PILIPI 2:26 - PIPÏLIA

²⁶ Kikwam emö nyinte akwa löwïr akïmi nyinte kususöy kegh nyoman ompöwölo kyalïmakwa lö kichirate nyinte.

PILIPI 2:26 ပူးပေါင်းရင်းမြစ်များ

2 SAMWEL 13:39

Otini kiwany Daudi kïrir akwompö megha Amnon, kunan werïnyi Apsolom.

2 SAMWEL 24:17

Kïsïwa Daudi malaykayan nyo kipöroy pich, kïlenchï ECHOTYON, “Kaghan ngokï akaghan ghöyityö, wölo ne kitö nyo gha nyo kegh pïchï le pörop? Nya kïlïkwï nyinyan site nko katanyan.”

AYUPU 9:27

Ato olan, ‘Nyowutyeghan ngwïrngwïrönötenyu apuktö tokochu sïngiryö aturön,’

TUMWÖY 69:20

Kenyar sasata mïkulöwunyan nka nyï ye kowongwan. Koyöran kisyonöt, wölo melö konyorwan. Kayaran soghsoghï, wölo monyorwanye.

NGÖTÏNYÖ 12:25

Tungöy chi kisusut cho mi mïkulöwunyi, wölo ighöy ngölyon nyo karam nyinte kïngarak.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

MATAYO 11:28

“Opkonchanïn pich löwïr cho osusöy kegh nko nïkisïntin atomunywok.

MATAYO 26:37

Kumït Petro nko werpö Sepedayo odeny, kïsïch nyinte nyarïl akuwongwï tya,

IGHISYEWUT 21:13

Wölo kuyokwï lö, “Oghekwa ne, toloksone le nyï, arïnganïn mïkulögh? Omitan kïpsach, melö pat keratanïn ompö Yerusalem, wölo ameghan ompö Echotyon Yeso.”

RUMI 1:11

Ompöwölo otïngetan emö nyo wow nko akwa, angwïn ochöghwokwa ropöwo mïkulögh cho muköy kukilokwa.

RUMI 12:15

Ongörekyenö nko pich cho ngöreksot, ariryö nko pich cho riryot.

RUMI 9:2

Nyo pö nyoman otïngetan mïghöt nyo wow nko ngwonïn nyo mewonyotnye ompö mïkulöwunyan,

1 KORINTO 12:26

Nyo ato chir ngichaya akong, kuchirsot ngichayayi tïkwïl. Ato kïsal ngichay akonga, kïngörechot ngichayayichoni löwïr.

2 KORINTO 9:14

Kïlenyona nyu, soghwokwa chane ompö lïmchin nyo mi mïkulöwekwa ori, ompöwölo kikonokwa Tororöt pöropchö nyo sis.

KALATIA 6:2

Okösönchinö kegh akwane nïkisïntinekwo atopuntenö kiruröto Kristo.*

EPESO 3:13

Osomokwa ye nyu lö, makany kïmeghyok mutïnö ompö kiwongunöt nyo otïngetan ompö akwa, ompöwölo pö nyoni ororyenkwa.

PILIPI 1:3

Oyokyinan Tororötïnyu sörö kïnomnyö otini omitan ononokwa,

PILIPI 1:8

Söwintenyan Tororöt lö omwoghan man otini omwoghan lö amatanïn emö nyo wow akwa löwïr nko chomnyogh nyo ngwïno Kristo Yeso.

PILIPI 2:25

Kananan lö mïchini oyokwokwa Epaprodito, werïncha nyo kïpöghisïyecha tïkwïl, akemitecha nko nyinte poryot akï pröyöntekwa nyinte nyo kingarakanïn ompö möchutköchan.

PILIPI 2:27

Kikasate nyinte nyoman, tökirich kïma. Wölo kusyonchï Tororöt nyinte amelö nyinte onkït, wölo kisyonchanïn tïkwïl atömangetan nyarïl ongetyï nyarïl anka nyo wow tya.

PILIPI 4:1

Tupchenichu ochömenokwa kegh nyoman akwomanïn emö akwa. Ochikwa ngörekyengan, achikwa tentenyan nyo pö rïntagh, oghyongö lasiny lenyoni ompö Echotyon!

1 PETRO 1:6

Ongörekyenö ompö ngölyontononi, kïrkegh kötomitenökwa otï le ye lok ompö osis cho ngörï akwompö työmut cho chang cho sisinchö cho onyorukwa.