11 Kyokoninyi pöytoghin ompö nöryekyö ayodan ompö sïnyoryö.
Ato wïr korö, kïwöghökonöy kegh pöytoghï kïchangit, wölo chïchïmöy koro akulet tagh, ompö kintöghoghï cho tïng pköchin nko chïreryö.
Lentöy nyu chane, “Melö kïtïngöcha pöytoghin, ompöwölo melö kiwöghecha ECHOTYON. Idonecha ne nya pöytoghintö?”
Kipöy pöytoghinto Samaria, le perta ket nyo ipöy pögh.
Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.
“Kikïlchï kegh pöytoghï, amatepenanïn, kutökegha kintöghoghï cho melö kyonkïtön. Kwighchï kegh tororötino silpa nko koltin. Choni nyu cho ighöy chane kuwonyö lömïs.
Kïkur Samwel pich kïpka wölo mi ECHOTYON ompö Mispa,
Wölo kataghakwa ye Tororötïnkwa nyo sörwokwa ompö nyörilwok nko ompö kömpölelutkökwo löwïr alekwa, kïmököy pöytoghin. Apkana nyu löwïr wölo mi ECHOTYON kïrïp kegh nko ortïnekwo nko kaporkökwo.”
Kïlenchï Samwel pipö Israel, “Kateran ngalekwa löwïr cho komwowanïkwa, kokonokwa ye nyu pöytoghin.
“Anyï ye nyu pöytoghin nyo kyakïlwakwa, nyay kyatepakwa, konokwa ECHOTYON pöytoghintenkwa ECHOTYON.
Kïlenchï Samwel Saulö, “Mowetanye nko nyi, ompöwölo ketaghanyi kirurut pö ECHOTYON, kataghinyi ye nyu nyinte lïkuna pöytoghinto Israel.”
Kïlenchï ECHOTYON Samwel, “Ilöngönchini Saulö nko oyï? Akwanyï isïwïyenyi lö, kataghan nyinte kïlïkwï pöytoghinto Israel? Nyïghita mwagh lal aiwö itang ka Yese nyo mi Petleem, ompöwölo kakïlan akonga ompö werkachi kïlïkwï pöytoghin.”
