OSEA 14:2 - PIPÏLIA

² Oyokyinö kegh ECHOTYON, asagha nyinte lö “Lastena ngokicha löwïr aitakech ompö pöropchö atökesalacha nyi ompö mïkulisköcha.

OSEA 14:2 ပူးပေါင်းရင်းမြစ်များ

2 SAMWEL 12:13

Kïlenchï Daudi Natan, “Koghchan ngokï ECHOTYON.” Kïlenchï Natan Daudi, “Kikïlasta ECHOTYON ngokiku melö imeghenyi.

2 SAMWEL 24:10

Otini kikïcheng Daudi kiyitutchay pö pich, kusus kegh ompö kinonsyewutkachi akïlenchï ECHOTYON, “Kaghan ngokï cho ghach ompö kïyï. Wölo osoghinyi, we ECHOTYON lö, chenga lelutyo mötworintengu, ompöwölo kaghan ompö sölwontön.”

AYUPU 7:21

Ompö ne tömelöstowaninyi ngokichan, aingöngöghta ghöyityenyan? Ompöwölo tomönye kite ketïpanïn, iyöraninyi wölo menyorwanïnyinye.”

TUMWÖY 119:108

Taka saghatenyan le ropöwon, we ECHOTYON, ainetante möchutköku.

TUMWÖY 50:14

Nya kïlïkwï sörö amörostineku ompö Tororöt aitö kiwolwolutköku nyinte nyo Töror Tya.

TUMWÖY 51:16

Melö ighinyi amörostinö turönö amelö ingörökyinenyi ropöw nyo kötö okonunan.

TUMWÖY 51:17

Ropöwon nyo imökenyi, we Tororöt, kï mïkulögh nyo rïngate, melö itöghenyi mïkulögh nyo ipöy kegh ngwïny.

ISAYA 44:22

Kamistan ngokiku kïtuyö le polta. Mïlena wölo omitan, ompöwölo ani nyo kosörwokwa.”

ISAYA 6:7

Kïswanga kutinyan ngösötonay akïlö, “Kaswany ngösötonï kutingu, kakechengeninyi ye ghöyityengu akelöstowunyi ngokiku.”

YEREMIA 3:12

Kïlenyona wïyö mwochinö Israel lö kamwaghan lö, Mïlena wölo omitan we Israel, nyi nyo mechï ghanate. Mwoghöy ECHOTYON. “Melö nyu torosinyi ngat ompö nörekyö, ompöwölo otïngetan kisyonchin. Mwoghöy ECHOTYON. “Amelö onörekan kokay.

OSEA 12:7

Karkegh pipö Epraim nko mïnchïrsyon nyo pöghisyegho ratilin cho lïso pich. Chömöy kïpïröy pich.

OSEA 5:5

Rumu lötok menotöno pipö Israel nyo tïng chane, ighöy ngokikwa chane kupïtsot akwigh pipö Yuda tïkwïl kupïtyö nko chane.

OSEA 6:6

Ompöwölo omökan chomnyengu melö amörostin, akunkïtwanïn piköchan kïtïl ropöwo amörostin.

YOEL 2:17

Akanya kïlokyö tïsï cho pöghisyechini ECHOTYON ompö kwenu ato kïpelo amöros nko kuka Kö pö Tororöt* akïsagh lö, ‘Syonchinö piköku, we ECHOTYON. Mepïstö piköku kesas amekany kïroröchï puntonï. Pö ne kïmwa pich lö, “Mi onö tororötïngwa?’ ”

YONA 2:9

Wölo okoninyi amöros ompö sölut, aghokunyi kïgh nyo kawalwalan. Ngwïno sörunötö wölo mi ECHOTYON.”

SAKARIA 3:4

Kïlenchï malaykayan mötworichi cho kimi tïkwïl, “Angwïsena nyinte sïrochona le sïmnyon.” Akuyokï kïlenchï Yoswö, “Rose kopuktan ngokiku kïpa. Olokunyi ye sïra nyo pö olyot nyo wow.”

MATAYO 7:11

Ato onkïtökwa nyu pich cho ghach otöni monekwo tïkwïn cho karamach, töni nyu Paponkwa nyo mi yïm pich cho somöy nyinte tïkwïn cho karamach kïtya?

LUKA 11:13

Ato onkïtökwa nyu pich cho ghach otöni monekwo tïkwïn cho karamach, töni nyu kïtya Paponkwa nyo mi yïm Mïkulögh nyo Tïlil pich cho somöy nyinte?”

LUKA 18:13

Wölo kughyongö kwöghintonay pö surï otinöna, akimemïnye ntökïsyol tokochunyi kuros yïm. Atolapay kïwira morichi takat kosyochï kegh akïlö, ‘Syonchante Tororöt, ochan mwokïyon.’ ”

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

RUMI 11:27

Oman mumanï* nko chane otini kolöstoghchan chane ngokikwa.”

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 10:4

Ompöwölo memuköcha kisön pö kir nko ngaror kïchengöy ngokï.

EPRANIA 13:15

Kesala nyu Tororöt osis lapay ompö ara Yeso, salatanoni nyo tötoy pich lapay cho kikughan kaynenyi.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

1 YOANA 3:5

Onkïtökwa lö kingwïn Kristo atökïngongoghta ngokicha, akï möminye ngokï orinyi.