PILIPI 2:14 - PIPÏLIA

¹⁴ Agha kïgh anka tïkwïl kïpuryö ngwïrngwïronöt anta kimölöto kegh,

PILIPI 2:14 ပူးပေါင်းရင်းမြစ်များ

TUMWÖY 106:25

Kïngwïrngwïroncheghö emenikwa amelö kitökïcham kïlïm kuti ECHOTYON.

NGÖTÏNYÖ 13:10

Ipu menotön poryot kwïle, wölo tïng ngöghomnyö chane cho lïmöy ngal.

KIYITUT 14:27

“Ngwïrngwïronchinanïn mwokïyichï pö pich nko oyï su nya? Kyaghakan ompö ngwïrngwïrönötengwa!

MATAYO 20:11

Kïcheng ropïyenikwa akïngwïrngwïronchï chichay pö par lö,

MARKO 14:5

Kötö kyoltegho mwaghï ropïyen cho tïlöy 300, atolapay keporchï mey!” Kugheghchï kokonay nyoman.

MARKO 9:14

Otini kisor wölo kimito kinetanka walaka, kïsïwa kutwö nyo wow nyo kiwit chane, kïmito koneti kirurut walaka cho kimölomölöy kegh nko kinetanchay.

LUKA 5:30

Kïngwïrngwïronchï, kinetanpa Yeso Parisaytin nko koneti kirurut kïlentöy, “Ompö ne tomisïyekwa agheghsïyi nko kwöghi surï nko mwokïyis?”

IGHISYEWUT 15:2

Kumöl Paulö nko Parnapa kegh nyoman nko chane nyo kogh ompö ngalechoni. Sörömunyi, keyonta Paulö nko Parnapa nko pikö walaka cho pö Antiokia kïpa Yerusalem wölo mi kiyoktoghï nko poy, atökïngalana ngalechoni.

IGHISYEWUT 15:39

Kutorö tiyogh nyo wöw kwenungwa ntökïtenö kïpesyö chane. Kumït Parnapa Marko akïpegha meli kutang Kupro,

IGHISYEWUT 15:7

Kïkany kïteptep kegh nyo kogh, kughyö Petro akïlenchï pïchay, “Tupchenichu onkïtökwa lö kikïlenanïn Tororöt kwenunkwa osis cho chang cho kikuwer owan omchï Lökoy cho Karamach pipö punton, tökumï kïlïm akughan.

IGHISYEWUT 6:1

Akwompö osiswechoni ato kimi kïtösisyot kighönï, kïngwïrngwïronchï pipö Yaudi cho kingölonöy kuti pipö Krik pipö Yaudi walaka, ompöwölo kimayangnye kutö mïsïktinekwa tïkwïn cho kinyoru kinomnyö.

RUMI 12:18

Igha kïgh anka tïkwïl ompö okuntöngu nyo muko ate töpenö nko pich lapay ompö kalya.

RUMI 14:1

Ataka chi nyo nyarkalal ompö kighanat ompö kwenunkwa, amomöl kegh nko nyinte paraku kinonutkachi.

RUMI 16:17

Osomokwa nyoman, tupchenichu lö, oripö kegh pich cho ipu chuniogh akwigh pikö walaka kupïtyö ompö kighanatengwa, nyo kötörïpöy kighanat nyo kikinetakwa. Olowitenö kegh chane,

1 KORINTO 10:10

Amökengwïrngwïronchö le wölo kilïkwï walaka ompö chane kunyar Malaykayanta Meghat.

2 KORINTO 12:20

Owöghan lö töptoy ato atwan wöloni otomwan kyasisitukwa atïpï otöp nyo melö komökan, kwighanïn nyu nyoni asisitwan nko wölo komöktokwa. Owöghan lö töptoy otomunan omitekwa nko syala nko nyonyintön nko nörekyö nko nyïtat nko söngeryö nko chïput nko semsem nko kwolöto kegh nko kiwulyot.

KALATIA 5:15

Wölo ato asïrakwa kegh anyagh kegh le tïpö wudïn akwane nko akwane, orip kegh tömawany kegh akwane nko akwane!

KALATIA 5:26

Mökekwol kegh nyu anta kisus kegh anta kyomchï kegh nyonyintön.

PILIPI 2:3

Magh kïgh anka tïkwïl ompö ma nyo gha anta ompö menöt, wölo ompö rïngata kegh oyitö pikö walaka lö pö tösunöt kïtïlokwa.

1 TESALONIKE 5:13

Okonyïtö chane tya acham chane ompö ighisyengwa nyoni mi chane kwighöy atïpï chï le akwa ompö kalya.

1 TESALONIKE 5:15

Asïwa kegh tömeker chi ompö akwa kukerchï chitö anka ghöyityö ompö ghöyityö, wölo akanya kïlïkwï machatengwo nyo oghchini kegh nyo karam kïtenö osis aghchï pich lapay nyo karam.

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

YAKOPO 1:20

Memukönye chi nyo le nörekin kwigh man le wölo möktoy Tororöt.

YAKOPO 3:14

Wölo ato kinyïghï mïkuliskökwa sastagh, apekwa kegh sikong akïyongöy chi kegh onkït ompö or nyo gha, kïmömïchininye okwolökwa kegh, amïr putintön.

YAKOPO 5:9

Tupchenichu, mongwïrngwïronchï kegh akwane atömerwokwok Tororöt. Anyona nyu kirwokinte, mi kukat, mi kïpsach kwitu.

1 PETRO 3:11

Mïchini kulowitö kegh ghöyityö akwigh cho karamach, mïchini kïmara kong kalya akïpïrpïr ompö mïkulöwunyi kïmïkul.

1 PETRO 4:9

Atach kegh akwane ompö kestonikwo amongwïrngwïronchö.

YUDA 1:16

Ngwïrngwïronöy pïchoni kïtenö osis akugheghchini pikö walaka. Pich chane cho rïpöy möchutkökwa cho ghach, menöy lö kïchï pich cho echön, akï lïso kïnamata kegh nko pich ngalekwa cho onyïn, atökïnyorï tïkwïn cho kömököy.