PILIPI 2:12 - PIPÏLIA

¹² Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,

PILIPI 2:12 ပူးပေါင်းရင်းမြစ်များ

ESRA 10:3

Kïlenyona kyama muma* nko Tororötïnyo lö, kïyonecha koruchï löwïr nko monekwa. Kighecha lenyini kemwaghanyi nko chane cho wöghöy kirurut pö Tororöt akany kegh kïrïp kegh nko kirurutchoni.

TUMWÖY 119:120

Opotönan ompöwölo owöghinyi, awöghan kirurutköku.

TUMWÖY 2:11

Opöghisyechinö ECHOTYON ompö konyït,

NGÖTÏNYÖ 10:16

Töngöy ighisyo chi pö man söpon, kutöngöy cho pö mwokïyis ngokï.

NGÖTÏNYÖ 13:4

Pïrchini kïgh chi nyo le sosö wölo mönyorunye kïgh, wölo pïghyongöy chi nyo kilöy kegh.

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

ISAYA 66:5

Atere nyu chona opotonchot, ateköy ECHOTYON, kïgh nyo mwowokwa nyinte lö, “Wöchokwa pikökwa walaka ompöwölo oghönanïkwa amelö tïngenokwa kïgh chane. Ngemokwa chane kïlentöy, ‘Akanya kuporï ECHOTYON töroryenyi kïsörwokwa atökesïwenacha ato oturönchokwa.’ Wölo chane cho sïköy arasï!

MATAYO 11:12

Kïngeta osiswo Yoana Kipatisanin nko ye, wow ryöpötö nyo könyorï pöyunöto yïm, wölo pich cho köromöch cho chengo kat.

MATAYO 11:29

Akanagha kat mchokinyan, anetenanïn kegh, ompöwölo ochan talase, apan kegh ngwïny, atosïkö kimïny ompö söponwekwo.

IGHISYEWUT 16:29

Kikurtö kepï kitömöwon, kukomchï ori akupïtyï kelyo Paulö nko Sila kïpotönöy ompö kiwaghat.

IGHISYEWUT 9:6

Wölo ngeta wïyö tanga kanasyan, atökemwowun kïgh nyo mïchini ighe.”

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

1 KORINTO 2:3

Kyochan nyarkalal atanye kyomitan nko akwa apotanan ompö otyogh nyo wow.

1 KORINTO 4:14

Melö kakirwakwa ngalechï lö tonyorunökwa arasï, wölo tanetakwa le monechu cho ochömöy.

2 KORINTO 7:15

Nka nyoni mi kïtöso chomnyenyi ompö akwa otini nonöy wölini kyatachtekwa löwïr nyinte ompö kiwaghat nko potanat.

EPESO 6:5

Akwa sekey, ateka echotkökwo ompö kiwaghat nko potanat, apöghisyö ompö kitenata mïkulögh le ato kötopöghisyechinekwa Kristo.*

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

PILIPI 1:29

Ompöwölo kakekonokwa pöropchö nyo opöghisyechini Kristo melö ompö kighanat onkït, wölo ompö kiwongunöt tïkwïl nyo owongunonekwa nyinte.

PILIPI 1:5

ompöwölo kyangarakanïkwa nyoman ompö ara Lökoy cho Karamach kïngeta asisanye pö tagh nko ye.

PILIPI 1:6

Onkïtön nyoman lö puntoy Tororöt nyini kitor pöghisyononi karam ompö orinkwa otinö kamïla Kristo Yeso.

PILIPI 2:19

Okönan lö ato cham Echotyon oyonunan Timoteo kungwïn wöloni ato lekït atökukilanïn mïkulögh lökoyö cho pkono wölo omitekwa.

PILIPI 4:1

Tupchenichu ochömenokwa kegh nyoman akwomanïn emö akwa. Ochikwa ngörekyengan, achikwa tentenyan nyo pö rïntagh, oghyongö lasiny lenyoni ompö Echotyon!

PILIPI 4:15

Akwa pipö Pilipi onkïtunö lasiny lö, ompö kitoröto Lökoy cho Karamach ata kyangetan Makedonia, kï kikanisenikwa opïn cho kingarakanïn. Kimöminye kanise anka nyo kichomnyechï nko ani paraku ropöw cho kïkonu nko cho kitököy, kïpoto akwa.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

2 TIMOTEO 2:10

Nka nyoni ye omitan omïkukönöy ompö ngwonïn anka tïkwïl ompö kinyiwutyo pipö Tororöt cho kikïlöwön, atökumï chane tïkwïl kïnyorï sörunöt ompö Kristo Yeso nyo ipu ororyö nyo pö kokay.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

EPRANIA 4:1

Kïlenyona nyu kewagha, otete tökïmi kiyomisötö nyo kïlïto kimïnytanyi, atömötöp chi anka tïkwïl ompö akwa ntökïrörchï pöroyïn nyo nyoruno kiyomisötononi pö kimïny.

EPRANIA 4:11

Kekilö nyu kegh kelïtö kimungötononi atömötöp ntökïchïnta chi nyonikïny ompö akwa nyo pïstoy kimungötononi le wölo kitagh pïchoni ompöwölo kimötïngcha kighanat.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

1 PETRO 2:11

Oterwante tupchenichu cho ochï to, achï pïnot ompö ngwïnyinï. Mopïsï kuchutok pïrchintino por cho poryot nko mïkulögh.

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.