PILIPI 1:6 - PIPÏLIA

⁶ Onkïtön nyoman lö puntoy Tororöt nyini kitor pöghisyononi karam ompö orinkwa otinö kamïla Kristo Yeso.

PILIPI 1:6 ပူးပေါင်းရင်းမြစ်များ

TUMWÖY 138:8

Ighwaninyi kïgh anka tïkwïl ompö machatengu, pö chomnyengu kokay, we ECHOTYON. Mewutyeghö ighisyewutko moriku. Ompö kintöghoghinto tumï. Tum pö Daudi.

YOANA 6:29

Kuyokyï Yeso chane lö, “Anyï ighisyö nyo möchokwa Tororöt oghe: aghanakwa chichoni kiyokyï nyinte.”

IGHISYEWUT 11:18

Kïkany kïlïm chane ngalechoni, kïsisyö akïsal Tororöt lö, “Nkïchï kikutö Tororöt pipö punton pöroyïn nyo kötegho atökïsöpchö!”

IGHISYEWUT 16:14

Akonga ompö cho kiter lökoyecha kï Lidia nyo kingwïno Tuatira, nyo kile oltoghinto sïro cho kilata akwa reper. Ki korka nyinte nyo kisoghöy Tororöt, kwigh nyu Echotyon mïkulöwunyi kumï kïter akughan ngal cho kimwowu Paulö.

1 KORINTO 1:8

Komönokwa nyinte ntökwit söröm, atömökïsöchokwa lelut ompö Asisoni pö Echotyontenyo Yeso Kristo.

2 KORINTO 1:15

Kyotïngetan man nyo lata nyoni, amachan orutoghwokwa nyo pö tagh atömanyïl onyorukwa kisoyönöt kïnyïl odeny.

2 KORINTO 2:3

Nka nyoni kïyoni kighanïn akirwakwa palalyan melö kyomökan orutowokwa atömosïkenokwa akwa cho kötosïkonan ngörekyö. Ompöwölo otïngetan man lö ongöreksokwa löwïr ato ochan ngarakate tïkwïl.

2 KORINTO 7:16

Ochan ngarakate nyoman, ompöwölo otïngetan kighanat ompö akwa ompö ngölyon anka tïkwïl.

2 KORINTO 9:4

Tömötöp ato angwïnan nko pipö Makedonia kelö momitekwanye kïpsach, kïnyorunecha nyu atoni arasï, ompöwölo kïtighecha kegh akwa tya!

KALATIA 5:10

Otïngetan kikönöt nyo wow ompö akwa ompö Echotyon lö melö ochikwa pich cho otïngetö kinonut cho sis nko chichan. Kïkany chi anka tïkwïl nyo susokwa ato kö ngo anta ngo kuchopöy kong Tororöt nyinte.

EPESO 4:12

Tökumï kwigh pipö Tororöt kï pöghisyö atökïtek por pö Kristo,

PILIPI 1:10

atamuka agha tïkwïn cho karamch alïkwï pich cho tïlilöch cho puryö kigheghchin otinö kamïla Kristo.

PILIPI 1:29

Ompöwölo kakekonokwa pöropchö nyo opöghisyechini Kristo melö ompö kighanat onkït, wölo ompö kiwongunöt tïkwïl nyo owongunonekwa nyinte.

PILIPI 2:12

Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,

PILIPI 2:13

ompöwölo mi Tororöt kïpöghisïyi ompö orinkwa kïnomnyö akïkonokwa owesyö nyo omöko, apunteghö machatenyi nyo karam.

PILIPI 2:16

amitekwa nömöy lasïny ngölyonto söpon. Ato aghakwa lenyoni onyorunan kïgh nyo omuköy okwolö kegh akwa ato itï asispa Kristo, ankïtwan lö melö kyorïpön kwïle amawirnye wuw pöghisyenyan.

KOLOSAY 2:12

Ompöwölo kikïtïpokwa nko Kristo otini kikipatisanakwa! Akwompö kipatisanatanoni, kyotutukwa nko Kristo ompöwölo kyaghanakwa owesyo Tororöt nyo kigh nyinte kututunö ngwen.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

2 TESALONIKE 3:4

Akï nyinte Echotyon nyo kökonecha kikönöt ompö akwa aketïngetecha man ompö Echotyon lö, omitekwa oghöy aletöy tagh orïpöy ngalechay kikïmwowokwa.

PILEMON 1:21

Otïngetan man otini omitan okiröy ngalechï lö, ighenyi lenyini kosominyi ankïtön ompö lö, ighenyi walaka cho tïlöy choni kosomön.

EPRANIA 10:35

Mopïstö nyakanatengwo ompöwölo tïng ropöwon nyo wow.

EPRANIA 12:2

Ketanga wölo mi Yeso, nyinte nyo le kitorinte akï nyinte nyo puntoy kighanatenyo. Kimïkukönö nyinte kimurtöwon akwompö ngörekyö nyo kimi tawunyi. Wölo kimas arasï nyo pö kuwongunöto kimurtöwon, akï mi ye okumpö tagh nyo pö ngacharu paytaghpa Tororöt.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

2 PETRO 3:10

Wölo miru asispa Echotyon le chorin. Weröy yïmöy Asisoni nko kighumöt nyo wow, kiwuro ma tïpö yïm, kïpelöy ngwïny nko tïkwïn löwïr cho mi orinyi.