OSEA 14:9 - PIPÏLIA

⁹ Ato mi chi nyo ngöghom, ikany kipköchin ngalechï. Ato mi chi chïrer inkïtï ngalechï. Kï man ortïna ECHOTYON löwïr akirïpöy pipö man, wölo pïtyegho chemwokïyis ortïna ECHOTYON.

OSEA 14:9 ပူးပေါင်းရင်းမြစ်များ

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

AYUPU 17:9

Kïrkegh kïlenye nyoni kïkomönöy chi pö man arenyi tösöy tagh kwowesitu tya chi nyo möpïröchnye morichi.

TUMWÖY 107:43

Teröy pich cho ngöghomöch ngalechï akunanata chane chomnyo ECHOTYON nyo möwöghökonye. Tum pö Daudi.

TUMWÖY 119:128

Ghïtoy kinetutköku söpenyan, otïghan ortïn löwïr cho pö putintön.

TUMWÖY 119:75

Onkïtön lö, pö man kirwokutköku, we ECHOTYON nka nyoni ketönaninyi sitöt ompöwölo ichinyi ghanate.

TUMWÖY 84:5

Soyönote pich cho nyorchini owesyengwa cho chïrpöchech chini mïkulöwekwa ompö ortïn cho töngöy Sayon.*

TUMWÖY 84:7

Töso owesyengwa otini petöy chane, akïsöchï Tororöt pö tororötin Sayon.

NGÖTÏNYÖ 10:29

Ghïpöwon nyo tïghume ara ECHOTYON ompö chi nyo tïlilöch ortinechi, wölo wongöy ECHOTYON mwokïyis.

NGÖTÏNYÖ 16:21

Chïrer chi nyo ngöghom ompö mïkulöwunyi, akïtösöy onyïnio ngal chïreryö.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

ISAYA 1:28

Wölo wuröy nyinte mwokïyis nko penyï löwïr nko chane tïkwïl cho pïstoy ECHOTYON.

ISAYA 17:8

Melö tökïtigho kegh ngat ato kïpelo amöros, cho kiteka chane morikwa cho le körkeyïntino tororöt Asyera* nyo le korka nko wölo töror kïpelo tïkwïn cho ngutoy nyo karam.

ISAYA 26:7

Ilïtitenyi ara pipö man, we Echotyon, rïpöy chane or nyo ghïteghote.

YEREMIA 29:12

Okuranïkwa nyu atoni asaghanïn aterwokwa.

YEREMIA 9:12

Atepan lö, “Ayo ECHOTYON, mi onö chi nyo ngöghom nyo pköchini ngalechï? Kingalan ECHOTYON nko ngo atökumï chichoni kïmwochï pikö walaka nya? Ompö ne tökunyara korö kïlïkwï surkwen ntömakïminye chi nyo weröy korononi?”

ESEKEL 11:18

Nyini kapka yi kunotegho tïkuchï ghach löwïr nko sïmnyontönengwa.

ESEKEL 18:25

“Wölo olentekwa, ‘Melö pö man ortïna Echotyon.’ Atera nyu we pipö Israel ononekwa lö melö karamach ortïnechan? Melö so ortïnekwa cho melö karamach?

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

DANIEL 12:10

Chang pich cho tïlilöy kegh akwigh kegh kïkaramachitu, wölo ighöy mwokïyis ngokikwa, amöminye ompö akong nyo chïrer, wölo tïng pköchin pich cho ngöghomöch.

SEPANIA 3:5

Wölo pö man ECHOTYON nyo mi kanasyan ori, amelö ighöy kïgh nyo gha. Ighöy man kïtenö osis tïkwïl otini kayekanan, puryö tökwoghö nyo wutyegho kwigh man. Wölo letöy tagh mwokïyis kwighöy ngokï amelö lïmchini kegh arasï.

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

MATAYO 11:19

Kingwïn Wero Chi kwomisyö, akïgheghsyö kelö, ‘Arose chichï! Chemu akïtömösin, kongo kwöghi surï nko mwokïyis.’ Wölo poru ngöghomnyo Tororöt lö man ompö ighisyewutkachi.”

LUKA 2:34

Kusoyön Simion chane akïlenchï Marya, yoto monïng, “Rose, kikïl Tororöt mönïngï kïlïkwï macheypa kipotöt nko sörunöto pich cho chang ompö Israel. Lïku nyinte kiporunöt nyo ngwïno wölo mi Tororöt nyo mölomölo kegh pich cho chang,

LUKA 7:23

Akusoyönote chi nyo mötïngnye tomtomönöt ompö ani.”

YOANA 15:24

Ntökimelö kyaghan kwenunkwa ighisyewut cho kimöminye chitö anka nyo kigh, kitömötïngcha chane lelut: wölo kasïwa ye chane ngalechoni kyaghan, kïghöchanïn akïghöchï Paponyan tïkwïl.

YOANA 18:37

Kïlenchï nyu Pilato, “Nyo ichinyi ye nyu pöytoghin so?” Kuyokyï Yeso lö, “Kemwaghanyi nyinte lö ochan pöytoghin. Kikïyiyanïn, angwïnan ngwïnyinete ompö makatanoni le akonga, atamuk ngalana man. Chi anka tïkwïl nyo pö man, kïteröy ngalechan.”

YOANA 8:47

Chi nyo ngwïno wölo mi Tororöt nyo teröy ngala Tororöt. Nka nyï molïmekwanye, ompöwölo melö opokwa Tororöt.”

YOANA 9:39

Kïlenchï Yeso, “Kangwïnan ngwïnyinete atorwokyï, atökumï chepkörotonoy kurosïta, kïwöghökisyö cho rosïtoy kïlïkwï chepkarotin.”

IGHISYEWUT 13:10

akïlenchï, “Nyi Wero Onyöt! Aichï punyonto kïgh anka tïkwïl nyo karam, nyïghitatïnyi ngöghomnyö nyo pö ghöytyö, mepïstonenyinye kïnure ortïna Echotyon cho ghïteghote?

RUMI 7:12

Kïlenyona nyu, tïlilöch kirurut akï pö man akï karamach.

KINONO KIRURUT 32:4

“Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!