OSEA 7:16 - PIPÏLIA

¹⁶ Tökïpechini Paal* nyo melö kïgh. Lenye chane kïwang nyo kitwolö. Meghsot kintöghoghikwa ompö chok ompöwölo ngölonöy ompö menotön. Kïlenyona sösöy chane pipö Misri.”

OSEA 7:16 ပူးပေါင်းရင်းမြစ်များ

TUMWÖY 12:3

Imut, we ECHOTYON kutïwa lïsï löwïr nko ngalyap anka tïkwïl nyo kwolöy kegh

TUMWÖY 12:4

chona lentöy, “Kïrïntocha ompö ngölyepköcho kïmwoghecha kïgh nyo kïmököy, kï ngo nyo werecha tagh?”

TUMWÖY 12:5

Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”

TUMWÖY 17:10

Mötïngcha kisyonöt ompö mïkulöwekwa kwolöy kegh chane ompö ngalanatengwa.

TUMWÖY 52:2

Inonenyi kinyarat, karkegh ngalyapungu nko wempö, we wökintonï!

TUMWÖY 57:4

Kewitanïn pung cho karkegh nko ngötuny cho omöy pich. Karkegh kelekwa nko ngötwö nko kotï, ngötipöch ngölyepkekwa le chokon.

TUMWÖY 73:9

Ighchini chane nyo gha Tororöt nyo mi yïm, akwar pich ompö ngwïny.

TUMWÖY 78:37

Melö kighönote chane ompö tawunyi amelö kirïp mumenyi.

TUMWÖY 78:57

Kimostoy chane akïrïp otöptineko papotïnekwa cho kipuryö kighanat, kïchumponchö le kotöt nyo mörkel.

ISAYA 3:8

Ompöwölo kikerultö Yerusalem akengany Yuda! Ompöwölo tököy ECHOTYON kïgh anka tïkwïl nyo mwoghöy chane akwighöy nyo kigh chane kïtagh töroryenyi nyo kïlchini chane.

YEREMIA 18:18

Atolapay kïlö pïchay, “Apkana kechama wölo kïtïghtoy Yeremia! Mömicha so tïsï cho netecha anta pich cho ngöghomöch cho muköy kururecha anta werkoy cho mwowecha ngölyonto Tororöt? Keyara ngal cho kirwokyinegho Yeremia amaketera ngat ngalechi cho mwoghöy.”

YEREMIA 3:10

Amelö ompö kitökïmïleghchanïn Yuda, cheptompö Israel nyo le lïsin ompö mïkulöwunyi kïmïkul wölo ompö lïs.” Mwoghöy ECHOTYON.

YEREMIA 42:18

“Ompöwölo lentöy ECHOTYON Kimuktoghin, Tororöt pö Israel, kïle otini kinyorï pipö Yerusalem sito nörekyenyan, onyorunekwa tïkwïl sito nörekyenyan ato apekwa koro Misri. Olïkunekwa pich cho möchömönye kong kura, cho otyegho pich akïpöghisyegho kaynenkwa ompö chïpö akï cho kinam arasï mosïwïyekwanye koronï ngat kokay.”

ESEKEL 23:32

Lentöy Echotyon TORORÖT, “Igheghenyi ompö kikompo cheptönkwa, kikompa nyo wow akïpöro. Roröchininyi akesasinyi pich, ompöwölo nyïghitate nyoman.

ESEKEL 36:20

Kitö chane arasï kaynenyan nyo tïlil ompö wölo kipa, ompöwölo kïlö pich, ‘Nko wölo kipïstö korengwa nyo kitö Tororöt.’

DANIEL 7:25

Töghöy chane Tororöt nyo Töror, akïpïr pipö Tororöt nyo Töror Tya. Akumukyï kïwaghach kirurutkökwa nko osiswo ichontinekwa. Ketö pipö Tororöt morichi könyis sömök nko nïsï.

OSEA 11:5

Mïlisyot chane kutöngöy Misri tökïpayta pöytoghinto Asirya chane ompöwölo kitagh kïkötö

OSEA 11:7

Tökumönöy piköchan kïpïtanïn akïkïrkegh kïkur Tororöt nyo Töror tya kimemukönye kungarak chane.

OSEA 6:4

Wölo lentöy ECHOTYON, “Odoninyi ne nya, we Israel? Odoninyi ne nya, we Yuda? Ompöwölo lenye chomnyenkwa kapuret nyo pö tökwoghö akïlenye röyön nyo pïsöy lawel.

OSEA 7:13

“Heywey pïchï! Kipïstanïn akimostoy, kinyoröy chane ompöwölo kitaghanïn chane. Kyolentam osoru chane wölo kingölonöy putintön parakunyan.

OSEA 9:3

Melö dongöy chane koro ECHOTYON mïlïsyot pipö Epraim Misri akwam omisyewut cho le sïmnyon ompö Asirya.

OSEA 9:4

Melö pightoy chane dipay kïpighchini ECHOTYON. Amelö tökïngörökyini nyinte ropöwekwa lïku omisyengwa ompö chane nyo pö lok, akïlïku chane löwïr cho kam sïmnyon. Lïku omisyengwa nyo pö mu kwïle, amelö mïchini kepï le amöros Kö pö Tororöt.*

OSEA 9:6

Kïrkegh operteghena kiwurat nyo pïnï, supokwa Misri akïtïpchikwa Mempis. Omöy wuw kaplawachitinekwa cho pö silpa akulum emenikwa kato.

MALAKI 3:13

Lentöy ECHOTYON, “Kamwaghakwa ngal cho ghach nyoman parakunyan. Wölo otepekwa lö, ‘Akï ngal ne cho kakïmwaghacha parakungu nya?’

MALAKI 3:14

Otï kamwaghakwa lö, ‘Kwïle nyoman kepöghisyechï ECHOTYON. Nyiwu ne kegh kïgh kïrïp kegh nko kirurut pö ECHOTYON Kimuktoghin ata kelokyotö kuporï lö kikelelacha ompö tawunyi?

MATAYO 12:36

“Omwowokwa nyu lö, mwowu pich asispa kirwok ngölyon anka tïkwïl nyo kingalan chane amelö kinonchï.

LUKA 8:13

Kösïghe chay kichïnchï koghïn kï pich cho teröy akï tach ngölyontononi ompö ngörekyö, wölo mötïngcha sikin, ghönöy nyo tangogh nyo ato itï tyomut kupïtyö.

YAKOPO 3:5

Lenye nyoni tïkwïl ngalyap, kïrkegh kïmïnïng lö ne, wölo muköy kïkwölo kegh tïkwïn cho echön nyoman. Wuw nyo tya nya wey nyo muköy kuwur ma nyo le kite!

2 PETRO 2:8

Kimang Lot kwenu pïchoni, akusus mïkulöwunyi kïtenö osis wölini kïsïwïyi akïlïmöy ighisyewutkökwa cho kighach.

NGONGUT 13:5

Atolapay kepïsï tyonyay kïngalan ngala kinisanat nko cho mwoghöy Tororöt akechömchï kïsïch owesyö nyo pö aro cho le 42.