OSEA 14:5 - PIPÏLIA

⁵ Olïkunan le röyön ompö Israel akïwetöy le ket pö tapïk akïtorta nyighin le keti Lepanon.

OSEA 14:5 ပူးပေါင်းရင်းမြစ်များ

2 SAMWEL 23:4

kulïwchini chane le löpoyïn pö tökwoghö, le asis nyo möminye polta, nyo ighöy sus kusïl otini kepech korö.”

2 PÖYTOGHÏ 19:30

Ngötuno pich koro Yuda akïtösisyö le ket cho ipöy tikitkökwa ori ngwïny lasiny atökïyiyï akwa.

AYUPU 29:19

Kitorta kegh ighinköchan ntökwit wölo mi pögh kumpï sökeko morichan ompö röyön kïyech.

TUMWÖY 133:3

Karkegh nko röyön nyo mi kutïng pö Ermon, cho chïnchini kutïngkoti Sayon.* Atoni ato kimwowunö ECHOTYON kisoyönötenyi, söpon nyo pö kokay. Tum pö saghat ompö rutogh pö Yerusalem.

TUMWÖY 72:16

Nya kïpituna pagh kor cho chang akulum kutïngkot. Nya kïkarkegh ilötenyi nko nyo pö Lepanon. Nya kïchangit pich ompö kanastin le sus cho mi wuw.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

TUMWÖY 80:9

Kirösönyi kore, kïpit ighinkachi kïghömï korononi.

TUMWÖY 92:12

Pitöy pipö man le keti sostin akïpöyitu le tarakitpa Lepanon!

TUMWÖY 92:13

Kïkötkötyini chane Kö pö ECHOTYON, cho pito kiroryo Koto Tororötïncha.

NGÖTÏNYÖ 19:12

Karkegh nörekyo pöytoghin nko tïlöto ngotïny, wölo lenye köromnyenyi röyön ompö sus.

TUM PÖ TUMWÖY 2:16

Chamanenyan nyinte, achan nyenyi, yokwïyi kechiryechi wölo mi tapïkoyï,

TUM PÖ TUMWÖY 4:5

Karkegh kitiku kwodeny nko wara kachey cho le sala cho oketïyi kwenu tapïkoy.

ISAYA 12:1

Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

ISAYA 18:4

Ompöwölo kölenchanïn ECHOTYON, “Otopönunan ompö yïm ompö sison kïle wölay ghömïtïtoy kegh röyöntö atay layate nöngötus ompö osiswö ilö, alïwunan le asis nyo lïwu pöghet.

ISAYA 26:19

Söpsot ngat piköcha cho kikuwonyö! Tutuno porwoyikwa ngwen, akïtökïngetuno chane pïrïmpotikwa, atökïpka kïtum ompö ngörekyö. Töni ECHOTYON kimïny pich cho kimeghö könyisyok kïle wölo töntoy röyöntö ngwïny wïsöt.

ISAYA 27:6

Owesöchitu pipö Israel ompö osis cho pkonöy, tortoy nyighin asïyech pipö ara Yakopo, akïtapïkan, kïkarkegh nko ket nyo pitöy. Ghömu ngwïny kïmïkul akwa cho yinu chane.

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 45:8

Nyi we yïm, ropönunö! Nya kïkonï poltoy ropa ighata man, nya kïyata ngwïnya atökïpita atoni sörunötö, akany kïpita tïkwïl ighata man. Ani ECHOTYON nyo oghöy choni.”

ISAYA 57:18

“Kyasïwan wölo kipetïta chane, wölo osopan chane antöghoghchï angarak. Osoghsoghan pich cho riryot nko chane.

ISAYA 57:19

Otöninan pich löwïr kalya, cho lekïtöch nko cho möngöy wölo low! Osopan pikachu.

YEREMIA 3:22

“Omïlisyenö we pïchï mochï ghönote Osopekwa ngat alïkuna pich cho ghönote.” Atoni nyu ato omwoghekwa lö, “Arose, kökïmïlonchecha wölo imitenyi, ompöwölo ichinyi ECHOTYON Tororötïncha.

YEREMIA 32:41

Ongörökyinan oghchï chane tïkwïn cho karamach achïchimchan chane kïmang koronï ompö mantanyan.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

MIKA 5:7

Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

MATAYO 6:28

“Kwompö ne nyu tosusokwa kegh sïro? Arose wölo pitïtoy tapïkoy pö wuw, cho meghöcha ighisyö anta nöpchï kegh sïro.

LUKA 12:27

Arose wölo pitïtoy tapïkoy pö wuw, cho meghöcha ighisyö anta nöpchï kegh sïro. Wölo omwowokwa lö kïrkegh ki oror pöytoghintö Solomon lö ne, kïmelö kiloköy sïro cho pïchighöch le tapïkoychï.

EPESO 3:17

atökïmang Kristo mïkulöwekwa ori ompö ara kighanat. Osoghan owudenökwa ighin akepintitakwa ompö chomnyogh nyo ghyongote.

KINONO KIRURUT 32:2

Röröku kinetutköchan le rop, le röyön ompö sökö. Pïspisu ngalechan le pkopïs cho ropönchini sus cho ngwïrngwïröch akïkarkegh nko pögh cho rörökyini sikoryon.