OSEA 12:7 - PIPÏLIA

⁷ Karkegh pipö Epraim nko mïnchïrsyon nyo pöghisyegho ratilin cho lïso pich. Chömöy kïpïröy pich.

OSEA 12:7 ပူးပေါင်းရင်းမြစ်များ

TOWUNÖT 49:18

“Kyakanyan sörunötengu ECHOTYON.

NGÖTÏNYÖ 11:1

Lilöy kïgh ECHOTYON kipimöw cho melö pö man, wölo ngörökyini nyinte kipimöw cho mïchinote.

NGÖTÏNYÖ 16:11

Mököy ECHOTYON ratilin cho pö man akï koghi cho kipimtoy löwïr cho mi mïlot kï ighisyenyi.

ISAYA 3:5

Ngöroköy kegh chi anka tïkwïl osiswechoni ompö chitö anka. Melö konyïtöy chumwak poyikwa, amelö yongöy pich cho chumpönote pikökwa cho echön.

ISAYA 56:1

Mwochini ECHOTYON pikachi lö, “Arïpakwa man akutenote, ompöwölo tomönye kite angwïnan osörwokwa.

ESEKEL 16:3

Aimwochï Yerusalem lö mwoghöy Echotyon TORORÖT lö, “Kikïyichini koro Kanan. Pö papongu pipö Amori, kï pö yongu pipö Ititi.

ESEKEL 22:29

Kilïsisyö pich akïsara pich tïkwïn, akurïm ptankeris nko pönon akïmasa pïnot tïkukwa.

ESEKEL 28:5

Kitasa sïkönötengu nyoman ompö ngöghomnyengu nyo wow ompö mïnchïrïsnön. Atolapay kïkwol nyu kegh mïkulöwungu ompö mökosyengu.

OSEA 14:2

Oyokyinö kegh ECHOTYON, asagha nyinte lö “Lastena ngokicha löwïr aitakech ompö pöropchö atökesalacha nyi ompö mïkulisköcha.

YOEL 2:12

Akwompö nyete le ye kïmwoghöy ECHOTYON lö, “Omïlisyenö wölo omitan ompö mïkuliskökwo löwïr, ompö kïrurat nko lok nko sönönöt.

AMOS 2:7

Pich cho pïröy pich cho memuktocha kegh, atolapay kïmas mey mönyorï mantangwa. Ghömechini chi nko werïnyi kurïwotoy korka nyo le mötworin, akusïmnyon kaynenyan nyo tïlil.

AMOS 3:9

Omwochinö pich cho möngöy kori pöytoghi Asirya nko Misri, olenchinö, “Oghömïtyinö kegh kutïngkoti Samaria, atasïwena ngal cho echön cho ighisyegho ori.”

AMOS 4:1

Atere ngalechi koruchï pö Pasyan cho omitö kutïng pö Samaria cho opïröy mey arey ptankeris atyakata chona mötïng kïgh cho olenchini chitonikwa, opkecha kumïn keghegha.

AMOS 5:11

Kïlenyona kïrkegh katek kori koghïn cho kipötöy melö omöngekwa nyonikïny. Kakatkatakwa sapipun cho karamach, wölo melö ogheghekwa dipaykakwa* nyonikïny. Ompöwölo opïrekwa mey, asara paghekwa pö nkanun.

MIKA 2:1

Heywey chane cho ighöy ngokï akïtat wölo idoy ghöyityö nangat ato ruyot pöröyonikwa. Tökwigh asïyech otini kayech ompöwölo mi owesye morikwa.

MIKA 7:2

Möminye chi pö man ngwïny, möminye chi nyo pö man ompö pich, möro sera porsyö chane, mököy chi anka tïkwïl kïrïm werïngwa.

SAKARIA 14:21

Kitïlilchini ECHOTYON Kimuktoghin tören löwïr ompö kanasyanta Yerusalem nko koro Yuda atokumï pich kughogha panya amörostino ECHOTYON. Ato itïta osiswechoni, melö tökïmi mïnchïrïsyonta kokay nyo ngotu ompö Kö pö Tororöt Kimuktoghin.

SAKARIA 5:8

Kïlenchanïn malaykayan, “Isïwiyenyi kokonï? Kiporunogh nyinte nyo pö ngokï.” Akïyumchï kokonay köröpe ori akïkar.

SAKARIA 7:9

“Lentöy ECHOTYON Kimuktoghin, omutyinö pich ngala man. Oghchinö kegh akwane nyo karam, asyonchï kegh.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

YOANA 2:16

Kïlenchï pïchoni kyoltoy chepïrïmtin, “Opö tïkuchï kïngeta yi, moghöy koto Paponyan kïlïkwï wölo kigho mïnchïrïsnön!”

YAKOPO 5:4

Tomönye oghokyinökwa pich ropïyenikwa cho ngorwokwa paren ropïyenikwa chanya kyataghekwa ompö lïs. Atere köny lokekwa! Kikwit rirata pïchoni kikas paghekwa yiti Echotyon Tororöt kimuytoghin.

1 SAMWEL 12:3

Mwagha ye nyu chi ompö ECHOTYON nko ompö pöytoghin nyo kakïl nyinte. Ngo nyo kyachengan edanyi anta sïkïryenyi? Anta ngo nyo kyalïsan anta opïrön? Anta ngo nyo kikonanïn asoya atökïkarta konyichan? Mwowunö ye atoyokun.”