OSEA 8:14 - PIPÏLIA

¹⁴ “Ompöwölo kikïwityeghö pipö Israel ighintengwa, akïtekyï kegh korïn echön. Kïtek Yuda kanastin cho chang akuyokir nyoman, wölo oyokyinan ma kanastinechi, nyo pelöy kuwonyö wölona tigho kegh.”

OSEA 8:14 ပူးပေါင်းရင်းမြစ်များ

1 PÖYTOGHÏ 12:31

Kïwechï tïkwïl Yeropoam kïtek wölo kïsogho wölo le kutïngkot akïkïl tïsï ompö ortïn walaka cho melö pö ara Lawi.

1 PÖYTOGHÏ 16:31

Melö kimïchï nyinte ngokï cho teno cho kigh Yeropoam, wölo kilet tagh kwip Yesepel chepö Etpaal pöytoghinto Sidon akïsagh Paal.*

2 PÖYTOGHÏ 18:13

Kupokyï Senakerip pöytoghinto Asirya kanastina Yuda löwïr cho kikïtekyï nöyet akïrïnta ompö könyi taman nko angwan nyo pö paytaghpa Esekia.

2 OTÖPTINO OSIS 26:10

Kïtek teksyewutkö walak cho koghöch surkwen, akïpal kori pöghon cho chang ompöwölo kitïng kyak cho chang cho kyoketïyi komos pö Syepela nko wölo le tömköy. Kitïng ngorï cho kiripöy keti sapipun ompö komos nko ompöwölo le tömkö akï akwagh, ompöwölo kichömöy ngorsyö nyoman.

2 OTÖPTINO OSIS 27:4

Kitek kanastin koro Yuda wölo le komos, akïtek wudin korïn cho kisyepisyegho nko cho koghöch cho kïmörörisyegho.

TUMWÖY 106:21

Kiwutyeghö Tororöt nyo kisöru chane, ompö töngönchin cho kigha koro Misri.

TUMWÖY 95:6

Apkana kengïrukisyenö akesagh nyinte, kekïtïngenö tawu ECHOTYON Ighintenyo!

ISAYA 17:10

Kowutyeghekwa, pipö Israel, Tororöt nyo sörwokwa akïkartakwa le ghat nyo wow, apekwa akatkat ket atasagha tororötin cho sis.

ISAYA 29:23

Ompöwölo otini kasïwekwa monïng cho okonokwa, onkïtukwa nyu lö ochan Tororöt pö Israel nyo Tïlil. Okonyïtanïkwa, atïlil kaynatenyan.

ISAYA 42:13

Setöy ECHOTYON lïk le nyakan omöy sirmoy le chi, le atay chïlöy kegh pich. Kutöy nyinte kontï nyo kurchini pich poryot. Ighchini pungkachi ngal cho echön.

ISAYA 42:25

Nka nyoni kimungenecha sïngiryenyi, akwighecha kewongunenö owesyo poryot. Kimïlchï koro Israel kïmïkul nörekyenyi nyo nöghöy le ma, wölo melö kipköchecha lö ne nyo kigha amenetechanye ngölyontononi kïgh nyonikïny.

ISAYA 43:21

Piköchan chane cho kyaghan akïlchan kegh, tökïtumwanïn chane sölut!”

ISAYA 9:10

“Körulyö korichay pö mataparen, wölo kïtekocha korichoni koghïn cho kikipat. Kakïtör pïrompïris pö makany, wölo kikerenecha pïrompïris pö tarakit.”

ISAYA 9:9

Nkïtu chi anka tïkwïl nyo pö Israel nyo möngöy kanasyanta Samaria lö kegh nyinte kïyoni. Kwolöy kegh chane otï le ye akïmen lö,

YEREMIA 17:27

Wölo atomateranïkwanye, amokönyït asispa Sapato kïlïkwï nyo tïlil, amokïr akasan tïkwïn kïlïtöy kukoti Yerusalem asisoni, opelan kukoti Yerusalem. Nöghsot tïkwïl kori Yerusalem cho ororöch ompö ma nyo memukönye chi kumis.”

YEREMIA 2:32

Ayo, muköy so työ kïwutyeghö karichi cho mino kegh, anta muköy mïraru kensyö kïwutyeghö sïrokachi? Wölo kiwutyeghanïn piköchan ompö osis cho meyitisyocha.

YEREMIA 23:27

Mököy chane ompö kirwotïtoghtinekwa choni kïwutyeghanïn piköchan le wölo kiwutyeghanïn papotïnekwa kïpa kïsagh Paal.

YEREMIA 3:21

Kakïlïma kiteghat kutïngkot parak. Mi pipö Israel kïriryot akïsönönsot, ompöwölo kikïtosonchö ompö ortïnekwa, akiwutyeghö ECHOTYON Tororötïngwa.

YEREMIA 5:17

Omöy paghekwa cho kolökwa nko omisye lömïs, pöröy monekwa, tipïn nko werkö, akïyeng kyakikwa akwam. Wuröy sapipunekwa nko ketikwa walaka cho pö akwa. Wuröy kanastinekwa cho wokote cho otighokwa kegh, wuro karikwa cho pö lïk.”

ESEKEL 23:35

“Kïlenyona lentöy Echotyon TORORÖT, ominyi pïrchintöngu nko chepkartananengu ompöwölo kiwutyeghaninyi aipörtochï patagh.”

OSEA 13:6

Wölo nyini kyomisyö kïpïghyö, kutor kïmen akïwutyeghanïn.

OSEA 2:13

Ochopan kong nyinte ompö osis cho ropchini Paal amörostin akïmina kegh karïn yitïn cho pïchighöch akïwö kïrïpata chamankachi, akïwutyeghenanïn, mwoghöy ECHOTYON.

OSEA 4:6

Kikuwongwï piköchan ompöwölo menkïtcha kïgh, ompöwölo kataghakwa chïreryö, kïlenyona otöghokwa tïkwïl. Melö tochikwa tïsichan ngat, ompöwölo kowutyeghekwa kiyomisut pö Tororötïngwo, kïlenyona owutyeghonan tïkwïl monekwa.

AMOS 1:10

Kïlenyona oyokyinan ma nayatu Tiro kïnagh wölo kwolo kegh löwïr.” Edom

AMOS 1:12

Kïlenyona oyokyinan ma Teman tökïpel nïyetwo Posra lökïr.” Amon

AMOS 1:14

Kïlenyona otorenan ma nayatu Rapa, atökïnagh wölo ghupo kegh. Kïlïmöy asisoni rira nyo pö poryot, ngwonitu porye le köromnyo chepkiriri.

AMOS 1:4

Kïlenyona oyokyinan ka pöytoghin Asael kuwany nïyet pö Pen Adad.

AMOS 2:5

Kïlenyona oyokyinan ma Yuda tökuwany nïyet pö Yerusalem.”

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

KINONO KIRURUT 32:18

Kïwutyeghö chane Ghatyengwa, Tororöt nyo kigh chane. Tororöt nyo kitö chane söpon.