PILEMON 1:1 - PIPÏLIA

¹ Ani Paulö nyo omi chela ompö pöghisyo Kristo* Yeso nyo kakir palalyantanï nko werïnyo Timoteo. Ompö kongencha Pilemon nyo kïpöghisïyi tïkwïl,

PILEMON 1:1 ပူးပေါင်းရင်းမြစ်များ

IGHISYEWUT 16:1

Kïrutö Paulö kutang Derpe nko Lustra wölo kimi kighönintö nyo kikuro Timoteo. Ki chi pö Yaudi kame akï nyo kikughan Kristo,* wölo ki chi pö Krik kwanta.

1 KORINTO 3:9

Ompöwölo kïpöghisyechinecha Tororöt tïkwïl. Ochikwa para Tororöt achï konyi.

2 KORINTO 1:1

Kakirwan palalyantanï ante Paulö kiyoktoghinto* Kristo* Yeso ompö machata Tororöt nko tupchenyo Timoteo. Kikirchinecha palalyantanete akwa cho ochï kanisa Tororöt nyo mi Korinto nko pipö Tororöt cho mi Akaya kïmïkul.

KALATIA 3:26

Kalïkukwa löwïr monïngo Tororöt ompö kighanat otini kotuyekwa nko Kristo Yeso.

EPESO 3:1

Nka nyï ochan ani Paulö, ratana Kristo* Yeso ompö parakunkwa, pipö punton.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 6:20

Ompöwölo alatan chi nyo ghyongchini ngaleko korenyi ompö kore anka, ompö Lökoy cho Karamach kïrkegh ochan ratate. Osoghwante atamuk angalan ompö nyakanat le otini mïchinanïn alïkwï.

PILIPI 1:1

Kakirwan palalyantanï ante Paulö nko Timoteo cho kïchï mötwori Kristo* Yeso. Kikirchinecha pipö Tororöt löwïr cho mi Pilipi, cho kiketuyö nko Kristo Yeso nko pich cho ntöghoghchini kanisa nko cho ngörokisïyi.

PILIPI 2:25

Kananan lö mïchini oyokwokwa Epaprodito, werïncha nyo kïpöghisïyecha tïkwïl, akemitecha nko nyinte poryot akï pröyöntekwa nyinte nyo kingarakanïn ompö möchutköchan.

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

KOLOSAY 1:1

Kakiran palalyantani ante Paulö nyo ochï kiyoktoghinto* Kristo* Yeso ompö machata Tororöt nko werïnyo Timoteo.

KOLOSAY 4:11

Ketakwesakwa tïkwïl Yoswö nyo kïkuro ompö kayne anka Yusto. Pïchoni le sömök opïn ompö pipö Yaudi cho kikughan Echotyon, cho kighecha tïkwïl pöghisyo Pöyunöto Tororöt akikungarakanïn chane nyoman.

1 TESALONIKE 3:2

keyonucha wölo omitekwa werïncha Timoteo nyo kïpöghisïyi nko acha kwomtoy Lökoy cho Karamach cho pö Kristo,* kungwïn kukilokwa akïcherakwa ompö kighanatengwo

2 TESALONIKE 1:1

Kakirwan palalyantanï ante Paulö nko Silpano nko Timoteo. Kikirchinecha kanisa Tesalonike cho chane kï piko Paponyo Tororöt akï Echotyon Yeso Kristo.

2 TIMOTEO 1:8

Kïlenyona melalïyan isöwintönchï Echotyontenyo, amelalïyan ompö ani nyo kikïtorchon chela ompö parakunyi. Wölo chengchinö kegh kareran nyo pö kiwongunöt ompö amtagh pö Lökoy cho Karamach, kïle wölini koninyi Tororöt owesyö.

PILEMON 1:23

Ketakwesakwa Epapra nyo mi chela nko ani ompö Kristo Yeso.

PILEMON 1:24

Ketokwesï pich cho kïpöghisïyecha tïkwïl, ompö Marko, Aristarko nko Dema nko Luka.

PILEMON 1:9

Wölo ompö chomnyogh, kasïwan lö mïchini osominyi lö ighwante kïyoni. Kosomön lenyoni kïrkegh kochan ante Paulö, ngöloninto Kristo Yeso akï nyo omi ye chela akwompö parakunyi.