OSEA 14:6 - PIPÏLIA

⁶ Pitöy tikitkachï ompö ngwïny pïchighöchitu chane le orolwö akïngutoy nyo karam le topïkut pö Lepanon.

OSEA 14:6 ပူးပေါင်းရင်းမြစ်များ

TOWUNÖT 27:27

Kïlenyona kïwö Yakopo kïrich kwanta akïtaroch, kïnguchï nyinte kïmïs pö sïrokachi, kusoyön nyinte kïlö, “Lentöy ne kïmïsto werïnyan! Lenye kïmïs pö par, nyo kesoyön ECHOTYON!

TUMWÖY 128:3

Lata korkengu sapipïyon nyo yinu akwa cho chang ompö kongu, chongitu moneku kuwit mangu le ghyaghani ket kuwit mesengu.

TUMWÖY 52:8

Wölo alatan nyo le ani ket pö orolwö nyo kapita Kö pö Tororöt.* Otwoytonan kegh chomnyenyi nyo pö kokay nko kokay.

TUMWÖY 92:12

Pitöy pipö man le keti sostin akïpöyitu le tarakitpa Lepanon!

ISAYA 27:6

Owesöchitu pipö Israel ompö osis cho pkonöy, tortoy nyighin asïyech pipö ara Yakopo, akïtapïkan, kïkarkegh nko ket nyo pitöy. Ghömu ngwïny kïmïkul akwa cho yinu chane.

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

YEREMIA 11:16

Kyokuran chane asistanka, ‘Ket pö orolwö nyo pïchighöch akwa,’ wölo ye ongwïnan le chepkiriri nyo wow, apel kuwonyö morichi lökïr.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

MATAYO 13:31

Kimwochï Yeso chane körkeyïntö anka nyo kilö, “Karkegh Pöyunöto Yïm nko kösïghyonto ket pö aradali nyo kikötkötyï chi parenyi.

YOANA 15:1

“Ochan ket pö sapipu nyo pö man akï ngorinte Paponyan.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.