PILEMON 1:13 - PIPÏLIA

¹³ Kötomökan otöpo nko nyinte kungarakanïn nyinö kötengörokaninyi otï tomitan chela ompö pöghisyo Lökoy cho Karamach.

PILEMON 1:13 ပူးပေါင်းရင်းမြစ်များ

1 KORINTO 16:17

Ochan ngarakate nyoman ompöwölo kipka ompö Stepana nko Portunato nko Akayko. Kïpka kunyïghit chane rartagh nyo kimi ompöwölo kimomitekwanye.

EPESO 3:1

Nka nyï ochan ani Paulö, ratana Kristo* Yeso ompö parakunkwa, pipö punton.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

PILIPI 1:7

Nka nyï ononokwa lapay osis tïkwïl ompöwölo omitekwa mïkulöwunyan. Ompöwölo kïghömtonecha nko akwa pöropcho Tororöt otete le ye omitan chela nko atanye kimochanye ratate ataghet apintit Lökoy cho Karamach.

PILIPI 2:30

ompöwölo kikachakïn nyinte söpontanyi ket akwompö pöghisyo Kristo, atökumï kïkonanïn kingarakat nyo kimomukekwanye chï le akwa.

PILEMON 1:1

Ani Paulö nyo omi chela ompö pöghisyo Kristo* Yeso nyo kakir palalyantanï nko werïnyo Timoteo. Ompö kongencha Pilemon nyo kïpöghisïyi tïkwïl,

PILEMON 1:10

Kïlenyona, osominyi kingörokut ompö Onesimo nyo le werïnyan ompö Kristo, ompöwölo kyalïkwan kwanta ompö ara mïkulögh omitan chela.

PILEMON 1:12

Koyokwan ye nyinte kïmïla wöloni imitenyi, wölo mi nyinte mïkulöwunyan.