OSEA 9:10 - PIPÏLIA

¹⁰ Lentöy ECHOTYON, otini kyasïwan pipö Israel nyo tagh, kilenye ato kïnyorchï sapipun surkwen otini kyasïwan papotïnekwa kilenye makany cho keyin nyo pö tagh wölo nyini kipa Paal Meor kutïlichï kegh Paal* le kïgh nyo chomöy chane.

OSEA 9:10 ပူးပေါင်းရင်းမြစ်များ

1 PÖYTOGHÏ 16:31

Melö kimïchï nyinte ngokï cho teno cho kigh Yeropoam, wölo kilet tagh kwip Yesepel chepö Etpaal pöytoghinto Sidon akïsagh Paal.*

2 PÖYTOGHÏ 17:11

akïpel köröstin ompö wölo kïsogho körkeyïntin kïrïp kegh nko otöptino pïchoni kiyona ECHOTYON tawungwa. Kigh chane ECHOTYON kïnarek ompö otöptinekwa cho ghach,

TUMWÖY 115:8

Chane cho kitang kïkarkegh nko tïkuchoni kigh lenye nyoni tïkwïl cho twoytoy kegh tïkuchoni.

TUMWÖY 81:12

Opïstan nyu chane kïrïp tighintöno mïkulöwekwa, atökwigh kïgh anka tïkwïl nyo kacham chane.

TUM PÖ TUMWÖY 3:6

Ne kitö nyinö pusuno surkwen, nyï karkegh nko pchöri ighöt nyo ngutoy mankoy cho kakïpel cho onyïn, pïsya pauden löwïr cho oltoy mïnchïrïs?

ISAYA 28:4

Kikongityot ororyononi silönöy pö kintöghoghichoni le menot nko akwa makany cho le poretay, cho kiwokyini kyomöy lawel otini katodogh nyo pö tagh.

YEREMIA 11:13

Wechï chang tororötineku we Yuda! Teno kanastineku, akikïtekyï pipö Yerusalem wölo kïpelchini amörostin körkeyïnay töghanïn kisön kïkuro Paal* ompö or anka tïkwïl.

YEREMIA 24:2

Kimi makany cho kirïr nyo karam köröpe akonga, kïmi cho ghach akï cho memukönye chi kwam köröpe nyinö anka.

YEREMIA 3:24

“Kïngeta kechicha mïnkech nko ye, kiwangenecha tïkwïn cho kipïswecha papotïnecho ngölyontonï pö arasï. Kiwangenecha kyak nko monïng cho le wor nko tipïn.

YEREMIA 3:25

Kïlenyona mïchinecha kewirchinö kegh ngwïny ompö arasnï kanamecha. Nya kulumecha kiratatenyo ompöwölo, kïngeta kechicha mïnkech, kikighchicha nko papotïnecha ngokï ECHOTYON Tororötïncha, atökeghchinecha nko ompö nyete le ye. Melö ompö kitöketeracha kuti ECHOTYON Tororötïncha.”

YEREMIA 31:2

Lentöy ECHOTYON, “Kyosyonchan pich cho kichïwïtyeghö meghat ompö surkwen. Ato kiyöröy Israel kimïny,

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

ESEKEL 20:8

Wölo kitaghanïn chane nyoman, amöterwanïcha kokay, amelö kipïstö tïkuchï chi ghach kirosöy konyikwa, amopïstöcha körkeyïntino Misri. Kyanarekan nyoman alan porchinö nörekyengu kïchamcham ompö koro Misri.

OSEA 11:1

Kyachaman Israel otini kile monïng, akurön nyinte kungwïna Misri.

OSEA 13:5

Ani nyo kyakamaninyi ompö surkwen koro asis kwïle.

OSEA 2:15

Atolapay oyokyan nyu parenichi pö sapipun, aghan mpöghoghyo Kömpölelyö kïlïkwï kuka kikönöt. Rïpotonanïn nyinte le atanye kitökïle mïrar, le atakinye kingetunö koro Misri.

OSEA 4:14

Momunganye tipikwa ato igh cheporesnan anta mïrorkökwa ato igh cheporesnan, ompöwölo kamastekwa mïrön arïpata kor cho le cheporestin agham nko chane aropchï amörostin tororötinekwa. Akï pkonöy pich cho mötïngcha pköchin kuwonsot.

OSEA 4:18

Otini kigha kumïn akïtömesyö, kwighata cheporesnan akïchama kegh arasï kïtïl konyït.

AMOS 4:5

Aroptena ropöwo sörö cho pö makatin cho kakitö mumar, akwol kegh amwatïta kelïm lö, karoptekwa ompö konunöto kegh, ompöwölo ochömekwa oghe lenyoni, akwa pipö Israel! Mwoghöy Echotyon TORORÖT.

MIKA 7:1

Ochech nyo kangwïn lö sïpapa amonyorï akwa cho kingotyï ket anta sapipun cho ororotö. Kikuror köny chepökörot kikepït makany cho kotö omöy akwe cho pïrchini muyenyan.

KIYITUT 15:39

Atö kilïku sowowchoni kinonut ompö akwa. Otini kasïwekwa ananakwa ngalechan akonyït, tömarïpakwa kinonut pö mïkuliskökwo nko pïrchin pö konyikwo.

KIYITUT 18:13

Chikwa löwïr, chi tïkwïl nyo tïlil ompö akwa kwomöy.

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

KINONO KIRURUT 32:10

“Kinyorchï nyinte chane surkwen, wölo tïryal akï pö otyogh. Kïrïp chane akïkaman, le kontanyi nyini tuw.

KINONO KIRURUT 32:17

Kipelchï chane amörostin tororötin cho möle, tororötin cho kimenkïtcha chane tororötin cho sis cho kimökonyïtcha kukötinekwa.

KINONO KIRURUT 4:3

Kyasïwekwa akwane kïyanye kigh ECHOTYON ompö kutïng pö Peor. Kipar nyinte chi anka tïkwïl nyo kisagha Paal* atoni.

KIRWOKÏ 6:32

Kïlenyona kekurö Kidyon asisoni, “Yerupaal,” ompöwölo kilö Yoas, “Akanya kïghet kegh Paal, ompöwölo kerultö Kidyon ato kïpelo amörosechi.”