OSEA 6:9 - PIPÏLIA

⁹ Lata Tïsï chelölös cho syepo pich or. Tïgho pich ompö or nyo wetöy Syekem akwigh ghöyityö ompö kwötin.

OSEA 6:9 ပူးပေါင်းရင်းမြစ်များ

TOWUNÖT 12:6

Kïruto Apram kuwerata kwenu korononi ntökïtenö kwitïta Syekem, wölo kimi ket nyo tïlil ompö More. Kimöngöy pipö Kanan korononi osiswechoni.

1 PÖYTOGHÏ 12:25

Nyini kiwonyö pörchonay, kïtek ngat pöytoghinto Yeropoam kanasyanta Syekem ompö kutïng pö Epraim akïmang wöloni. Atolapay kïngeta atoni akïwö kïtek kanasyanta Penuel.

ESRA 8:31

Kikïpeghecha lalwa Aapa ompö asispa taman nko odeny nyo pö arawa tagh ketang Yerusalem, kimi Tororötïncha nko acha nyo kiripecha ompö pung nko pich cho syepöy pich ompö or.

YEREMIA 11:9

Kïlenchanïn ngat ECHOTYON, “Keryam pipö Yuda nko cho pö Yerusalem akïchomnyechï kïtaghanïn.

ESEKEL 22:25

Lata kintöghoghichï ngotïny nyo pororöy ompö tyony nyo kapar, kikïpar chane pich akïcheng kaplawachtin nko tïkwïn, kikipar pich kudong mïsïk cho möngörï ompö kor.

ESEKEL 22:27

Lata kintöghoghichï cho kapar tyony, mïltoy kisön tökïnyorï sïkönöt ompö or nyo gha.

ESEKEL 22:9

Mi pich oringu cho mïltoy kisön akïmïröy putintön, mi cho omisyegho kutïngkot nko cho ighöy ghöyitwok ompö kwenungu.

ESEKEL 23:27

Kïlenyona oghan kuwonyö pïrchintöngu nko chapkartananengu nyo kipunenyi koro Misri. Nyo melö tesïwïyenyi pipö Misri anta inan chane ngat.

OSEA 2:10

Ochïran nyinte kïchïrutit ompö tawu chamankachi akï möminye chi nyo söruno nyinte ewunyan.

OSEA 4:2

Kïpoto mumos cho kinyïghï kor, wölo melö chi nyo rïpöy nko putintön nko pörisyö nko chorsyö, akwigh cheporesnan. Mökïminye rïmö kïgh kïkïröy nko pörchö nyo melö wonyot.

OSEA 5:1

“Atera ngalechï, we tïsï! Atera lasiny akwa pipö Israel! Alïma lasiny, we kö pö pöytoghin, ompöwölo kömïchinokwa orwokyinö ompö man. Wölo kalïkukwa ngöghöp ompö Mispa, alïkwï net nyo kakikarkar kïnam pich ompö kutïng pö Tapor.

OSEA 5:2

Kikïtas tagh kör penyï kwigh ngokikwa wölo otöninan chane sitöt.

OSEA 7:1

“Otini olentan osopöy piköchan Israel kirumï ngoki Epraim ngat, akïrumï ngoki Samaria ighöy chane ngala putïntön weröy korïn akïchorsyö, söro pich tïkukwa ompö ortïn.

MIKA 3:9

Atere ngalechi kintöghoghichi pö Yakopo nko akwa pöytoghi Israel cho owoköy man awaghach köromnye kïghaghit.

MIKA 7:2

Möminye chi pö man ngwïny, möminye chi nyo pö man ompö pich, möro sera porsyö chane, mököy chi anka tïkwïl kïrïm werïngwa.

SEPANIA 3:3

Karkegh yetïntinechi nko ngötuny cho mororsot Karkegh muti ngal ompö kokwotïno Yerusalem nko suyï cho sutyote, cho ato nyorï peny mönon, mönyorunye chi ompö nyo le kowö otini kayech.

MARKO 14:1

Kitomönye osiswö odeny ntökwitïta Ichon pö Pasaka* nko makatin cho puryö mumar. Ompö atoni kï kimi tïsï cho echön nko koneti kirurut kïyöröy or nyo lepo Yeso tökïnam akïpar.

YOANA 11:47

Kïtuyö nyu Parisaytin nko tïsï cho echön nko Kokwö* kïmïkul akïtep kegh lö, “Kighecha ne? Kegh chichï tïkwïn cho pö töngönchin nyoman!

IGHISYEWUT 4:24

Nyini kilïm lenyoni, kïsagh Tororöt tïkwïl ompö kut akonga lö, “Echotyon, Kimuktoghïn nyo kigh yïm nko ngwïny nko nanam nko tïkwïn lapay cho mi ori.