OSEA 9:3 - PIPÏLIA

³ Melö dongöy chane koro ECHOTYON mïlïsyot pipö Epraim Misri akwam omisyewut cho le sïmnyon ompö Asirya.

OSEA 9:3 ပူးပေါင်းရင်းမြစ်များ

1 PÖYTOGHÏ 9:7

ochenonan nyu Israel koronini kyotönön chane. Atolapay apakadan köyete kyotïlilön kïlïkwï ato kïsoghenanïn. Kïchïpotegho nyu Israel koros löwïr.

2 PÖYTOGHÏ 17:6

Kïnam pöytoghinto Asirya kanasyanta Samaria ompö könyi mut nko angwan nyo pö paytaghpa Osyea akïrang pipö Israel kïpa chela ompö koro Asirya akïpïsyï walaka kïmang kanasyanta Ala, kïmang walaka atolekïtö lalwa Apor nyo mi koro Kosan, kutö walaka kïmang kanastina pipö Mede.

YEREMIA 16:18

Otökan chane kïnyorï ngwonïn kïnyïl odeny ompö ngokï nko lelutkökwa cho kesïmnyon korenyan kïghaghit otï kenyïghit tororötino putintön cho mötïng söpon, karkegh nko muntïruch.”

YEREMIA 2:7

Kyamïtakwa kor nyo akwagh tongörökyinö akwechi nko tïkuchi walaka cho karamach. Wölo nyini kyatakwa anyarakwa korenyan, asïmnyonökwa kore nyini kyoyomiswokwa.

LOK 5:6

Kakïpecha kekïtïngchï pipö Misri nko Asirya akesom kïkonech omisyö tökesöpchenö.

ESEKEL 4:13

Kïlenyona kïlö ECHOTYON, “Omöy nyu pipö Israel makatinekwa cho le sïmnyon ompö koro pipö punton wölni kyopön chane.”

DANIEL 1:8

Wölo kunan Daniel lö melö mïchini kusïmnyon kegh ompö omisyewut cho le kïlan cho pö ka pöytoghin anta dipayka, kïlenyona kïtep Aspenas kungarak nyinte atömesïmnyon kegh.

OSEA 11:11

Pkonöy ompö ngörekyö le törit cho pkono Misri, le cheptuken cho pkono koro Asirya. Oyokyinan nyu chane kïpa kestonikwa ngat. Mwoghöy ECHOTYON.

OSEA 11:5

Mïlisyot chane kutöngöy Misri tökïpayta pöytoghinto Asirya chane ompöwölo kitagh kïkötö

OSEA 7:11

Lata Israel cheptukö nyo le sölwö nyo menkït kïgh, rïpchini Misri kïsomöy kingörokut, akï kite ngat kïsor Asirya!

OSEA 7:16

Tökïpechini Paal* nyo melö kïgh. Lenye chane kïwang nyo kitwolö. Meghsot kintöghoghikwa ompö chok ompöwölo ngölonöy ompö menotön. Kïlenyona sösöy chane pipö Misri.”

OSEA 8:13

Chömöy kutötoy amörostin, atökwam nyu panye, wölo melö tökïngörökyini ECHOTYON chane. Nonöy ye nyu nyinte ngokikwa akutö sitöt, mïlisyot akïlïkwï sekey ompö Misri.

OSEA 9:6

Kïrkegh operteghena kiwurat nyo pïnï, supokwa Misri akïtïpchikwa Mempis. Omöy wuw kaplawachitinekwa cho pö silpa akulum emenikwa kato.

LAWIN 18:28

Ato osïmnyonökwa koronï kïtöghokwa le nyay kitagh pipö puntonichï kimi koronï.

LAWIN 20:22

“Kïlenyona orip kirurutköchan nko ngalechan löwïr atömötaghak koronï omïtyinokwa.

LAWIN 25:23

“Moltonye chi kor kokay, ompöwölo nyinyan kore. Ochikwa to achï pïnot.

AMOS 7:17

Kïlenyona lentöy ECHOTYON lïku korkengu chepkartayan ompö kanasyan akepöröy moneku lömïs werko nko tipi. Akechaghachagh korengu kïpöyit pich walaka. Imeghonyi nyinte kor nyo le sïmnyon, petöy nyu pipö Israel pïnotön ompö koronï nyo mötïny.”

MIKA 2:10

Angeta apechï kegh! Melö tökïmi wölo kimungo yi, kikunyara koronï ompö sïmnyontön, akikïwïr kemötö.

IGHISYEWUT 10:14

Wölo kïlö Petro, “Ewo, Echotyon. Tomönye aman kïgh anka tïkwïl nyo kïkïröy anta nyo le sïmnyon.”

KINONO KIRURUT 28:63

Lïku le atanye kingarak ECHOTYON ompö akwa atanye kighwokwa nyinte nyo karam akïtasakwa achangituna, kïngörököy lenyoni tïkwïl otini wonyokwa akwighakwa opotyenö. Atolapay kengetenakwa koronini opetekwa ochengöy.

KINONO KIRURUT 28:68

Yodonokwa ECHOTYON koro Misri ngat ompö melin, kïrkegh kimwowokwa lö, ‘Melö topetekwa wölini ngat.’ Opetekwa olchini kegh punkökwo ompö wöloni atalïkuna sekeyikwa, wölo puryö chi nyo mököy kwolokwa.”

KINONO KIRURUT 4:26

Okuran yïm nko ngwïny kïlïkwï söwikwa asisete, nyo ato otöpikwa ntapeny ngalechan, owonyokwa lömïs ompö koronete oghchinonekwa lalwa Yordan atachenga. Motïpïyokwanye wöloni osis cho chang, wölo kiwonyokwa lömïs.

YOSWÖ 23:15

Kipuntö ECHOTYON Tororötïnkwa tïkwïn löwïr cho karamach cho kiyomiswokwa nyinte. Ato apenyakwa muma* ECHOTYON Tororötïnkwa nyo kyamakwa tïkwïl, apöghisyechï tororötin walaka asagh, kwipkokwa nyu nyinte tïkwïl tïkwïn löwïr cho ghach, ntökïtenö owonyenökwa lömïs ompö koronï karam kikonokwa nyinte.”