa.

TUMWÖY 52:1

Nkekwolö kegh ghöyityö, nya we nyakananï, nyo keghchï nyo gha pipö Tororöt?

YEREMIA 44:17

nyo kighecha ngalecho lenyini kakïcham. Kïpelchinecha amöros akepighchï kumïn tororötïnyo nyo kighöy Pöytoghinto Yïm nyo le korka le wölo kighöy papotïnecha nko pöytoghï nko kintöghoghï ompö kanastina Yuda nko Yerusalem. Ki wow atoni akikïtïngetecha tïkwïn amökïnyoruchanye nyarïl nyonikïny.

ESEKEL 13:19

Kokonanïkwa arasï ompö piköchan, alïs lö tökenyorunö matay kwïle nko makatin tïkwïte aparakwa pich cho kömïchini kïsöpchö, apïstekwa kïsöpchö cho kötomeghot ompö putintönenkwa.”

ESEKEL 34:3

Omekwa mwowöyi aloköy sïroko kyak cho lölöng, ayengekwa cho okwoghöch, wölo melö okomönekwa kyaki lasiny.

OSEA 4:7

“Kïle wölini changta tïsï, kïtösöy nyoni tagh kwighwanïn ngokï, owöghökan ye nyu ororyengwa kïlïkwï arasï.

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

MIKA 3:5

Lentöy ECHOTYON akwompö werkoy cho lïsöy pikachi. Yomisyini chi kalya, nyo ketö kïgh kwam. Wölo mugho poryot, anka tïkwïl nyo metöninye kïgh nyo kyomöy.

MALAKI 1:12

Wölo osïmnyonekwa kaynenyan otini kosïmnyonökwa ato kïpelo amörosköchan ompöwölo koropkanïkwa ompö atoni omisyö nyo kyasasakwa.

MATAYO 16:23

Kïwaghaka Yeso akïlenchï Petro, “Ngetena tawunyan Onyötonï! Ichinyi tömölin, ompöwölo melö pö kinonutköku Tororöt, pö ptangengmöt!”

MATAYO 25:41

“Atolapay kïlenchï pïchinö mi ewu löt, ‘Apeghena wölo omitan cho kikechïpok, ape olïte mapa kokay nyo kikengotyï Onyöt nko malaykenichi!

LUKA 12:19

Atoni nyu olenchan kegh, pöyösinö kegh aiyomisyö aigheghsyö le wölo kechamta, ompöwölo itïngetenyi tïkwïn cho chang cho karamach cho ghöminyi ompö könyis cho chang.’

LUKA 16:19

“Kimi kitas tagh Yeso kïlenchï pïchay, chi nyo kile sïkön nyo kiloköy sïro cho pö olyot nyo wow tya, akïtöpo atöp nyo pö mökosyö kïtenö osis.

LUKA 18:4

Ompö osis cho te kimöterchïnye kokonay. Wölo ato mi löt kunonchï kegh lö, ‘Kïrkegh kömowöghanye Tororöt amoyonganye pich,

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

1 KORINTO 3:3

Ompöwölo tomitenökwa le pipö ngwïny, ompöwölo ato man lö tökïmi kwenunkwa sastagh nko syala, kïmeporunye nyoni lö tochikwa pipö ngwïnyï? Poru ngalechoni nyo nyoman lö tochikwa pich cho rïpöy ara por amitekwa orïpöy otöptino pich cho pö ngwïnyinï.

1 KORINTO 5:2

Omukekwa nyu okwole kegh lö ne? Nyinö kötö okwolöy kegh, ayona kwenungwo chichini kegh lenyoni.

1 KORINTO 5:6

Melö mïchinokwa okwole kegh! Monkïtökwanye so lö kutu mumar cho le tïkwïte pïsya cho chang cho kïmimïghöy kegho makatin?

2 KORINTO 11:12

Oletan tagh oghöy le nyete oghan ye atömotönön pöroyïn pich cho yöröy pöroyïn nyo kwolöy kegh lö pöghisïyi chane le acha.

2 KORINTO 11:15

Kïlenyona nyu, molenchï kegh kïgh nyo pö töngönchin ato wöghökisyö mötworichi kïlïkwï mötwori man. Nyoru chane ato le söröm kïgh nyo mïchini, kïrïp kegh nko ighisyewutkökwa.

