PILIPI 3:14 - PIPÏLIA

¹⁴ Omitan ye nyu orïpöy otöngöy wölo mi kerötenyan, atonyorï ropöwontononi nyo nyoni kuröto Tororöt nyo pö söpon pö parak ompö Kristo Yeso.

PILIPI 3:14 ပူးပေါင်းရင်းမြစ်များ

LUKA 16:16

“Kintöghoghwokwa Kirurut pö Musa nko kikirut pö werkoy ntökïtenö osiswo Yoana Kipatisanin. Kïngeta atoni Lökoy cho Karamach cho pö pöyunöto Tororöt, pöyunöt nyo mi chi anka tïkwïl kïporyot kïlït ompö owesyö.

RUMI 11:29

Ompöwölo möwöghökönye Tororöt konutkachi ompö chi nyo kakïl akusoyön.

1 KORINTO 9:24

Monkïtökwanye so lö ryöghöy pich cho chang cho omöy kanyanyighos ompö tömko pirö, wölo kïrkegh kïryagh tïkwïl, akonga ompö chane nyo nyoru ropöwon?

2 KORINTO 4:17

Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

KOLOSAY 2:18

Makany kurwokwok chi anka tïkwïl nyo ipöy kegh yïm, tya lö ompöwölo könyorï nyinte sïwïyagh nyo sis akïmi kïsïngo wölo kiptoy kegh ngwïny ompö lïs. Lenchini pich asagha malayken. Syolöy kegh chichoni kwïle ompö kinonutkachi cho pö ptangengmöt.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

EPRANIA 3:1

Tupchenicho cho ochï pipö Kristo cho kikurok Tororöt! Anan Yeso, nyo kiyokwï Tororöt akï Tïsin nyo Wow* nyo pö kighanat nyo kïmwotïtoy.

EPRANIA 6:1

Keleta nyu tagh kerïpa kinetut cho kirïr, akepïsï löt kinetut cho pö tagh cho pö kighanatenyo ompö Kristo.* Mömïchinechanye keyokyinö kegh ngat kitoröto ighisyewut pö kighanat ompö Tororöt nko nyo pö kötogh otini töketïngetenöcha ighisyewutköcho cho kipö tagh cho mötïngcha söpon,

1 PETRO 1:13

Kïlenyona, ye nyu mïchinokwa anapa kegh atïpï kïpsach. Otönö kikönötengwo lapay ompö pöropchö nyo konokwa Tororöt asïyech ato kïngongwï Yeso Kristo.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

2 PETRO 1:3

Kikonecha owesyo Tororöt kimuytoghin kïgh anka tïkwïl nyo kïmökecha tökumuka ketïpinö otöp nyo kiwöghöy nyinte ompö otini kinkïtöcha nyinte nyini kikurecha atökepara tïkwïl ororyenyi nko köromnyenyi.

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.