OSEA 9:1 - PIPÏLIA

¹ Mengarak kör we Israel amoturonchö le punton walaka ompöwölo kyalïkukwa kalomak otinö kopïstekwa Tororötïngwo kyongörekyikwa ropïyeni chepkartanan cho pö wölay kïtïgho pagh.

OSEA 9:1 ပူးပေါင်းရင်းမြစ်များ

TUMWÖY 73:27

Kinyoröy pich cho lowöch nko nyi nyo mötïny. Iwongenyi pich löwïr cho wökinyi.

ISAYA 17:11

Kïrkegh kaghya akïwirta tapïkay asiswanini kakatkatakwa, wölo monyorunekwanye pagh cho okösöy. Poto kömpölelyö nko nyarïl nyo ngwan.

YEREMIA 2:19

Ichömchömenyi ompö ngokiku kegh akurwokyininyi penyatengu. Mïchini nkïtunö lö gha nyoman ato ipïstaninyi nyo ochï ECHOTYON Tororötïngu amökïminye oringu kiwaghata ECHOTYON. Mwoghöy Echotyon TORORÖT Kimuktoghin.

YEREMIA 2:20

“Kogh ato kirïnganyi mïchokineku aichoghchinyi sïrïmtine wölo low, ailenchaninyi, ‘Melö topöghisyewunyi.’ Kisaghanyi tororötine walaka ompö kutïng anka tïkwïl nyo kogh, aikïtïngchinyi ompö rurwo ket anka tïkwïl nyo nyaril le chi nyo le cheporesyan.

YEREMIA 44:17

nyo kighecha ngalecho lenyini kakïcham. Kïpelchinecha amöros akepighchï kumïn tororötïnyo nyo kighöy Pöytoghinto Yïm nyo le korka le wölo kighöy papotïnecha nko pöytoghï nko kintöghoghï ompö kanastina Yuda nko Yerusalem. Ki wow atoni akikïtïngetecha tïkwïn amökïnyoruchanye nyarïl nyonikïny.

LOK 4:21

Akwa pipö Edom nko cho pö Us cho owökecha! Ne mongörekyö, aturonchö nya? Wölo tomönye kite itwokwa tïkwïl nörekyo ECHOTYON nyo metukokwanye! Otömesyokwa, achïr sïro apa kïchïrutöch ompö arasï!

ESEKEL 16:15

“ ‘Wölo kikwolenyi kegh pïchighyengu nko kinkïtötengu ailïkunyi cheporesyan.

ESEKEL 16:30

Kilö Echotyon TORORÖT, “Kïchï nyi nyï kegh cheporesnan nyo metïng ompö arasï.

ESEKEL 20:32

Meghonye kïyï mi mötöwekwa, olentekwa, ‘Nya tökelïkuna le pipö punton cho soghöy körkeyïntin cho kakigha ket nko koghïn.’

ESEKEL 21:10

Kakïlit tökepörisyeghö, akesït kuryal. Mi nyu so ngörekyö atoni? Ompöwölo kasas piköchan kiruröt nko sitöt.

OSEA 10:5

Mïghyot pipö Samaria ompö körkeyïn pö mogh Pet Apen. Riryot pikachi ompö moghoni, akiriryot tïkwïl tïsï cho kopöghisyeghchini ompöwölo kiweghö moghoni ororyö.

OSEA 2:12

Onyoran akweko sapipunechi nko keti cho kimwa nyinte lö, “Achï ropöwechan cho kökonanïn chamankachu,” ompöwölo kapaghan chane, owöghökan nyu kïlïkwï wuw atökwam tïpö wudïn.

OSEA 4:12

Tepöy piköchan ket nyo kakipat kiporunöt! Kuporchï nyu lïkïp kïgh nyo mököy chane! Ighöy lenyoni ompöwölo kip chane mïkulöwu cheporesnan kïmasta, kïpa nyu chane kwigh cheporesnan akïpïstö Tororötïngwa.

OSEA 5:4

Karkarta ngokï pich tömömïlonchï Tororötïngwa, ompöwölo mi oringwa mïkulöwu alomi amenkïtcha chane ECHOTYON.

OSEA 5:7

Kilïs chane ECHOTYON, ompöwölo kisïch monïng cho pö sany cho melö tïngö kïgh ECHOTYON kïlenyona wonyot chane lömïs ompö relïn pö arawa.

AMOS 3:2

“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”

AMOS 4:5

Aroptena ropöwo sörö cho pö makatin cho kakitö mumar, akwol kegh amwatïta kelïm lö, karoptekwa ompö konunöto kegh, ompöwölo ochömekwa oghe lenyoni, akwa pipö Israel! Mwoghöy Echotyon TORORÖT.

AMOS 6:13

Kongörechekwa otï kaparakwa kanasyanta Lo Depar, okwolökwa kegh lö kïchicha owesöch cho kakïnam Karnaim.

AMOS 8:10

Oghan ichontinekwa kïlïkwï rira, kïlïkwï tumwöyikwa löwïr lok. Oghokwa alaka sarankwachtin, angwïl mötöw, le pich cho lokyini megha monïng le akonga kïpoto, akï ngwonitu nyarïl asisoni lakat.

YAKOPO 4:16

Wölo ye konisonchekwa amen akï menöt nyo lata nyoni kï gha.

YAKOPO 5:1

Oterwante pich cho ochï sïkon! Oriryö, alokyö ompö nyörilwok cho itwokwa!