OSEA 4:3 - PIPÏLIA

³ Kïlenyona peköy koronï kïma nyu kïgh anka tïkwïl nyo mi ori. Meghsot tyonkïn lömïs nko törit nko ompö chini le kaghagh tïkwïl.

OSEA 4:3 ပူးပေါင်းရင်းမြစ်များ

ISAYA 33:9

Melö tökengoröy paren ngat, kikechal. Kikïyomö wudïnö cho mi Lepanon. Kikewuwö mpöghoghyo Syaron nyo akwagh kïlïkwï surkwen. Rörökyot sökö cho mi koro Pasyan nko cho mi kutïng pö Karmel.

YEREMIA 12:4

Nyörïlöy köro nko oyï ompö pekat? Köyomö suswö nyoman ompö paren! Kömeghö tïpö wudïn nko törit, ompö ngoki pïchï möngöy kore, pïchï lentöy, “Melö sïwïyi ECHOTYON tïkuchi kighecha.”

YEREMIA 23:10

Ompöwölo kinyïghï kor pich cho melö ghönote ompö tawu Tororöt, akï cho pöghisyegho owesyö ompö or nyo gha. Kisönön korö ompöwölo köchïp Tororöt, akïmïl suswo kyak.

YEREMIA 4:25

Otopöntan wölnö nko wölnö, masïwanye chi, akikupiltoy kïpechï kegh tïkwïl töritwo yïm.

YEREMIA 9:10

Olan, “Orirchinan asönönchï kutïngkot, olokan ompö suswo kyak cho mi wuw cho köyomö, amökïminye chi nyo weröy wölini. Mökelïmonye wölini tany nyo ghïtöy, akïwï töritwö nko tïpö wudïn kïpechï kegh.”

YEREMIA 9:9

Ayo, opïstan ye pïchete mönyorï sitenyan ompö ngalechete ighöy? Amömïchininye otökisyan ompö kor nyo ighöy cho lata choni?” Mwoghöy ECHOTYON.

ESEKEL 38:20

Potonchot akïmïghyö kaghagh cho mi nanam nko töritwo yïm nko tïpö wuw nko kïgh anka tïkwïl nyo westoy kuchuto kegh ngwïny nko pich löwïr ompö ngwïny kïmïkul, otini kasïwanïn akirulyö kutïngkotï nko komos akurïngring nayat anka tïkwïl.

YOEL 1:18

Wechï kiwongwï tyonkïn akïnyarïl tïch, ompöwölo kichop wölo oketïyi, akuwongwï ompö kechir tïkwïl.

AMOS 1:2

Kïlö nyinte, “Tïloy ECHOTYON kutïng pö Sayon,* kïlïmo kutinyi nyo wow Yerusalem. Köyomö suswo kyak, mökïminye suswon kutïng pö Karmel.” Sirya

AMOS 5:16

Kïlenyona lentöy ECHOTYON, Tororöt Kimuktoghin nyo le Echotyon, anyona rira mi kokwo nko ortïn ompö kanastinekwa löwïr kimwochini pich cho le ngorï kïriryö akemwochï cho chïreröch.

AMOS 8:8

Yotyotöy korö ompö ngalechi akïsönön chi anka tïkwïl nyo möngöy ori. Ngetöy le pögho lalwa Nile akïröytö le pögho lalwa Misri.”

NAUM 1:4

Ngölonchini ECHOTYON nanam kïteny akïtenyöy lenyini! Akwompö ngölyontenyi tenyot lalwatïna löwïr, akïyam suswon ompö koro Pasyan, kïyomö ketï cho mi kutïng pö Karmel, akïsilonchö tapïk cho mi Lepanon.

SEPANIA 1:3

onyoran pich nko tyonkïn nko törit, awangan kaghagh ompö nanam. Orïntenan mwokïyis, awangan pich lömïs ompö ngwïny. Mwoghöy ECHOTYON.

SAKARIA 5:4

Lentöy ECHOTYON Kimuktoghin, “Oyoktonan chïpö kïlït kori chorï nko pich cho omöy muma ompö putintön. Omöy chane chïponï nko ketiko kot nko koghi cho kikïtekta!”