OSEA 7:2 - PIPÏLIA

² Wölo melö pköchini chane lö ononan pöghisyewut löwïr cho ghach, kisat chane ngokikwa onkïtön nyoman.”

OSEA 7:2 ပူးပေါင်းရင်းမြစ်များ

AYUPU 34:21

“Ompöwölo rosöy konyichi ortïna chi akïsïwïyi pantanyi kïmïkul.

TUMWÖY 10:11

Lentöy mwokïyon ompö mïkulöwunyi, “Kikïwutyeghö Tororöt, keyen nyinte tokochunyi amelö sïwïyanïn!”

TUMWÖY 25:7

Menan, we ECHOTYON, ngokichan nko penyatenyan cho kipö chumwaknan. Inanante ompö chomnyengu nyo pö kokay ompö köromnyengu, we ECHOTYON!

TUMWÖY 50:22

“Anana lasiny ngölyontonï, akwa löwïr cho otöghöy Tororöt, wölo atomaghakwanye lenyoni, owonsokwa lömïs amelö mi chi nyo sörwokwa.

TUMWÖY 9:16

Kinkït ECHOTYON ompö mantanyi, kanam nyinte wökï ompö ighisyewutko ewunekwa.

TUMWÖY 90:8

Kekörkorchinyi ghöyïntöncha tawungu, aisïwïyenyi ngokicha cho wïngote.

ISAYA 1:3

Nkït tïch chi nyo pö akunkït sïkïryö pidangwa, wölo menkïtnye kïgh Israel, möpköchininye kïgh piköchan.”

ISAYA 26:16

Kinyarilanyi piköku kong, we ECHOTYON kïsaghinyi chane otini kimi chane kiwongunöt.

ISAYA 44:19

Mötïngnye sïkunöt chi nyo ighöy körkeyïn nyo muköy kunkïtu lö, “Kanaghan kwente kareran, agha omisyenyu, apela panyechu, atolapay aman. Atolapay aghan kwente nyinö körkeyïn nyo kïsoghöy. Anyï ye omitan okïtïnchini ketï kikipat!”

ISAYA 5:12

Pöghisyegho ompö okortinekwa, pïkantis nko pkurerun nko kumïn. Wölo menkïtcha kïgh nyo ighöy ECHOTYON anta sïwa ighisyewutko ewunechi.

YEREMIA 14:10

Lentöy ECHOTYON ompö pïchete, “Wechï chömo kegh pïchete kïpegho wölo omitan, menkïtcha kïrip kegh. Kïlenyona mochömanye chane. Ononan ghöyïntöngwa, amungön chane ompö ngokikwa.”

YEREMIA 16:17

Ompöwölo osïwïyan kïgh anka tïkwïl nyo ighöy chane. Puryö kïgh nyo wïngate ompö tawunyan.

YEREMIA 17:1

“Kikikira ngoki pipö Yuda kalamu karïn, akekira koghpa almasi nyo ngatip kekirchï mïkuliskökwa, akekirchï luchtina atay kïpelo amörostinekwa.

YEREMIA 2:19

Ichömchömenyi ompö ngokiku kegh akurwokyininyi penyatengu. Mïchini nkïtunö lö gha nyoman ato ipïstaninyi nyo ochï ECHOTYON Tororötïngu amökïminye oringu kiwaghata ECHOTYON. Mwoghöy Echotyon TORORÖT Kimuktoghin.

YEREMIA 32:19

Itötenyi ngaleku ompö ngöghomnyö aighenyi tïkwïn cho pö töngönchin. Isïwïyenyi lötok ortïn nko ighisyewut pö ptangengmöt airopchinenyi anka tïkwïl kïrïp kegh nko ortïnechi nko ighisyewutkachi.

YEREMIA 4:18

“Kechumchinyi choni löwïr, we Yuda, kïrïp kegh nko otöptöngu nko ighisyewutköku. Nka nyoni nyarïl nyo ngwan nyo itunyi, ngwan nyo ilïmchinenyi mïkulögh ori.”

YEREMIA 44:21

“Ayo, otini kyopelchinekwa amörostin, apighchï kumïn tororötin walaka le wölo kighöy papotïnekwa nko pöytoghi nko kintöghoghi nko pikö kïmïkul ompö kanastina Yuda nko Yerusalem kyolentekwa so kimenkïtïnye ECHOTYON anta olentöy ana kiwutyeghö nya?

ESEKEL 21:29

Otini omwoghekwa sïwïyaghtina putintön nko ngorsyö nyo pö putintön, kï kiketö chok kipsach kïtör kotwoni penyï nko mwokïyis. Kikutomtö asistankwa nyo pö söröm nyo onyorukwa sitöt, kïpörokwa lömïs.

OSEA 12:2

Tïng ECHOTYON kïgh nyo gheghchinegho Yuda akutöni sitöt Yakopo kïrïp kegh nko ortinechi, akwighchï nyinte kïrïp kegh nko ighisyewutkachi.

OSEA 4:9

Wölo kighchini pich nko tïsï laras. Omungan aghokyï chane kïrïp kegh nko ighisyewutkökwa cho ghach.

OSEA 6:2

Konecha söpön nyinte ompö asispa odeny, tutwecha asis nyo pö sömök, tökemöngisyenö ompö tawunyi.

OSEA 8:13

Chömöy kutötoy amörostin, atökwam nyu panye, wölo melö tökïngörökyini ECHOTYON chane. Nonöy ye nyu nyinte ngokikwa akutö sitöt, mïlisyot akïlïkwï sekey ompö Misri.

OSEA 9:15

Ompöwölo kitorö ngokikwa löwïr Kilkal wölini wölo kyotoran arey chane oyonenan chane Konyan ompö ighisyewutkökwa cho ghach melö tochöman chane kokay kïlïkwï kintöghoghikwa penyi.

OSEA 9:9

kyolïtokwa ngokï lödïr le wölo kilata ompö Kipea Nonöy nyu Tororöt lelutkökwa akïmuny chane ompö ngokikwa.

AMOS 8:7

Kikuwalwal kegh ECHOTYON nyo meno kegh Yakopo lö, “Melö owutyeghonan ighisyewutkökwa cho ghach.

YONA 1:2

“Ngeta, wïyö Ninawi kanasyantanay wow airirchï, ompöwölo kikwitwanïn ngokikwa.”

KIYITUT 32:23

Wölo ato maghakwanye lenyoni, kïkaghakwa ngokï ompö tawu ECHOTYON, onkïtï nyu lö, ngongtenekwa ngokikwo nyo motïny.

LUKA 12:2

Möminye kïgh nyo tïpote nyo melö kïwösu kungwïn sany akï möminye ngölyon nyo wïnyate nyo mökinkïtu.

1 KORINTO 4:5

Kïlenyona, morwokyï chi anka tïkwïl kïtomö kwitïta asistanyi, opïstenö tökïtenö kungwïn Echotyon, nyinte nyo pköngöy tïkwïn cho kikïwïnchï wölo tuw akuporï möchut pö mïkulis pö pich, atökïnyorunö nyu Tororöt chi anka tïkwïl salat nyo mïchini.

KINONO KIRURUT 32:29

Ntökingöghomöch chane, kitenkïtu kïgh nyo kigho!

EPRANIA 4:13

Möminye kïgh nyonikïny nyo kikigh nyo mösïwïyinye Tororöt, rumu kïgh anka tïkwïl ompö tawunyi akï nyinte nyo kiyokyinecha ngaleko ighisyewutköcho löwïr.