OSEA 6:3 - PIPÏLIA

³ Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

OSEA 6:3 ပူးပေါင်းရင်းမြစ်များ

2 SAMWEL 23:4

kulïwchini chane le löpoyïn pö tökwoghö, le asis nyo möminye polta, nyo ighöy sus kusïl otini kepech korö.”

AYUPU 29:23

Kikanganïn le ato köngöy rop, le ngori paren cho köngöy ropö arupe.

TUMWÖY 19:4

akwanyï kïlïmo kutingwa ngwïny kïmïkul akelïmo ngale söremwok pö ngwïny. Kighchï Tororöt asis möngenyi mïröt.

TUMWÖY 19:6

Pusuno sörömu anka nyo pö yïm akïröytö sörömu anka, möminye kïgh nyo wïnyo kegh kilayatenyi.

TUMWÖY 63:8

Rïpotoninyi söpontönyan nyoman akïmi ewungu nyo pö tagh kukomönanïn.

TUMWÖY 65:9

Ikomönenyi ngwïnyinï otini iropönchinenyi aigh kïsïkönon aikany kwakwaghit. Mötengotya lalwatïneku keperurönyi kor kïnyorï pagh, ompöwölo kighanyi lenyoni.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 5:6

Mopïtinanye rötökwö, amopïtinanye ketiko sapipun anta angor pare, wölo opïsyan kïpituna tïkawkaw nko kato. Otöghonan poltoy möropönchï paranoni!”

ISAYA 54:13

“Ante kegh nyo onetöy piköku, atö chane mökosyö nko kalya.

YEREMIA 24:7

Otöninan chane mïkulögh nyo muköy kunkïtu lö ochan ECHOTYON. Lïku nyu chane piköchan, alïkwan Tororötïngwa ompöwölo yoku kegh chane kïpka wölo omitan ompö mïkuliskökwa kïmïkul.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

OSEA 10:12

Akatkata köromnyö ompö tösunötengwo atonyorunö akwa chomnyogh nyo mewonyotnye. Angora parenichay kiruyö ompöwölo ketomtö ato kïyöröy ECHOTYON ye tökungwïn kïropönï kisoyönut.

OSEA 14:5

Olïkunan le röyön ompö Israel akïwetöy le ket pö tapïk akïtorta nyighin le keti Lepanon.

OSEA 14:6

Pitöy tikitkachï ompö ngwïny pïchighöchitu chane le orolwö akïngutoy nyo karam le topïkut pö Lepanon.

OSEA 2:20

Opinyi ompö kighanatenyan lïkuna nyinyan kokay, atenkïtunö lö ochan ECHOTYON.

MIKA 4:2

Pkonöy pipö punton cho möngörï akïlö “Apkana kepe kutïng pö ECHOTYON, ketanga Kö pö Tororöt* pö Yakopo. Atökunetech ortïnechi akerïp ngalechi.” Ompöwölo pkono Sayon* kirurut, akungwïna ngölyonto ECHOTYON Yerusalem.

MIKA 5:2

Ngwïnoninyi we Petleem nyo ipo Eprata nyo ichï mïnïng ompö ortïna pipö Yuda pöytoghintö ompö ani nyo lïku pöytoghin ompö Israel pöytoghin kïpö könyisyok.

MIKA 5:7

Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

SAKARIA 10:1

Atepa ECHOTYON rop osiswo pengat, ECHOTYON nyo yoku poltoy cho ipu rop. Konu nyinte pkopïson cho ighöy tïkwïn kïpit ompö tösunöto chi anka tïkwïl.

MALAKI 4:2

Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

MATAYO 13:11

Kuyokyï Yeso lö, “Kikekonokwa kinkïtöt nyo pö wïngut pö Pöyunöto Yïm, wölo tomönye keporchï pich walaka.

LUKA 1:78

tïng Tororötïncha kisyonöt nko tölosyö, ighöy kenyorunöcha löpoyïn nyo ngwïno yïm,

YOANA 17:3

Anyï nyu söpon pö kokay, kenkïtunyi nyo ichï onkït Tororöt pö man, akenkïtï Yeso Kristo* nyo kiyonunyi.

YOANA 7:17

Ato cham chi kwigh tïkwïn cho mököy Tororöt nyinte kwighöy, kunkïtu lö ekapkana ngalechï onetan wölo mi Tororöt anta ongölonan ngalechan kegh.

IGHISYEWUT 17:11

Kingötïpöch pïchoni pö Perea kïtïl pipö Tesalonike. Ompöwölo kitïng chane machat nyo wow, kusyach Kikirut atö kïsïwa lö lechachoni ngalechoni kimwowu Paulö.

KINONO KIRURUT 32:2

Röröku kinetutköchan le rop, le röyön ompö sökö. Pïspisu ngalechan le pkopïs cho ropönchini sus cho ngwïrngwïröch akïkarkegh nko pögh cho rörökyini sikoryon.

EPRANIA 3:14

Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.

2 PETRO 1:19

Aketïngetecha man ompö lökoy cho kimwowï werkoy. Nyo oghekwa nyo karam ato arïpakwa ngalechoni, ompöwölo karkegh nko kitömöwon nyo lïwuno wölo tuw ntökïtenö kuwas Asisoni akulïwchï mïkuliskökwa löpoyïn pö Kristo le wölo lïwchini kiwasan tapogh pö ngwïny.

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”