OSEA 11:11 - PIPÏLIA

¹¹ Pkonöy ompö ngörekyö le törit cho pkono Misri, le cheptuken cho pkono koro Asirya. Oyokyinan nyu chane kïpa kestonikwa ngat. Mwoghöy ECHOTYON.

OSEA 11:11 ပူးပေါင်းရင်းမြစ်များ

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 60:8

Ne tïku chï piltoy le poltoy, akïmïlonchot le cheptuken cho körotï korikwa?

YEREMIA 31:12

Pkonöy nyu pipö Israel kïtumöy ompö ngörekyö, ompö kutïng pö Sayon. Ngörokyini ropöw cho oropchinan chane Ropöwo pagh nko dipay* nko mwowöy cho pö kechir nko tïch nko kyaki walaka. Körökegh nyu atoni möngengwa nko par nyo mi pögh osis löwïr. Möminye kïgh nyo rörchini chane.

ESEKEL 34:27

Akïrïryö akwa ket ompö wuw akwakwaghit ngwïnya, kïmöngisyö nyu ompö kalya. Kunkïtï nyu lö ochan ECHOTYON otini köngötiyön mchokingwa asörunan chane mori pich cho kigh chane sekey.

ESEKEL 34:28

Melö tökïlïku chane panya punton, anta am tïpö wuw chane. Möngisïyi ompö kalya, amöminye chi nyo tökwotyegho chane.

ESEKEL 37:21

Atolapay ilenchï chane lentöy Echotyon TORORÖT, opunan Israel kïpkana punton wölo kipa. Aghamïtwan chane löwïr ompö wölini mi amïtwan kïpka korengwa kegh.

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

OSEA 7:11

Lata Israel cheptukö nyo le sölwö nyo menkït kïgh, rïpchini Misri kïsomöy kingörokut, akï kite ngat kïsor Asirya!

OPADIA 1:17

“Wölo nyu mi cho ngötu kutïng pö Sayon,* mönyorunye chane sito ECHOTYON ato rwokyini pipö koros. Kïkonyïtöy kutïngoni lö kutïng nyo tïlil pöyitu nyu atoni kore ngat pipö ara Yakopo le tagh.

SAKARIA 10:10

Oyokunan chane kaw kïpkana koro Misri, oghömïtunenan koro Asirya. Atolapay kïpka kïmang koro Kiliad nko Lepanon ntökïnyïghï lakas.

SAKARIA 8:7

Osörunenan piköchan koros cho mi okumpö kongasis nko ta

SAKARIA 8:8

atolapay aghamïtwan kïpka kanasyanta Yerusalem. Lïku nyu chane piköchan, alïkwan Tororötïngwa. Opöytenan chane ompö kighanat nko man.”