OSEA 2:12 - PIPÏLIA

¹² Onyoran akweko sapipunechi nko keti cho kimwa nyinte lö, “Achï ropöwechan cho kökonanïn chamankachu,” ompöwölo kapaghan chane, owöghökan nyu kïlïkwï wuw atökwam tïpö wudïn.

OSEA 2:12 ပူးပေါင်းရင်းမြစ်များ

TUMWÖY 80:12

Ompö ne nyu tenganganyi nïyetkachi tökïpïtotoy pich cho weröy akwechi?

ISAYA 29:17

Kïle wölo kikemwa lö lïku wuw nyo kinagh ketï kïtuwit wölo kïngoröy paren, akïwaghaka ngat wölay kakïngoröy paren kïlïkwï wuw nyo nöghöy ketï kïtuwit.

ISAYA 5:5

“Anyï nyu kïgh nyo oghchinan paranï pö sapipun. Ongongan karatu kïtïryalit angany nayatu nyo körtoy tökwam tïpö wudïn akïtïkatïk.

ISAYA 7:23

“Pituno tapalak nko kato asisoni wop anka tïkwïl nyo kimi keti sapipun cho le 1,000, cho kikïnyorunö ropïyeni silpa cho le 1,000.

YEREMIA 13:26

Ongöghan ante ECHOTYON sïrokökwa, tökïrumtö arastönkwa.

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 5:17

Omöy paghekwa cho kolökwa nko omisye lömïs, pöröy monekwa, tipïn nko werkö, akïyeng kyakikwa akwam. Wuröy sapipunekwa nko ketikwa walaka cho pö akwa. Wuröy kanastinekwa cho wokote cho otighokwa kegh, wuro karikwa cho pö lïk.”

YEREMIA 8:13

“Kyolentan oghömïtöy piköchan, le ngorin nyo ilöy sapipunechi, wölo lata chane keti sapipun cho puryö akwa. Monyorchanye okin ket pö moköngwö nyonikïny, kopentan kikïyomö ompö soke. Kïlenyona kyochömchan pikö walaka kïcheng korengwa.

OSEA 13:8

Okomchinan chane le chepökerï nyo kakïsara warechi, okolkolan chane kiyotisyö porwöy atolapay aman nyu chane le ngötïny.

OSEA 2:5

Ompöwölo kegh yongwa cheporesnan, kökonï arasï yongwa nyo kimir chane. Ompöwölo kilenchï kegh, “Orïpotonan chamankachu cho pöghanïn akïkonanïn puto kech nko sïro pö katani nko mwagh nko dipay.”*

OSEA 5:14

Ompöwölo kyalïkwan le ngötïny ompö Israel alïkwï le wawa ngötïny ompö Yuda. Opokpokan chane, awechan kegh, amöminye chi nyo muköy kïsöru chane.

OSEA 9:1

Mengarak kör we Israel amoturonchö le punton walaka ompöwölo kyalïkukwa kalomak otinö kopïstekwa Tororötïngwo kyongörekyikwa ropïyeni chepkartanan cho pö wölay kïtïgho pagh.

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.