OSEA 7:1 - PIPÏLIA

¹ “Otini olentan osopöy piköchan Israel kirumï ngoki Epraim ngat, akïrumï ngoki Samaria ighöy chane ngala putïntön weröy korïn akïchorsyö, söro pich tïkukwa ompö ortïn.

OSEA 7:1 ပူးပေါင်းရင်းမြစ်များ

ISAYA 28:1

Heywey! Wechï kawir paytaghpa Israel. Kösilön ororyö nyo kötïng kintöghoghikwa cho tömesyot le tapïkoy cho kösilonchö. Kinyita mötöwekwa mwagh nyo ngutoy nyo karam, wölo achona chane rusot, kimeghö ompö tamasat.

ISAYA 59:12

“Chang ngokicha cho kakiwucha nyi, we ECHOTYON. Rwokyinecha ngokicho. Kinkïtöcha ngokichoni löwïr.

ISAYA 59:13

Kakïpenyacha kirurutköku cho kakiwucha nyi aketaghinyi aketagh kerïpinyi. Kakïpïröcha pikö walaka aketaghacha nyi. Pö putintön kinonutköcha akï pö lïs ngalecha.

ISAYA 59:14

Köweghenecha kirwoköto man akuperta man kïlowit ompö acha. Kikupotö man kokwotïn, akïchop kitenata wölo töpuno ompö atoni.

YEREMIA 51:9

Kilö pipö koros walaka cho kimöngöy Papilon, ‘Kikïlecha kesopö Papilon wölo kesïwecha lö memukonye. Mïchinecha ye nyu kepïstenö nyinte akïmïla chi anka tïkwïl korenyi. Ompöwölo kikurwokyï Tororöt nyinte akikutö sitöt nyo ngwan nyoman Nyo möngötunye koronete kokay!’ ”

ESEKEL 16:46

“Cheptönkwa nyo wow Samaria nyo mi okumpö löt nko tipichi, cheptönkwa nyo mïnïng kï Sodoma nyo mi okumpö tagh nko tipichi.

ESEKEL 23:4

Kikïkuro cheptö nyo wow Ola, kekuro cheptöngwa nyo mïnïng Olipa. Kyopön chane kwodeny, kïyiywanïn wor nko tipïn. Ompö kaynötutchoni, Ola kï Samaria, Olipa kï Yerusalem.

ESEKEL 24:13

Kesïmnyoninyi we Yerusalem ighisyewuköku chï ghach. Kyolan otïlilinyi wölo kimetïlilenyinye. Melö itïlilitunenyi nyonikïny ntökïtenö kuwonyö nörekyenyan ompö nyi.

OSEA 10:5

Mïghyot pipö Samaria ompö körkeyïn pö mogh Pet Apen. Riryot pikachi ompö moghoni, akiriryot tïkwïl tïsï cho kopöghisyeghchini ompöwölo kiweghö moghoni ororyö.

OSEA 11:12

Lentöy ECHOTYON, “Kikuwitenanïn Epraim putintön akuwitenanïn Israel lïsa, akïtaghanïn Yuda, ani nyo ochï Tororöt nyo Tïlil.”

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

OSEA 12:1

Pögho kegh Epraim yomat akïyonotoy yomo kongasis kwimön akïtösotoy putintön nko rïmö. Omöy mis nko Asirya tökwip mwagh kutang Misri.

OSEA 12:2

Tïng ECHOTYON kïgh nyo gheghchinegho Yuda akutöni sitöt Yakopo kïrïp kegh nko ortinechi, akwighchï nyinte kïrïp kegh nko ighisyewutkachi.

OSEA 4:17

Kinomnyö pipö Israel nko körkeyïntin. Apakadena chane!

OSEA 4:2

Kïpoto mumos cho kinyïghï kor, wölo melö chi nyo rïpöy nko putintön nko pörisyö nko chorsyö, akwigh cheporesnan. Mökïminye rïmö kïgh kïkïröy nko pörchö nyo melö wonyot.

OSEA 5:1

“Atera ngalechï, we tïsï! Atera lasiny akwa pipö Israel! Alïma lasiny, we kö pö pöytoghin, ompöwölo kömïchinokwa orwokyinö ompö man. Wölo kalïkukwa ngöghöp ompö Mispa, alïkwï net nyo kakikarkar kïnam pich ompö kutïng pö Tapor.

OSEA 6:4

Wölo lentöy ECHOTYON, “Odoninyi ne nya, we Israel? Odoninyi ne nya, we Yuda? Ompöwölo lenye chomnyenkwa kapuret nyo pö tökwoghö akïlenye röyön nyo pïsöy lawel.

OSEA 7:13

“Heywey pïchï! Kipïstanïn akimostoy, kinyoröy chane ompöwölo kitaghanïn chane. Kyolentam osoru chane wölo kingölonöy putintön parakunyan.

OSEA 8:5

Lilanïn kïgh körkeyïntöngu nyo pö mogh we Samaria konörekyokwa nyoman. Olelekwa nko oyï nya?

OSEA 8:9

Ompöwölo kapusta Asirya kïyarata kingörokut le sïkïryo wow nyo keturotö onkït. Kal pipö Epraim mïrönkachi

AMOS 3:10

Lentöy ECHOTYON, “Melö nkït pïchï kwighöy kïgh nyo karam, kenyïghit karikwa tïku chorsyö nko pörsyö.”

AMOS 3:9

Omwochinö pich cho möngöy kori pöytoghi Asirya nko Misri, olenchinö, “Oghömïtyinö kegh kutïngkoti Samaria, atasïwena ngal cho echön cho ighisyegho ori.”

AMOS 8:14

Wonyot lömïs pich wolwolo kegh Asyima nyo pö Samaria akïlentöy, ‘Le ato söpöy tororötïngu, we Dan,’ anta ‘Le ato söpöy tororöt pö Persyepa.’ ”

MIKA 6:16

Ompöwölo kyarïpakwa otöptino pöytoghin Omri nko otöptin löwïr cho pö kö pö Aap Akyarïpakwa tïkwïl ngalekwa nyo owonyokwa nyo mötïny akiroröchokwa pipö punton löwïr akïroröchokwa pipö punton ompö sasa.”

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!

LUKA 13:34

“Ochech Yerusalem! Nkepar werkoy aiwira koghïn kiyoktoghi Tororöt cho kikïyonunyi. Kyaghamïtan piköku löwïr kïnyïl cho tya le wölo ghömïtïto kokorochö warechi ompö köpepoy, wölo kimepïswanïnyinye.

LUKA 19:42

akïlentöy, “Porun ne asisete or nyo ipunyi kalya? Wölo manyï ye memukenyinye ntesïwa!