PILIPI 3:10 - PIPÏLIA

¹⁰ Omökan onkïtu Kristo nko owesyo kitutunötenyi agham nko nyinte kiwongunötenyi, atakarakegh nko nyinte ompö meghenyi,

PILIPI 3:10 ပူးပေါင်းရင်းမြစ်များ

YEREMIA 9:23

Lentöy ECHOTYON, “Mekwol kegh chi nyo ngöghom ompö ngöghomnyengu amekwolö kegh chi nyo awes owesyengu anta sïkön ompö sïkönötenyi.

MATAYO 20:23

Kïlenchï Yeso, “Nyoman, omukekwa ogheghone kikompenyan, wölo melö ani nyo okïlchini chi kïtöpö ewunyan nyo pö tagh anta nyo pö löt. Pö woptinechoni kwodeny pich cho kitötyï Paponyan.”

YOANA 10:18

Möminye chi nyo sörenanïn söpontanyu. Otötonan ante ompö machatenyu. Otïngetan owesyö nyo otötoy, atïngetan owesyö nyo ochengo ngat, kimwowanïn Paponyu lenyoni.”

YOANA 17:3

Anyï nyu söpon pö kokay, kenkïtunyi nyo ichï onkït Tororöt pö man, akenkïtï Yeso Kristo* nyo kiyonunyi.

RUMI 8:17

Akwompöwölo kichicha monechi, kenyorunecha kisoyönut löwïr cho rorchini nyinte pikachi, akenyorunecha ngat nko Kristo tïkwïn cho kirorchï Tororöt nyinte. Ompöwölo ato kinyarilecha kong nko Kristo, keghömecha ororyenyi nko nyinte.

RUMI 8:29

Ompöwölo pich cho kinya Tororöt kïkïl kïngeta otini le könyisyok kï kilöwön lö lïku chane cho körökegh woptöngwa atökïkarkegh nko Werïnyi, atömanyïl kïlïkwï nyinte poret nyo kwenu monïngo Tororöt cho chang.

RUMI 8:36

Kïle wölo mwoghöy Kikirut lö, “Kïmitecha körköryo meghat kwimön ompö nyi kikongityonecha nko kechir cho kïpetöy keyengöy.”

2 KORINTO 1:10

Kisörunenecha nyinte meghat akekonecha lö tökïsörwecha nyinte ngat,

2 KORINTO 1:5

Ompöwölo kïle otini töso kiwongunötenyi pö Kristo ompö orincha, kïtösisyot tïkwïl lenyoni soghsowutköcha ompö nyinte.

2 KORINTO 13:4

Ompöwölo, kïrkegh kikïwudochï nyinte kimurtöwon ompö nyörkölelyö, wölo satate nyinte ye ompö owesyo Tororöt. Kïchicha tïkwïl nyörkölölech otini kakïtuyecha nko nyinte, wölo kiporecha owesyo Tororöt ompö söpontanyi otini kakïtuyecha nko akwa.

KALATIA 2:20

Kikïwudochanïn kimurtöwon nko Kristo, wölo ochan ye satate amelö tökwani ngat, wölo Kristo nyo satate ompö orinyan akï söponete otïngetan ye ompö por, otïngetan ompö kighanat nyo ngwïno Wero Tororöt nyo kichamanïn akïkonï söpontanyi ompö ani.

KALATIA 6:17

Owonytonan ye nyu lö, makanya kususanïn chi ngat, ompöwölo poru perutöy cho mi portönyan lö ochan sekeyonto Yeso.

EPESO 4:13

tökïtenö kenyorunö löwïr ghömïchö nyo pö kighanat akonga akenkïtï Wero Tororöt akekilyö töket man pö Kristo.

PILIPI 3:8

Koyitön nyoman, tïkwïn löwïr kïlïkwï tïkwïn cho puryö kinyiwut ato kikongityö nko olyot nyo wow nyo pö kinkïtöto Kristo Yeso Echotyontenyan. Kalastan tïkwïn löwïr ompöwölo nyinte, koyitön tïkuchoni le samï, atömanyïl onyorwan Kristo

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

KOLOSAY 2:13

Kyochikwa pich cho kimeghö ato kile tagh ompö ngokikwa ompöwölo kyochikwa pipö punton cho kimelö kitïng kirurut, pö Tororöt, wölo keghakwa Tororöt ye onyoru söpon nko Kristo. Kilöstowecha Tororöt ngokicho löwïr,

KOLOSAY 3:1

Kïkany ato kyotutukwa nko Kristo,* ayarena kong tïkwïn cho mi yïm, wölini mi Kristo kumpuruno ewu tagh nyo pö Tororöt.

1 PETRO 1:3

Keyokyinö Tororöt sörö, Papoto Echotyontenyo Yeso Kristo! Ompö kisyonötenyi nyo wow, nyo kimuka kïyiyecha yiyöt nyo rel otini kigh nyinte Yeso Kristo kututunö ngwen. Nka nyoni kïgh nyo konecha kikönöt nyo chïchïmate

2 PETRO 1:13

Nyinyan onkït pat angarakakwa mïchinanïn tanana ngalechoni löwïr ato tosöpan.

1 YOANA 2:3

Ato kïrïpacha Kirurut pö Tororöt, kumuko ompö man kinkïtöcha lö ngo nyinte.

1 YOANA 2:5

Wölo anka tïkwïl nyo rïpöy ngölyonto Kristo, kï chi nyo rumuno orinyi lö sïkatat chomnyo Tororöt. Anyï or nyo kinkïtunonecha lasiny lö kakelinyecha nko Tororöt:

NGONGUT 1:18

Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.