OSEA 11:3 - PIPÏLIA

³ Ani nyu nyo kyanet Epraim kïwestö, ateteyan ompö morichu, wölo melö kipköchï lö ani nyo kyanam chane.

OSEA 11:3 ပူးပေါင်းရင်းမြစ်များ

TUMWÖY 107:20

Kusopö chane ngölyontenyi akïsörunö chane kiwonyogh.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

WUWÖT 19:4

‘Kasïwekwa kïgh nyo koghchan pipö Misri apunenokwa köpepoy le sich nyo ipöy warechi apkanakwa wölo omitan.

WUWÖT 23:25

Asagh ECHOTYON Tororötïngwo, atökuperur omisyenkwa nko pöghe, onoteghonan sömewut ompö kwenunkwa.

ISAYA 1:2

Kilö ECHOTYON, “Atera yïmwöy aikap yitïn ngwïnya, Otïngön monïng cho kyanaman ntökïyetu, Wölo kanget ye kïpenyanïn

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

ISAYA 63:9

nyarïltangwa. Melö ki malaykayan, wölo nyinte ECHOTYON nyo kisörï chane. Kisörï chane ompö chomnyenyi nko ompö kisyonötenyi. Kiripöy nyinte chane ato le tagh kïnomnyö,

YEREMIA 30:17

“Ongörokinyi sïkö ngat kisön cho karamach ongwïnan osopöy moyoköku. Ompöwölo kïmïninyi punköku kïlentöy, ‘Sayon* nyo puryö nyo yongöy.’ ” Mwoghöy ECHOTYON.

YEREMIA 8:22

Ayo, möminye so sakïtyanta koro Kiliad? Möminye so chepsakïtyan wölini wey? Kwompö ne nyu tomönye kïsöpchö piköchan?

OSEA 14:4

Lentöy ECHOTYON osopinyi ompö penyatengu ochömokwa kwïle, ompöwölo kikuyoda kegh nörekyenyan ompö akwa.

OSEA 2:8

Ompöwölo melö kinkïtï nyinte lö ani nyo kyotö nyinte pagh nko dipay nko mwowöy, anyïghïtyi ropïyen nko koltin cho kipöghisyeghö kïsagha Paal.*

OSEA 7:1

“Otini olentan osopöy piköchan Israel kirumï ngoki Epraim ngat, akïrumï ngoki Samaria ighöy chane ngala putïntön weröy korïn akïchorsyö, söro pich tïkukwa ompö ortïn.

OSEA 7:15

Kirkegh kyanetan chane, atösyï owesyö, wölo tökwighwanïn ngoki chane.

IGHISYEWUT 13:18

akïmïkukön nko chane ompö surkwen ompö könyis tömönut angwan.

KINONO KIRURUT 1:31

nko ompö surkwen. Kyasïwekwa wölanye kikasantekwa ECHOTYON Tororötïnkwa kïle wölini kösöntoy chi werïnyi ompö arananye kyapekwa ntökïtenö atunakwa koronï.’

KINONO KIRURUT 33:27

Tororöt nyo pö kokay nyo oryöghchinekwa, tighokwa ewunechi kokay. Kiyon nyinte pungkökwa otini kyomitekwa oletöy tagh, akïlenchokwa, ‘Apara chane lömïs.’

KINONO KIRURUT 8:2

Anan arananye kïmïkul kimïtunenokwa ECHOTYON Tororötïnkwa ompö könyis tömönut angwan ompö surkwen, atökwighekwa opö kegh ngwïny. Akïtyamakwa, atökunkïtï wölo lata mïkulöwekwa lö ochömekwa orïpe kirurutkachi nya anta ewo.