OSEA 2:11 - PIPÏLIA

¹¹ Owonyan ngörekyenyi nko sapkenechi cho pö relïntino arawa nko ichontino Sapatotin* nko nyoroghtïnechi löwïr cho pö saghat.

OSEA 2:11 ပူးပေါင်းရင်းမြစ်များ

1 PÖYTOGHÏ 12:32

Kuyomis pich löwïr Yeropoam kïrip asis nyo wow nyo pö saghat ompö asispa taman nko mut, nyo pö arawa mut nko sömök, kïle wölo kilata otöptino pipö Yuda. Kutötö Yeropoam amörostin asisoni wow kikïtuyegho kanasyanta Petel nyo kïsoghöy moghechay pö koltin kwigh nyinte, akutö tïsï Petel cho kipöghisïyi ompö atay kïsogho kitek nyinte.

YEREMIA 16:9

Ompöwölo kamwaghan ante ECHOTYON Kimuktoghin lö, oghan kupotö yi serönö nko ngalana lö weng. Mökelïmönye tïkwïl turönö nko kichïlïlighat nyo pö tum pö kensyö. Osïwïyekwa choni löwïr kwighisyot ompö osiswekwa.

YEREMIA 25:10

Oköran makïlïma kwenungwa turönö nko roröt nyo pö ngörekyö nko kilïliyöt nyo pö ichontino kensyewut. Mökelïmönye ngosyo pagh amökïminye mwagh tatïnekwa.

YEREMIA 7:34

Owongan kililïyöto ngörekyö nko roröt ompö kanastina Yuda nko kanasyanta Yerusalem, amakelïmönye ngörekyo kensyö ompöwölo lïku koro surkwen.

ESEKEL 26:13

Owonyan chöghöto tumwöyikwa, amelö tökelïmöy chöghöto pïkantiskakwa asïyech kokay.

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

OSEA 5:7

Kilïs chane ECHOTYON, ompöwölo kisïch monïng cho pö sany cho melö tïngö kïgh ECHOTYON kïlenyona wonyot chane lömïs ompö relïn pö arawa.

LAWIN 26:20

Akïwir wuw ighisyewutkökwa ompöwölo melö tökïrïröy pagh ompö korenkwa anta akwa ket.

AMOS 5:21

Otoghan, asasan ichontinekwa amelö mïlanïn tuyotïnekwa cho tïlilöch.

AMOS 8:3

Lïku tumwöyi Kö pö Tororöt* rira asisoni. Mwoghöy Echotyon TORORÖT. Chongitu mïntïruch kïnyam, kïwirchini sany nyo mölïmönye chi.”

AMOS 8:5

alentekwa, “Oyï ato meghöy arawa tökyaltena paghecho? Oyï ato wonyot Sapato* tökyaltenacha nkanunecho nya? Kyoltonecha akepel pich ompö ratilin cho pö lïs.

NAUM 1:10

Kïpelöy chane le wuw pö kato, nöghyot le mopö cho kiyomö.