OSEA 2:23 - PIPÏLIA

²³ Oghan pikachu kïmang korononi, akïtösisyö. Osyonchinan chane cho “Melö kisyonchini,” aghan chichan cho kikiyitöy lö, “Melö piköchan.” Yoku nyu chane kïlentöy, “Ichinyi Tororötïncha.”

OSEA 2:23 ပူးပေါင်းရင်းမြစ်များ

TUMWÖY 118:28

Ichinyi tororötïnyan, oyokunyi sörö. Ichinyi tororötïnyan, okusinyi.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 68:31

Pkonöy pich cho ghyongtoy koro Misri, syolöy pipö Etopya ewunekwa atökïsagh Tororöt.

TUMWÖY 72:16

Nya kïpituna pagh kor cho chang akulum kutïngkot. Nya kïkarkegh ilötenyi nko nyo pö Lepanon. Nya kïchangit pich ompö kanastin le sus cho mi wuw.

TUM PÖ TUMWÖY 2:16

Chamanenyan nyinte, achan nyenyi, yokwïyi kechiryechi wölo mi tapïkoyï,

ISAYA 44:5

“Mwoghöy atoni chi anka tïkwïl lö, ‘Opoyan ECHOTYON.’ Mwoghöy anka lö, ‘Okuro ompö kaynata Yakopo.’ Kirchini anka ewunyi lö, ‘Pö ECHOTYON,’ akuyit kegh lö ochï akonga ompö pipö Israel.”

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 31:27

“Omwoghan ante ECHOTYON lö pkonöy osiswö cho onyïghitan pich nko tïpö wudïn koro Israel nko Yuda.

YEREMIA 32:38

Lïku nyu chane piköchan alïkwan Tororötïngwa.

YEREMIA 33:26

kïmopïstenanye kokay okonyït muma nyo kyaman nko monïngo Yakopo nko mötworintenyan Daudi nyo kyamaghan lö okïlan chi nyo pö ara Daudi kïpayta monïngo Apraam nko Isak nko Yakopo. Osyonchinan chane, asoyön kïnyorï mökosyengwa ngat.”

ESEKEL 36:29

Osörwokwa nyu ompö sïmnyontönenkwa asoyönön paghekwa kïrir nyoman amelö tokonokwa kömöy.

OSEA 1:6

Kïsïkisyö Komer ngat akïyï cheptö, kïlenchï ECHOTYON Osea, “Kurenö kaynenyi, ‘Nyo Mökisyonchï,’ ompöwölo melö tosyonchinan ngat pipö Israel, anta olöstoghchï chane.

OSEA 8:2

Kirichinanïn pipö Israel lö, ‘Kinkïtöchanyi we Tororötïnyo!’

SAKARIA 10:9

Kïrkegh kikyotoytoychan chane koros cho löwöch wölo ononan chane ompö wölini mi. Ngötu chane nko monekwa akïmïlisyö kaw tïkwïl.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

SAKARIA 14:16

Atolapay rotuy nyu Yerusalem ompö könyis löwïr pipö koros cho kingotï ompö pïchay kipka kïporyeghö Yerusalem. Pkonöy kïsoghöy ECHOTYON Kimuktoghin nyo le pöytoghin akïkonyït Ichon pö Tunkun.

SAKARIA 14:9

Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

RUMI 3:29

Anta yeno, Tororöt ataye kï Tororöt pö pipö Yaudi opïn nya? Mö Tororötnye so nyo pö pipö punton tïkwïl? Ay, pö punton tïkwïl.

YAKOPO 1:1

Ani Yakopo mötworinto Tororöt nko Echotyon Yeso Kristo,* nyo kakirwakwa atakwesak cho ochï ortïn taman nko odeny cho kyayasta oghömï ngwïny kïmïkul.