KALATIA 6:13

Ompöwölo melö rïpöy chane kirurutchoni. Petöy tum wölo mököy chane opetekwa tum atökïkwolö kegh macheyunoni mi porwöyikwa.

PILIPI 2:21

Sïngo pat pikö walaka ngalekwa kegh nyinö kötö sïngo ngala Yeso Kristo.

KOLOSAY 3:2

Opïrchinö tya tïkwïn cho mi wölnö le yïm, melö cho mi wölï le ngwïny.

2 TESALONIKE 1:9

Wonguno chane kichopata kong nko kiwurat nyo pö kokay akepesyeghö chane wölo mi Echotyon nko owesyeto ororyenyi,

2 TESALONIKE 2:12

atökurwokyï asïyech Tororöt pich löwïr cho kimeghancha ngala man, ompöwölo kingörekyï chane ngokï.

2 TESALONIKE 2:8

Atolapay kengongwï Mwokïyontononi, wölo ato itï Echotyon Yeso kïtïgho nyinte kimungöteto kutinyi akunyar ompö kwörkwöryeto rumunötenyi.

1 TIMOTEO 6:5

nko chemölö nyo pö ngal cho möngötöy cho pkono pich cho kikïwïryö kinonut, amökïtïngcha ngölyonto man. Lenchini kegh chane keghan Tororöt kï or nyo kïsïko mökosyö.

2 TIMOTEO 3:4

Lïku pich wïchtoghï nko cho möyongöy kïgh nko cho kwolöy kegh nko cho chömöy ngörekyo ngwïny kïsir kïcham Tororöt.

YAKOPO 4:16

Wölo ye konisonchekwa amen akï menöt nyo lata nyoni kï gha.

2 PETRO 2:1

Kïle wölo kichumuna kwenu pich werkoyi putintön ompö osis cho kikuwer, kuchumu lenyoni tïkwïl koneti putintön kwenunkwa. Lepu chane kinetut cho wuröy pich, akï pö putintön, akïtagh Echotyon nyo kisörï chane. Akwompö aranoni kwipchï kegh kiwurat nyo chumchini lö tursïs.

2 PETRO 2:13

akwigh chane kïnyarïl kïrïp kegh nko ghöyityö nyo kigh chane. Ngörekyeto pichoni kï kwigh kulïwu asis kïgh anka tïkwïl nyo pïrchini porwöyikwa. Konokwa chane arasï nko kaynat nyo gha otini mi kwomisïyi nko akwa akïmi kïngörechegho ortïnekwa choni pö lïs!

2 PETRO 2:3

Ompö pïrchintöngwa nyo pö tïkwïn sïkenokwa chane kïgh otini mi kwomwokwa kikorön pö putintön. Wölo kikïtöpö kïpsach nyo kogh Mutinteto ngalekwa akïchïkönöy Kiwurintengwa.

YUDA 1:10

Wölo pïchï kumwoghöy kïgh anka tïkwïl cho möpköchinicha chane. Wongöy chane ngalechaye nkït chane ompö oringwa le ato nkït tïpö wudïn cho mötïngcha chïreryö.

YUDA 1:16

Ngwïrngwïronöy pïchoni kïtenö osis akugheghchini pikö walaka. Pich chane cho rïpöy möchutkökwa cho ghach, menöy lö kïchï pich cho echön, akï lïso kïnamata kegh nko pich ngalekwa cho onyïn, atökïnyorï tïkwïn cho kömököy.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.

NGONGUT 18:7

Kïle wölini kikwol kegh lö ochï wow, akïpagha kegh tïkwïn cho chang, otö nyinte kichopat nko nyarïl nyo wow kïtenö nyoni. Mi nyinte kïmwogho mïkulöwunyi lö, ‘Ochan pöytoghin nyo otöpo ngachar, mochanye mïsïk amönyorwanïnye nyarïl.’

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

1 SAMWEL 2:29

Ompö ne tökïsïrchokwa mu amörostinechan nko ropöwechan cho kökonï piköchan, aikonyïtönyi werköku kïtïlanïn, otinö kapaghekwa kegh kïlanpa amörostin cho kiropkanïn piköchan pö Israel.’